រាជធានីភ្នំពេញ ៖ ស្ដ្រីម្នាក់មានអាយុ ប្រហែល៤០បា្លយឆ្នាំ ហើយទំនងជាជនជាតិចិន ផងត្រូវបានជនដៃដល់មិនទាន់ស្គាល់អត្ដសញ្ញាណរឹត.កប៉ុនប៉ងសំលាប់ រួចដឹកយក ទៅប្លុងចោលក្នុងដីឡូត៍មួយកន្លែងស្ថិតនៅ ក្នុងភូមិច្រេះ សង្កាត់ភ្នំពេញថ្មី ខណ្ឌសែនសុខ តែស្ដ្រីរងគ្រោះពុំបានស្លាប់ទេ ហើយត្រូវបានក្មេងឃ្វាលគោប្រទះឃើញនៅវេលា ម៉ោង៣ និង៣០នាទីរសៀល ថ្ងៃទី២៧ ឧសភា និងនាំគ្នាទាក់ទងហៅរថយន្ដសាមុយមកដឹកយកទៅមន្ទីរពេទ្យព្រះកុសុមៈដើម្បី ធ្វើការសង្គ្រោះបន្ទាន់ ។ ទោះបីជាយ៉ាងណា ស្ដ្រីរូបនោះពុំត្រូវបានគេស្គាល់អត្ដសញ្ញាណនៅឡើយទេ ។
ស្ដ្រីរងគ្រោះដែលទំនងជាជនជាតិចិននេះ ត្រូវបានគេប្រទះឃើញ ខណៈដែលគាត់ដេក សន្លប់ផ្កាប់មុខនៅក្នុងដីឡូត៍ ។ ស្ដ្រីរូបនោះមានស្នាមរឹត.ក ហើយស្លឹកត្រចៀកទាំងសងខាងក៏មានស្នាមរបួសដែរដែលគេសង្ស័យថា ស្ដ្រីរូបនោះត្រូវបានគេទាញផ្ដាច់ទងត្រចៀក ដើម្បីប្លន់យកក្រវិល ហើយអ្នកដែលធ្វើសកម្មភាពនេះអាចជាអ្នកស្គាល់គ្នាទៀតផង ពីព្រោះបានប៉ុនប៉ងសំលាប់ដោយរឹត.ក រួចដឹកតាមរថយន្ដយកទៅប្លុងចោល តែជនរងគ្រោះអាយុមិនអស់មិនស្លាប់ ។ ក្រៅពីស្នាមរឹត.កស្ដ្រីរងគ្រោះក៏បែកពពុះមាត់ដែលគេសង្ស័យថា មានការដាក់ថ្នាំសណ្ដំផងដែរ។
តាមមន្ដ្រីប៉ូលិសខណ្ឌសែនសុខបានឱ្យដឹងជាជំហានដំបូងថា នៅវេលាម៉ោងប្រមាណ៣ និង៣០នាទីរសៀល មានក្មេងឃ្វាលគោបាន ធ្វើដំណើរឆ្លងកាត់ដីឡូត៍នោះ ហើយក៏ប្រទះ ឃើញស្ដ្រីរងគ្រោះដេកស្ដូកស្ដឹងផ្កាប់មុខ ទើបរត់ទៅប្រាប់អ្នកភូមិ ក្រោយមកក៏មាន ការភ្ញាក់ផ្អើលឆោឡោឡើង ។ នៅក្បែរកន្លែងកើតហេតុមានស្នាមកង់រថយន្ដដែលសមត្ថកិច្ចធ្វើការសន្និដ្ឋានថា ស្ដ្រីរូបនោះត្រូវបានគេរឹត.កសំលាប់ រួចដឹកតាមរថយន្ដយកទៅបោះចោល តែសំណាងល្អស្ដ្រីរងគ្រោះពុំស្លាប់ ហើយត្រូវបានបញ្ជូនទៅសង្គ្រោះនៅមន្ទីរពេទ្យ ។
ពេលទៅដល់មន្ទីរពេទ្យភ្លាមៗ ស្ដ្រីរូបនោះនិយាយពុំកើតឡើយ គឺគិតតែពីរើបំរះ ហើយមានអាការបែកពពុះមាត់ ។ ទាក់ទិននឹងហេតុការណ៍នេះមានតែស្ដ្រីរងគ្រោះដឹងខ្លួនវិញទេ ទើបដឹងថាមានហេតុការណ៍បែបណានោះ ។ មន្ដ្រីប៉ូលិសបានធ្វើ ការស្រាវជ្រាវហើយ ។
ចែករំលែកព័តមាននេះ