រាជធានីភ្នំពេញ ៖ តារាសម្តែង និង ចម្រៀងប្រុស រតនៈ វិសិដ្ឋ ដែលមានប្រជាប្រិយភាព និងបានឈរជើងនៅក្នុងសិល្បៈអស់ប្រមាណជាងជិត ១០ឆ្នាំមកហើយនោះ បានបង្ហាញអារម្មណ៍ខកចិត្តមួយចំនួននៅក្នុងសិល្បៈ ក្រោយពីមានការយល់ខុសនៅក្នុងវិស័យមួយនេះ។
ដោយឡែកកាលពីពេលថ្មីៗនេះ លោក រតនៈ វិសិដ្ឋ ស្រាប់តែទើបបង្ហាញអារម្មណ៌របស់ខ្លួន តាមរយៈបណ្តាញសង្គម ទៅលើវិស័យសិល្បៈនាពេលបច្ចុប្បន្ន មានតែមនុស្សចាប់ដាក់អោយតែល្បី ដោយមិនបានយល់ពីច្បាស់ពីទេពព្យកោសល្យ និងសមត្តភាព។
តារាប្រុសរូបនេះបានលើកឡើងថា « សិល្បៈប្រទេសខ្ញុំ យ៉ាងម៉េចក៏មានដែរ ចាប់ដាក់ៗ មិនដឹងមកពីណាពីណីទេ ចឹងបានធ្វើកម្មវិធីអីធំ១ មិនមានអ្នកគាំទ្រ បើគេមិនគាំទ្រ ថាខ្មែរមិនជួយខ្មែរ ។ ហ៊ី ! អ្នកមានជំនាញពិត និងទេព្យកោសល្យច្បាស់ គឺ ត្រូវដេកផ្ទះ ! សុំទោសបើខ្ញុំនិយាយខុស »។
យ៉ាងណាមិញ នេះជាលើកទី១ហើយ ដែលតារាប្រុសស្រស់សង្ហារលោក រតនៈ វិសិដ្ឋ ពាក្យពោលនៅក្នុងចិត្តបែបក្នុងនាមជា សិល្បករដែលចូលប្រឡូកក្នុងវិស័យសិល្បយូរក្រែល និងមហាជនអ្នកគាំទ្របានចាត់ទុកថាលោក ជាសិល្បករមួយរូប ដែលមានទេពកោសល្យ និង សាងកេរ្តិ៍ឈ្មោះល្បីក្នុងអាជីពនេះ ៕
ចែករំលែកព័តមាននេះ