ប្រជាជាតិចិនកំពុងប្រើគ្រប់មធ្យោបាយដើម្បីឆ្លុះបញ្ចាំងពីភាពចាំបាច់របស់ខ្លួនឲ្យពិភពលោកទទួលស្គាល់ថា ចិននឹងក្លាយទៅជាមហាអំណាចពិភពលោកទាំងផ្នែកសេដ្ឋកិច្ចនិងយោធា បើទោះជាទិន្នន័យមួយចំនួនបង្ហាញពីការចាប់យកវិស្វកម្មដោយពុំមានការអនុញ្ញាតឬក៏ទិញបច្ចេកវិទ្យាយ៉ាងណាក្តី ។
ក្រោយពេលធ្វើជាអតិថិជនរបស់អតីតសហភាពសូវៀតអស់កាលជាយូរអង្វែងមករបប
កុម្មុយនីស្តចិនបានបំបែកខ្លួនចេញពីអ្នកមើលការខុសត្រូវរបស់ពួកគេក្នុងទសវត្សរ៍ឆាំ្ន១៩៦០ ដើម្បីចាប់ផ្តើមធ្វើការអភិវឌ្ឍន៍នូវបច្ចេកវិទ្យាដែលផលិតក្នុងស្រុក និងខិតខំជម្នះលុតដំនូវឧស្សាហកម្មយោធាជាតិរហូតទទួលបានការរីកចម្រើនយ៉ាងខ្លាំងក្លាជាមួយនឹងកិត្តនាមល្បីរន្ទឺទូទាំងទ្វីប ។
ចំពោះយន្តហោះចម្បាំងម៉ូដែល សិនយ៉ាង ជេ-១៥(Shenyang J-15) គឺជាគម្រោងគួរឲ្យកត់សម្គាល់មួយដែលបច្ចុប្បន្នកំពុងដំណើរការធ្វើតេស្តសាកល្បងពីប្រសិទ្ធភាពនៃការឆ្លើយតបជាមួយខ្មាំងសត្រូវក្នុងសមរភូមិ ។ ហើយដើម្បីផ្តល់នូវដំណោះស្រាយរួមតាមសេចក្តីត្រូវការរបស់កងទ័ពជើងទឹករំដោះប្រជាជនចិនសម្រាប់បំពេញមុខងារវាយបកសត្រូវតាមដែនអាកាសផងដែរ ។ Shenyang J-15 ត្រូវបានគេរំពឹងថានឹងបង្ហាញវត្តមានក្នុងជួរកងទ័ពជើងទឹករំដោះប្រជាជនចិននៅពេលណាមួយក្នុងអំឡុងឆាំ្ន២០១៦ ខាងមុខអាស្រ័យតាមការធ្វើតេស្តហោះហើរក៏ដូចជាសាកល្បងប្រសិទ្ធភាពវាយលុករបស់សពា្វវុធនីមួយៗដែលមានបំពាក់មកជាមួយ ។
ចំណុចស្នូលនៃការរចនាម៉ូដរបស់ Shenyang J-15 គឺមានមូលដ្ឋានទាំងស្រុងជាមួយនឹងយន្តហោះប្រយុទ្ធSukhoi Su-33 របស់អតីត
សូវៀត ដែលជាយន្តហោះធ្វើសង្គ្រាមនិងការពារដែនអាកាសមានប្រសិទ្ធភាពវាយប្រហារបានច្រើនរូបភាព ។ ម្យ៉ាងនេះគឺជាផលិតផលថ្មីមួយជំនាន់ទី៤,៥នៃយន្តហោះចម្បាំងដែលមាន
ឥទិ្ធពលខាំ្លកា្លអាចផ្គូផ្គងជាមួយនឹងបក្សីស្លាបដែកBoeing F/A-18 របស់សហរដ្ឋអាមេរិកនិងឥន្ទ្រីដែកLockheed F-22 Raptor របស់បារាំង។ បើករំឭកពីប្រវត្តិរបស់ J-15 គឺក្នុងអំឡុងឆាំ្ន២០០១ចិនបានទិញគំរូដើមនៃយន្តហោះ Su-33 របស់សូវៀត(ដែលគេស្គាល់វាតាមរយៈប្រទេសអ៊ុយក្រែនគឺម៉ូដែលT-10k-3)។
ខាងក្រោមនេះគឺជាចំណុចពិសេសរបស់យន្តហោះចម្បាំង Shenyang J-15៖
-ឈ្មោះនិងម៉ូដែល -Shenyang J-15
(រហស្សនាមឆ្លាមអាកាស)
-ប្រទេសផលិត - ចិន
-ក្រុមហ៊ុនផលិត - Shenyang Aircraft Corporation-China
-ឆាំ្នប្រើប្រាស់ – ២០១៦
-ចំនួនផលិត – ៦គ្រឿង
-យានិក – ១នាក់
-បណ្តោយ – ២១,៩ម៉ែត្រ
-ទទឹង – ១៤,៧០ម៉ែត្រ
-កម្ពស់ – ៥,៩០ម៉ែត្រ
-ទម្ងន់ទទេ – ១៧.៧០០គីឡូក្រាម
-ទម្ងន់អតិបរមា - ២៨.៥០០គីឡូក្រាម
-ល្បឿនអតិបរមា – ២.១០០គីឡូម៉ែត្រក្នុងមួយម៉ោង
-រយៈចម្ងាយហោះបានអតិបរមា-២.៧៥០គីឡូម៉ែត្រ
-កន្លែងបំពាក់សពា្វវុធ – ចំនួន១០រាប់ទាំងនៅស្លាប
-គ្រឿងសពា្វវុធកម្រិតស្តង់ដា – កាំភ្លើងធំបង្កប់ខ្នាត ១x៣០ម.ម,មីស៊ីលវាយលុកដែនអាកាសបាញ់បានរយៈចម្ងាយខ្លីចំនួន២(នៅជាប់ស្លាប )
-មីស៊ីលវាយតាមផ្លូវអាកាស វាយមកទីតាំងលើដីនិងមីស៊ីលទប់ទល់នឹងការបញ្ចេញវិទ្យុសកម្មពីសត្រូវជាដើម ៕
ចែករំលែកព័តមាននេះ