ខេត្តតាកែវ ៖ អគ្គិសនីស្រុកគីរីវង់ កំពុងត្រូវរងការិះគន់ពីសំណាក់ពលរដ្ឋយ៉ាងខ្លាំង ខណៈដែលប្រើប្រាស់តិច តែបែរជាអស់លុយច្រើន ប៉ុន្តែត្រូវបុគ្គលិកអគ្គិសនីប្រាប់ថាអ្នកប្រើអស់ច្រើន ដោយសារមានបងប្អូនមកលេងពេលបុណ្យភ្ជុំ ។
ជួបជាមួយអ្នកប្រើប្រាស់ភ្លើងថា គាត់ប្រើអស់តិចគ្មានបងប្អូនណាមកលេងពេលបុណ្យភ្ជុំទេ ហើយការប្រើប្រាស់ភ្លើងក៏ធម្មតាៗដែរ ស្រាប់តែអស់លុយច្រើនធ្វេរ១ជាបីដងឯណោះ ។ ប្រភពបន្តថា ហើយបើពលរដ្ឋណាហ៊ានរិះគន់ ខាងម្ចាស់គ្រប់គ្រងអគ្គិសនីនឹងផ្តាច់ភ្លើងមិនអោយប្រើប្រាស់បន្តទៀតឡើយ ។
ប្រជាពលរដ្ឋបាននាំគ្នាអោយដឹងទៀតថា ភ្លើងដាច់ក្នុង១យប់ៗមិនក្រោម២០ដងនោះទេ ហើយស្រាប់តែដល់ថ្ងៃបង់លុយញាក់សាច់ ធ្លាប់ប្រើក្នុង១ខែ១០ម៉ឺន ស្រាប់តែឡើងដល់៣០ម៉ឺន។
មន្ត្រីប៉ូលិសស្រុកគីរីវង់បានអោយដឹងដែរថា ប្រជាពលរដ្ឋរស់នៅស្រុកគីរីវង់ កំពុងរងគ្រោះខ្លាំងណាស់ ដោយសាអារឿងភ្លើងហ្នឹង ។ តែប្រជាពលរដ្ឋណាហ៊ាននិយាយគេនិងផ្ដាច់ភ្លើងមិនអោយប្រើទៀតទេ ព្រោះលោកម្ចាស់ភ្លើងខាងលើ គេមានអំណាចខ្លាំងណាស់ សូម្បីតែប៉ូលិសស្រុកក៏មិនហ៊ាននិយាយដែរ។
ពាក់ពន្ធ័ករណីខាងលើ បុគ្គលិកអគ្គីសនីស្រុកគីរីវង់បានអោយដឹងទៀតថា រឿងភ្លើងឡើងថ្លៃធ្វេរមួយជាបីក្នុងខែ (តុលា) គឺពលរដ្ឋមានកម្មវិធីបុណ្យភ្ជុំ ដោយផ្ទះពលរដ្ឋណាដែរអស់លុយច្រើន គឺមានបងប្អូនមកលេងច្រើន បើផ្ទះពលរដ្ឋណាប្រើអស់លុយតិចគឺមិនមានបងប្អូនមកលេងទេ តែបើចង់បានព៏័ត៌មានច្បាស់ជាងហ្នឹង ចាំសួរមេគេទៅ ។
យ៉ាងណា កោះសន្តិភាពនៅមិនទាន់អាចសុំការបំភ្លឺពីលោកស៊ុត ខុន ចៅហ្វាយស្រុកគីរីវង់បាននៅឡើយទេ នៅថ្ងៃទី២០ តុលា នេះ ។
ព័ត៌មានបន្ថែម កោះសន្តិភាពនឹងមានផ្សាយជូនបន្ត ។
ចែករំលែកព័តមាននេះ