ប្រាក់ខែនិស្សិតទើបបញ្ចប់ការសិក្សានៅប្រទេសចិនកើន20%
សៀងហៃ ៖ គេហទំព័រជ្រើសរើសបុគ្គលិក zhaopin.com ផ្សាយថា អត្រាបៀវត្សចំពោះអ្នកទើបបញ្ចប់ការសិក្សាថ្មីៗបានកើនទ្បើងប្រមាណជា២០% កាលពីខែមុនធៀបនឹងឆ្នាំទៅ ។
សៀងហៃ ៖ គេហទំព័រជ្រើសរើសបុគ្គលិក zhaopin.com ផ្សាយថា អត្រាបៀវត្សចំពោះអ្នកទើបបញ្ចប់ការសិក្សាថ្មីៗបានកើនទ្បើងប្រមាណជា២០% កាលពីខែមុនធៀបនឹងឆ្នាំទៅ ។ ក្នុងនោះបណ្តានិយោជកឱ្យថ្លៃឈ្នួលខ្ពស់ជាងគេ គឺមកពីក្រុមហ៊ុនបច្ចេកវិទ្យានិងអីុនធើរណេត ។
ទិន្នន័យប្រាក់ឈ្នួលជាមធ្យមដែលផ្តល់ឱ្យអ្នកទាំងនោះ គឺ៤.៧៩៣យន់ (៧៧៣,០៦ដុល្លារ) ក្នុងមួយខែច្រើនជាងឆ្នាំទៅ៨៤០យន់ នេះបើតាមការលើកទ្បើងពីគេហទំព័រខាងលើក្នុងការស្ទង់មតិកាលពីខែមេសា ដែលគ្របដណ្តប់លើនិស្សិតសាកលវិទ្យាល័យចំនួណ៥៨.៩៩៦នាក់ ទើបបានបញ្ចប់ការសិក្សាក្នុងខែកក្កដាឆ្នាំ២០១៤កន្លងមក ។
ជាងនេះទៅទៀត នៅក្នុងការស្ទង់មតិនោះក៏បានបញ្ជក់ថា បណ្តាក្រុមហ៊ុនដែលផ្តល់បៀវត្សខ្ពស់ជាងមុន គឺស្ថិតក្នុងចំណោមក្រុមហ៊ុនអាជីវកម្មដែលជោគជ័យក្នុងជំនួញប្រសើរជាងពេលមុន ហើយអ្នកស្វែងរកការងារវ័យក្មេងក៏ជាអ្នកទាមទារប្រាក់ខែខ្ពស់ផងដែរ ។
មួយវិញទៀត បណ្តាក្រុមហ៊ុនអីុនធើរណេតនិងបច្ចេកវិទ្យាព័ត៌មាន គឺជាសហគ្រាសដែលនិយមជួលនិស្សិតទើបបញ្ចប់ការសិក្សាមកប្រកបការងារច្រើនបំផុត ៕
ចែករំលែកព័តមាននេះ