អ៊ីតាលី ៖ Cristiano Ronaldo បានចែករំលែកសកម្មភាពប្រចាំថ្ងៃរបស់ខ្លួនលើបណ្តាញសង្គម Instagram កាលពីម្សិលមិញ ដែលធ្វើឱ្យអ្នកគាំទ្រសប្បាយចិត្ត បន្ទាប់ពីឃើញរូបគេនៅតែមាំមួន។
Ronaldo កំពុងបន្តដាក់ខ្លួនឯងស្ថិតក្នុងភាពឯកោរនៅឯផ្ទះរបស់គេ ក្នុងទីក្រុង Turin ប្រទេសអ៊ីតាលី បន្ទាប់បានធ្វើតេស្តវិជ្ជមាន កាលពីថ្ងៃទី១៣ ខែតុលាកន្លងទៅ នៅពេលដែលរូបគេបំពេញកាតព្វកិច្ចជាមួយក្រុមជម្រើសជាតិព័រទុយហ្គាល់។
ខ្សែប្រយុទ្ធក្រុម Juventus វ័យ ៣៥ឆ្នាំរូបនេះ បានចែករំលែកឃ្លីបវីដេអូនៅលើទំព័រ Instagram ដែលថតដោយមិត្តស្រីរបស់គេគឺនាង Georgina Rodriguez ដើម្បីបង្ហាញពីសុខភាពដ៏រឹងមាំ រួមទាំងការច្រៀងរាំយ៉ាងសប្បាយរីករាយ អំឡុងពេលនៃការហាត់ប្រាណនៅក្នុងផ្ទះយ៉ាងសកម្ម និងការផ្លាស់ប្តូរម៉ូដសក់ថ្មីរបស់ខ្លួនផងដែរ។ និងកំពុងរងចាំការធ្វើតេស្តវីរុសនេះ សារជាថ្មីម្តងទៀត។
ទាំងក្រុម Juventus និង Ronaldo ផ្ទាល់សុទ្ធតែរំពឹងថា រូបគេនឹងអាចជាទាន់ការប្រកួតនៅក្នុងក្របខណ្ឌ Champions League នៅថ្ងៃទី២៨ ខែតុលា ទល់នឹងក្រុម Barcelona ដែលជាការជួបគ្នាម្តងទៀតរវាងគេ នឹងគូប្រជែងក្នុងប្រវត្តិសាស្ត្របាល់ទាត់ Lionel Messi៕
https://www.youtube.com/watch?v=XW5z3PuM3tM
ចែករំលែកព័តមាននេះ