រាជធានីភ្នំពេញ៖ ក្រុមហ៊ុន i-Qlick Marketing Co.,Ltd បានរៀបចំកម្មវិធីប្រារព្ធខួប៤ឆ្នាំនៅក្នុងការធ្វើអាជីវកម្មប្រកបដោយភាពជោគជ័យនៅកម្ពុជាកាលពីល្ងាចថ្ងៃទី៩ ឧសភា នៅសណ្ឋាគារសូហ្វីតែលភ្នំពេញភូគីត្រា ដោយមានការចូលរួមពីថ្នាក់ដឹកនាំរបស់ក្រុមហ៊ុនគ្រប់កម្រិត និងដៃគូអាជីវកម្មយ៉ាងច្រើនកុះករផងដែរ។នៅក្នុងឱកាសប្រារព្ធខួប៤ឆ្នាំរបស់ខ្លួននេះក្រុមហ៊ុនបានបង្កើតនូវកម្មវិធីសប្បាយៗជាច្រើនជូនទៅដល់ភ្ញៀវកិត្តិយសដែលាបានចូលរួមក្រៅពីការចាប់រង្វាន់ និងប្រគល់រង្វាន់។
លោក អេនឌី លី នាយកប្រតិបត្តិរបស់ក្រុមហ៊ុន i-Qlickមានប្រសាសន៍ថា តាងនាមឲ្យក្រុមហ៊ុនលោកសូមថ្លែងអំណអរគុណទៅដល់អតិថិជននិងដៃគូរទាំងអស់នៅកម្ពុជាដែលតែងគាំទ្រគ្រប់ផលិតរបស់ក្រុមហ៊ុនតាំងពីដើមរហូតមកដល់ពេលនេះធ្វើឲ្យក្រុមហ៊ុនទទួលបានជោគជ័យបានជាបន្តបន្ទាប់ ជាក់ស្តែងដូចជាការប្រារព្ធខួប៤ឆ្នាំនៃការទទួលបានជោគជ័យនាពេលនេះដែរផងដែរ។
តំណាងក្រុមហ៊ុនCanonមកពីសិង្ហបុរីបានឲ្យដឹងថា ក្រុមហ៊ុនពិតជាមានសេចក្តីរីករាយជាខ្លាំងចំពោះការគាំទ្ររបស់អតិថិជនទៅលើផលិតផលម៉ាកCanon ជាពិសេសសូមអរគុណដល់ដៃគូរពាណិជ្ជកម្មរបស់យើងគឺ ក្រុមហ៊ុន i-Qlick ធ្វើឲ្យCanon មានដំណើរការយ៉ាងរលូននៅកម្ពុជា។ក្រុមហ៊ុនCanon មានវត្តមាននៅលើទីផ្សារអស់រយៈពេលជាង៧០ឆ្នាំមកហើយ។
នៅក្នុងចាប់ផ្តើមដំបូង Canon គឺជាក្រុមហ៊ុនតូចមួយ តែមកដល់បច្ចុប្បន្ននេះយើងបានក្លាយជាក្រុមហ៊ុនដ៏ធំមួយឈានមុខគេនៅលើពិភពលោក ក្នុងការផ្គត់ផ្គង់កាមេរ៉ា Canon ម៉ាស៊ីនព្រីន និងម៉ាស៊ីនថតចម្លងផងដែរ។តំណាងក្រុមហ៊ុនCanon ប្តេជ្ញាថា យើងនឹងធ្វើឲ្យទីផ្សារ Canon នៅកម្ពុជាកាន់តែមានដំណើរទៅមុខប្រកបដោយភាពរលូន៕
ចែករំលែកព័តមាននេះ