អ្នកនាង គង់ សុជាតិ បានក្លាយជាម្ដាយក្មេកគេហើយ !
- ភ្នំពេញ
រាជធានីភ្នំពេញ ៖ ទីបំផុតអ្នកនាង គង់ សុជាតិ រកបានកូនប្រសារក្រោយរៀបពិធីចែចូវ នៅប៉ុន្មានថ្ងៃមុនមានការទម្លាយថា ពិធីការិនី គង់ សុជាតិ…
រាជធានីភ្នំពេញ ៖ ទីបំផុតអ្នកនាង គង់ សុជាតិ រកបានកូនប្រសារក្រោយរៀបពិធីចែចូវ នៅប៉ុន្មានថ្ងៃមុនមានការទម្លាយថា ពិធីការិនី គង់ សុជាតិ…
រាជធានីភ្នំពេញ ៖ ទីបំផុតអ្នកនាង គង់ សុជាតិ រកបានកូនប្រសារក្រោយរៀបពិធីចែចូវ នៅប៉ុន្មានថ្ងៃមុនមានការទម្លាយថា ពិធីការិនី គង់ សុជាតិ នឹងរៀបពិធីភ្ជាប់ពាក្យកូនប្រុសច្បងជាមួយកូនក្រមុំពេញវ័យម្នាក់។ យ៉ាងណាមិញនោះជារឿងមួយពិតប្រាកដមែនហើយជាអ្វីដែល អ្នកនាង គង់ សុជាតិ មហាសែនរំភើបព្រោះ ពេលនេះសម្រេចបំណងហើយ។ អ្នកនាងបាន ភ្ជាប់ពាក្យកូនប្រុសជាផ្លូវការនាថ្ងៃទី២១ តុលា ឆ្នាំ២០២០នេះ។
នៅលើបណ្តាញសង្គមហ្វេសប៊ុករបស់អ្នកនាង គង់ សុជាតិ បានបង្ហោះរូបភាពកម្មវិធីដោយសរសេរថា «ពិធីចូលចែចូវ របស់កូនប្រុសច្បង កូនប្រុសម៉ាក់ធំហើយ ជិតក្លាយជាមេគ្រួសារហើយកូនប្រុសម៉ាក់ ម៉ាក់សូមជូនពរកូនឲ្យមានសេចក្តីសុខ សុភមង្គលពេញមួយឆាកជីវិតរបស់កូនជាមេគ្រួសារដ៏ល្អ មានទំនួលខុសខ្ពស់ និងជាបង្គោលដ៏រឹងមាំក្នុងក្រុមគ្រួសារ»។ បណ្តាកម្រងរូបភាពនេះ បានធ្វើឲ្យ មានការចាប់អារម្មណ៍កក្រើកពេញសង្គមក្នុង និងក្រៅសិល្បៈ។ អ្នកខ្លះលើកឡើងថា ស្ងាត់ៗ គង់ សុជាតិបានកូនប្រសាក្លាយជាម្តាយក្មេកគេបាត់ ពេលវេលាពិតជាលឿន។
អ្នកសិល្បៈជាច្រើនបានសម្តែងការត្រេកអរជូនពរ គង់ សុជាតិ ព្រមទាំងកូនកម្លោះ ក្រមុំ និងសាច់ញតិសងខាងមានសុខសុភមង្គលជាមួយគ្នាតរៀងទៅ។ នៅមិនទាន់មានប្រភពណាឲ្យដឹងថា អ្នកនាងសុជាតិ និងដន្លងព្រងព្រៀងគ្នាឲ្យកូនប្រុសស្រីរៀបការពេញច្បាប់ខែណាទេ។ អ្វីៗស្ថិតនៅលើការពិភាក្សាជំហានបន្ទាប់ហើយបើសិនដល់ថ្ងៃការវិញ ប្រាកដជាផ្អើលសង្គមសិល្បៈសារជាថ្មីជាក់ជាមិនខាន៕ ដោយ ៖ ខាត់ សាមឿន
ចែករំលែកព័តមាននេះ