ហូជីមិញ ៖ បណ្តាញព័ត៌មានក្នុងស្រុកផ្សាយថា ធនាគាររដ្ឋវៀតណាម បានបញ្ចុះតម្លៃរូបិយប័ណ្ណរបស់ខ្លួន(ប្រាក់ដុង)ប្រមាណជា១%ដែលជាការផ្លាស់ប្តូរនូវការជួញដូរមិនអំណោយផលដល់ទីផ្សារអន្តរជាតិ ។
ការកែសម្រួលនូវអត្រារូបិយប័ណ្ណនេះនឹងគិតចាប់ពីថ្ងៃទី៧ ឧសភា តទៅ ក្នុងនោះនឹងដំឡើងប្រាក់ដុល្លារពី២១.៤៥៨ដុងទៅ២១.៦៧៣ដុងក្នុង១ដុល្លារ ។ ប្រាក់ដុល្លារត្រូវបានអនុញ្ញាតឲ្យជួញដូរយ៉ាងច្រើន១%ជាផ្នែកមួយនៃអត្រាប្រាក់បម្រុងរបស់ធនាគារកណ្តាល។
កាលពីដើមខែមករា កន្លងមក ប្រាក់ដុងក៏ចុះខ្សោយ១%ដែរ មានន័យថា ពុំមានភាពទូលំទូលាយចំពោះការប្រែប្រួលនូវអត្រាច្រើនជាងនេះឡើយក្នុងឆ្នាំ២០១៥ ប្រសិនបើធនាគារកណ្តាលយល់ស្របទៅនឹងការបេ្តជា្ញកែសម្រួលអត្រាប្តូរប្រាក់មិនឲ្យលើសពី២%។ម្យ៉ាងទៀតធនាគាររដ្ឋមួយនេះបានលើកឡើងថាអត្រាប្តូរប្រាក់មានលក្ខណៈស្របទៅនឹងនិន្នាការកើនឡើងនាពេលបច្ចុប្បន្ន ដោយសារតែកត្តាចិត្តសាស្ត្រ គួបផ្សំនឹងការរំពឹងទុកនៃទីផ្សារ ប៉ុន្តែវានៅតែស្ថិតក្នុងក្របខ័ណ្ឌនៃការជួញដូររបស់ធនាគារកណ្តាលដដែល។
ទោះជាយ៉ាងណា ធនាគារកណ្តាលនឹងបន្តសមប្រកបនូវការតភ្ជាប់ឧបករណ៍ដើម្បីរក្សាស្ថិរភាពអត្រាប្តូរប្រាក់ ក៏ដូចជាទីផ្សាររូបិយប័ណ្ណស្របតាមការកែសម្រួលថ្មីៗនេះ ។ ជាងនេះទៅទៀតខ្លួនក៏នឹងធើ្វការពិនិត្យឲ្យបានល្អិតល្អន់លើការអភិវឌ្ឍទីផ្សារក្នុងស្រុកនិងអន្តរជាតិដើម្បីណែនាំពីវិធានការដ៏សមគួរផ្សេងៗ ៕
ចែករំលែកព័តមាននេះ