ញូវដេលី ៖ រដា្ឋភិបាលកាលពីពេលថ្មីៗនេះបានអញ្ជីញបណ្តាក្រុមហ៊ុនកូរ៉េឲ្យមកបណ្តាក់ទុនបង្កើតរោងចក្រផលិតកម្មផ្នែកឧស្សាហកម្មក៏ដូចជាមូលដ្ឋានស្រាវជ្រាវនិងអភិវឌ្ឍន៍នៅក្នុងប្រទេសឥណ្ឌា ដើម្បីជំរុញការផ្សព្វផ្សាយទំនិញផលិតក្នុងស្រុករបស់ខ្លួន ។
លោកAmitabh Kant លេខាធិការនៃនាយកដ្ឋានផ្សព្វផ្សាយគោលនយោបាយឧស្សាហកម្មឲ្យដឹងថា អនាគតរបស់ក្រុមហ៊ុនកូរ៉េនឹងពុំមែនត្រឹមតែក្នុងប្រទេសកូរ៉េប៉ុណ្ណោះទេ។ វាគឺស្ថិតនៅក្នុងប្រទេសឥណ្ឌាទាំងផលិតផលឧស្សាហកម្មសម្រាប់បំពេញតម្រូវការក្នុងស្រុកនិងនាំចេញ ។ មន្ត្រីរូបនោះបានបន្តទៀតថាវាគឺជាឱកាសសម្រាប់ក្រុមហ៊ុនHyundai Motor ក្នុងការបង្កើតរោងចក្រទី២ក្នុងដែនដីឥណ្ឌាហើយ។ ប្រសិនបើក្រុមហ៊ុនមិនសង់រោងចក្រទី២របស់ខ្លួន នោះនឹងមានការសោកស្តាយនៅពេលក្រោយជាមិនខាន ។ ម្យ៉ាងទៀតបណ្តាក្រុមហ៊ុនកូរ៉េនឹងរកស៊ីជួញដូរកាក់កបក្នុងទីផ្សារឥណ្ឌាស្របពេលសេដ្ឋកិច្ចរបស់ប្រជាជាតិមួយនេះអាចនឹងកើនឡើងក្នុងសន្ទុះលឿនអំឡុងពេល៣-៤ឆ្នាំខាងមុខ ។
លោកKant បានបន្តទៀតថា ឥណ្ឌាកំពុងផ្តោតលើឧស្សាហកម្មផលិតកម្មបច្ចេកវិទ្យាឌីជីថល និងការអភិវឌ្ឍជំនាញជាដើម ៕
ចែករំលែកព័តមាននេះ