រាជធានីភ្នំពេញ ៖ លោកស្រីពាន់ ភួងបុប្ផា អ្នកនិពន្ធ និងដឹកនាំរឿងផលិតកម្មផ្កា៥ ភាពយន្តរួមទាំងកូនស្រី លោកជំទាវឧកញ៉ាយិន ផានី ថុងអ៊ុយប៉ាង និងលោកជំទាវឧកញ៉ាលឹម ឈីវហួរ បាននាំអំណោយ ជាទឹកប្រាក់ចំនួនចំនួន៧២០០ដុល្លារ
រាជធានីភ្នំពេញ ៖ លោកស្រីពាន់ ភួងបុប្ផា អ្នកនិពន្ធ និងដឹកនាំរឿងផលិតកម្មផ្កា៥ ភាពយន្តរួមទាំងកូនស្រី លោកជំទាវឧកញ៉ាយិន ផានី ថុងអ៊ុយប៉ាង និងលោកជំទាវឧកញ៉ាលឹម ឈីវហួរ បាននាំអំណោយ ជាទឹកប្រាក់ចំនួនចំនួន៧២០០ដុល្លារ ជូនដល់មូលនិធិមន្ទីរពេទ្យគន្ធបុប្ផា៤ ដែលមានទីតាំងលើកំណាត់ផ្លូវលេខ៩០ ស្ថិតក្នុងសង្កាត់វត្តភ្នំ ខណ្ឌដូនពេញ កាលពីរសៀលថ្ងៃទី០៨ ខែឧសភា ឆ្នាំ២០១៥ ហើយការផ្តល់នេះ គឺដើម្បីជួយសម្រាលការខ្វះខាតរបស់មន្ទីរពេទ្យ ។
លោកស្រីពាន់ ភួងបុប្ផា បានឲ្យដឹងថា ថវិកាចំនួន៦.០០០ដុល្លារ ដែលលោកស្រីផ្តល់ជូនមន្ទីរពេទ្យគន្ធបុប្ផានេះ បានមកពីកូនប្រុសស្រី នៅសហរដ្ឋអាមេរិក នាំគ្នាធ្វើបុណ្យកតញ្ញូតាធម៌ ជូនគាត់ ហើយថវិកាទាំងនេះ ក៏បានមកពីភ្ញៀវ មន្ត្រីរាជការ អ្នកជំនួញ សិល្បករ តារាភាពយន្ត ដែលចូលរួម ហើយថវិកាទាំងនោះ លោកស្រីតែងតែវេរដល់ព្រះសង្ឃ ។ ក៏ប៉ុន្តែឆ្នាំនេះ លោកស្រី និងក្រុមគ្រួសារ ក៏បានសម្រេចចិត្ត ផ្តល់ជូនមន្ទីរពេទ្យគន្ធបុប្ផា គោលបំណងដើម្បីចូលរួមចំណែកជួយសង្គ្រោះ ដល់កុមារកម្ពុជា ក៏ដូចជាការខ្វះខាតរបស់មន្ទីរពេទ្យគន្ធបុប្ផាផងដែរ ។
លោកស្រីពាន់ ភួងបុប្ផា ក៏បានបញ្ជាក់ផងដែរថា ជាមួយគ្នានេះ លោកជំទាវឧកញ៉ាយិន ផានី ថុង អ៊ុយប៉ាង បានផ្តល់ថវិកាចំនួន២០០ដុល្លារ និងលោកជំទាវឧកញ៉ាលឹម ឈីវហួរ ក៏បានផ្តល់ថវិកាចំនួន១.០០០ដុល្លារ ដល់មន្ទីរពេទ្យគន្ធបុប្ផាផងដែរ សរុបចំនួន៧២០០ដុល្លារ ។
លោកសាស្ត្រាចារ្យ គី សន់ទី ប្រធានមន្ទីរពេទ្យគន្ធបុប្ផា៤ បាននិយាយក្នុងឱកាសនោះថា តាំងពីឆ្នាំ២០១២ មន្ទីរពេទ្យគន្ធបុប្ផា បានទទួលអំណោយពីសប្បុរសជន ក្រុមហ៊ុន មន្ទីរក្រសួង ស្ថាប័ននានា ជាហូរហែរ ទោះបីជាថវិកាតិចតួចក្តី នេះសបញ្ជាក់ឲ្យឃើញថា គឺជាទឹកចិត្តដែលចេញពីបេះដូងសុទ្ធសាធ ហើយក៏ជាទឹកចិត្តដ៏សំខាន់ណាស់ ហើយការព្យាបាលដល់កុមារនេះ មិនគិតថ្លៃនោះទេ ។ ដោយឡែកកាកបាទក្រហមកម្ពុជា ដែលដឹកនាំដោយសម្តេចគតិព្រឹទ្ធបណ្ឌិតប៊ុន រ៉ានី ហ៊ុន សែន បានជួយឧបត្ថម្ភដល់មូលនិធិ មន្ទីរពេទ្យគន្ធបុប្ផា បីឆ្នាំជាប់គ្នា ហើយចំពោះការឧបត្ថម្ភតូចៗមែន តែយើងយកមកផ្គុំគ្នា គឺច្រើន ឃើញថា បានជាង២លានដុល្លារ ។
លោកសាស្ត្រារូបនេះបានបញ្ជាក់ថា ក្នុងរយៈពេលមួយខែ គឺខែមករា ឆ្នាំ២០១៥ កន្លងមកនេះ សប្បុរសតូចៗ និងជាក្រុមឧបត្ថម្ភ ដល់មូលនិធិមន្ទីរពេទ្យគន្ធបុប្ផា បានជាង៨០ម៉ឺនដុល្លារ នេះគឺជាកាយវិការសប្បុរសធម៌ គ្រប់ស្រទាប់វណ្ណៈមន្ត្រីរាជការ សមាគមន៍ អង្គភាពកងទ័ព ប៉ូលីស ជួយដល់មន្ទីរពេទ្យគន្ធបុប្ផា ហើយក្នុងឱកាសនេះដែរលោកវេជ្ជបណ្ឌិតដេនីស ឡូរ៉ង អនុប្រធានមូលនិធិមន្ទីរពេទ្យគន្ធបុប្ផា ក៏បានថ្លែងអំណរគុណដល់លោកស្រីពាន់ ភួងបុប្ផា និងកូនស្រី លោកជំទាវឧកញ៉ាយិន ផានី ថុង អ៊ុយ ប៉ាង និងលោកជំទាវឧកញ៉ាលឹម ឈីហួរ ផងដែរ ។
គួរបញ្ជាក់ថា មន្ទីរគន្ធបុប្ផាដែលមានមូលនិធិលោកវេជ្ជបណ្ឌិត REACHNER គាំទ្រឲ្យដំណើរការបានរយៈពេល២៣ឆ្នាំ មកហើយ ព្យាបាលកុមារគ្រប់ស្រទាប់វណ្ណៈទាំងអស់សរុបចំនួនជាង១លាន៥សែននាក់ ៕
ចែករំលែកព័តមាននេះ