បាងកក ៖ រដ្ឋមន្ត្រីពាណិជ្ជកម្មបានថ្លែងបន្ទាប់ពីជំនួបជាមួយនឹងប្រធានក្រុមហ៊ុនឧស្សាហកម្មអាលុយមីញ៉ូម Diaki ឱ្យដឹងថា ក្រុមហ៊ុនសន្យារក្សា និងពង្រីកផ្នែកផលិតកម្មរបស់ខ្លួននៅ
បាងកក ៖ រដ្ឋមន្ត្រីពាណិជ្ជកម្មបានថ្លែងបន្ទាប់ពីជំនួបជាមួយនឹងប្រធានក្រុមហ៊ុនឧស្សាហកម្មអាលុយមីញ៉ូម Diaki ឱ្យដឹងថា ក្រុមហ៊ុនសន្យារក្សា និងពង្រីកផ្នែកផលិតកម្មរបស់ខ្លួននៅក្នុងប្រទេសថៃ ស្របទៅតាមកំណើននៃឧស្សាហកម្មរថយន្តថៃនៅថ្ងៃអនាគត។
Diaki Aluminium (Thailand) Co.,Ltd គឺស្ថិតក្នុងចំណោមក្រុមហ៊ុនផលិតអាលុយមីញ៉ូមធំបំផុតលំដាប់ទី៥លើពិភពលោក ។ រោងចក្ររបស់ខ្លួននៅឧទ្យានឧស្សាហកម្ម Amata Nakhon បានទទួលអាជ្ញាប័ណ្ណពីនាយកដ្ឋានកិច្ចការឧស្សាហកម្ម ដើម្បីធ្វើការកែច្នៃទ្បើងវិញនូវលោហធាតុអាលុយមីញ៉ូមមកជាវត្ថុធាតុដើមសម្រាប់បម្រើឱ្យឧស្សាហកម្មដែកថែប ។
ចំណែកការិយាល័យសេដ្ឋកិច្ចឧស្សាហកម្មបានព្យាករថា GDP នៃឧស្សាហកម្មថៃក្នុងឆ្នាំ២០១៥ នឹងពង្រីកបាន២ទៅ៣% ឯសន្ទស្សន៍ផលិតកម្មឧស្សាហកម្មចន្លោះពី៣ទៅ៤% ។ ផលិតកម្មរថយន្តត្រូវបានគេរំពឹងថា នឹងកើនទ្បើង១០% ឬស្មើនឹងរថយន្ត២,១៥លានគ្រឿង នោះក៏ដោយសារតែការងើបទ្បើងវិញនៃសេដ្ឋកិច្ចក្នុងប្រទេសថៃ និងនៅទីផ្សារនាំចេញធំៗរបស់ខ្លួន ៕
ចែករំលែកព័តមាននេះ