ខេត្តបាត់ដំបង៖ យ៉ាងហោចណាស់ ជនសង្ស័យពាក់ព័ន្ធនឹងការជួញដូរគ្រឿងញៀនចំនួន០៣នាក់ត្រូវបានសមត្ថកិច្ចបង្ក្រាបនិងឃាត់ខ្លួនបាន នៅក្នុងកិច្ចប្រតិបត្តិការចំនួន០២ករណីផ្សេងៗគ្នានៅក្នុងថ្ងៃតែមួយ ជាមួយនឹងការរឹបអូសវត្ថុតាងបានមួយចំនួនផង។ ប្រធានការិយាល័យប្រឆាំងបទល្មើសគ្រឿងញៀន លោក សុខ និមល បានឱ្យដឹងថា…
ខេត្តបាត់ដំបង៖ យ៉ាងហោចណាស់ ជនសង្ស័យពាក់ព័ន្ធនឹងការជួញដូរគ្រឿងញៀនចំនួន០៣នាក់ត្រូវបានសមត្ថកិច្ចបង្ក្រាបនិងឃាត់ខ្លួនបាន នៅក្នុងកិច្ចប្រតិបត្តិការចំនួន០២ករណីផ្សេងៗគ្នានៅក្នុងថ្ងៃតែមួយ ជាមួយនឹងការរឹបអូសវត្ថុតាងបានមួយចំនួន
ផង។
ប្រធានការិយាល័យប្រឆាំងបទល្មើសគ្រឿងញៀន លោក សុខ និមល បានឱ្យដឹងថា កិច្ចប្រតិបត្តិការបង្ក្រាបគ្រឿងញៀនចំនួន០២លើកនេះ បានធ្វើឡើងជាបន្តបន្ទាប់នៅថ្ងៃទី១៨ តុលា ដោយលើកទី១ នៅស្រុកកំរៀង និង លើកទី២ នៅក្នុងក្រុងបាត់ដំបង។
បើតាមរបាយការណ៏បានឱ្យដឹងថា ករណីទី១ កម្លាំងនគរបាលអធិការស្រុកកំរៀង បានចុះបង្ក្រាបនៅវេលាម៉ោង១០ព្រឹកថ្ងៃទី១៨ តុលា នៅចំណុចភូមិទូលទិល ឃុំតាក្រី ដោយឃាត់ខ្កួនជនសង្ស័យម្នាក់ឈ្មោះ យ៉ែម រ៉ាវុធ ប្រុសអាយុ៣៦ឆ្នាំ រស់នៅភូមិអូរក្រូច ឃុំបឹងរាំង ស្រុកកំរៀង។ ជននេះត្រូវបានស្ទាក់ចាប់ពេលកំពុងប្រព្រឹត្តបទល្មើសជាក់ស្ដែងនៅតាមដងផ្លូវ។
ជាមួយនឹងការឃាត់ខ្លួននេះ មន្ត្រីជំនាញដកហូតបាននូវវត្ថុតាង ថ្នាំញៀនប្រភេទមេតំហ្វេតាមីន ICE (ម៉ាទឹកកក) ចំនួន០៣ថង់ មានទម្ងន់៦៩,៦៦ក្រាម និង ថ្មាំញៀនប្រភេទ Wy (យ៉ាម៉ា) ចំនួន១១គ្រាប់ រួមជាមួយវត្ថុតាងពាក់ព័ន្ធមួយចំនួនទៀត។ ដោយឡែកករណីទី២ បើតាមរបាយការណ៍លោក សុខ និមល បានឲ្យដឹងថា កម្លាំងការិយាល័យប្រឆាំងបទល្មើសគ្រឿងញៀន នៃស្នងការខេត្ត បានឆ្មក់បង្ក្រាបបទល្មើសនេះមួយកន្លែង នៅវេលាម៉ោង៧និង៥០នាទីយប់ថ្ងៃទី១៨ តុលា នៅចំណុចភូមិរតន: សង្កាត់រតន: ក្រុងបាត់ដំបង។ លោកសុខ និមល បានប្រាប់ថា ករណីនេះ ដំបូងកម្លាំងជំនាញ បានធ្វើការឃាត់ខ្លួនជនសង្ស័យម្នាក់ឈ្មោះ កែវ រីណា ហៅ ខូច ប្រុសអាយុ២៧ឆ្នាំ រស់នៅចំណុចកើតហេតុ ខណ:ដែលជននេះកំពុងលក់ដូរថ្នាំញៀន។
លោកបានបញ្ជាក់ថា ភ្លាមៗនោះ មន្ត្រីជំនាញដកហូតបានវត្ថុតាង ថ្នាំញៀនប្រភេទ កេតាមីន ( Ketamin ) ចំនួន២,៦២ក្រាម រួមនឹងវត្ថុតាងពាក់ព័ន្ធមួយចំនួនទៀត។ ប៉ុន្តែក្រោយសួរនាំបឋម ជននេះបានសារភាពមានជាប់ពាក់ព័ន្ធនឹងបក្សពួក ទើបលោកព្រះរាជអាជ្ញារ និង លោកស្នងការខេត្តបញ្ជាឱ្យតាមចាប់ខ្លួនជនសង្ស័យម្នាក់ទៀត ឈ្មោះ សេង តារ៉ា ហៅ កណ្ដុរ ប្រុសអាយុ២០ឆ្នាំ រស់នៅក្នុងភូមិជាមួយគ្នាខាងលើ។
លោក សុខ និមល បាននិយាយថា ជនសង្ស័យទាំង០២ករណីនេះ សុទ្ធតែជាមុខសញ្ញាជូញដូរគ្រឿងញៀន ដែលមន្ត្រីជំនាញតាមដានកន្លងរហូតឈានដល់ការឃាត់ខ្លួនជាបន្តបន្ទាប់ នៅពេលពួកគេកំពុងប្រព្រឹត្តបទល្មើសជាក់ស្ដែង។ លោកបានបញ្ជាក់ថា ពេលនេះ មន្ត្រីជំនាញកំពុងសួរនាំ ដើម្បីកសាងសំណុំរឿងបញ្ជូនពួកគេទាំង០៣នាក់ទៅកាន់តុលាការហើយ៕
ចែករំលែកព័តមាននេះ