រាជធានីភ្នំពេញ៖ តាមសម្តែងប្រុសចាស់វស្សាមួយរូបដែលនៅតែក្តោបក្តាប់ការងារសិល្បៈណែនដៃ និងជាទីសំណព្វចិត្តរបស់អ្នកគាំទ្រទាំងចាស់ ទាំងក្មេងនោះ លោក ទេព រិន្ទដារ៉ូ បានធ្វើអោយមហាជនមានការភ្ញាក់ផ្អើលយ៉ាងខ្លាំង ក្រោយតារាប្រុសរូបនេះបង្ហាញករណីហ្វេសប៊ុកមួយ បានយករូបលោកទៅប្រើប្រាស់ក្នុងបណ្តាញសង្គមក្នុងអំពើទុច្ចរិត។…
រាជធានីភ្នំពេញ៖ តាមសម្តែងប្រុសចាស់វស្សាមួយរូបដែលនៅតែក្តោបក្តាប់ការងារសិល្បៈណែនដៃ និងជាទីសំណព្វចិត្តរបស់អ្នកគាំទ្រទាំងចាស់ ទាំងក្មេងនោះ លោក ទេព រិន្ទដារ៉ូ បានធ្វើអោយមហាជនមានការភ្ញាក់ផ្អើលយ៉ាងខ្លាំង ក្រោយតារាប្រុសរូបនេះបង្ហាញករណីហ្វេសប៊ុកមួយ បានយករូបលោកទៅប្រើប្រាស់ក្នុងបណ្តាញសង្គមក្នុងអំពើទុច្ចរិត។
កាលពីថ្ងៃទី ១៨ ខែតុលា ឆ្នាំ២០២០ កន្លងទៅនេះ តារាសម្តែងប្រុសជើងចាស់រូបនេះ បានផ្ញើសារទៅកាន់អ្នកគាំទ្រនិងមហាជនដោយបញ្ជាក់ថារូបថតរបស់លោក ត្រូវបានជនខិលខូចយកទៅប្រើប្រាស់ជាប្រូហ្វាល់គណនីហ្វេសប៊ុកមួយ ហើយគណនីហ្វេសប៊ុកនោះបានផ្ញើសារទៅកាន់អ្នកលេងបណ្តាញសង្គមផ្សេងៗដើម្បីប្រព្រឹត្តការឆបោក ។
ជាមួយគ្នានោះផងដែរ លោក ទេព រិន្ទដារ៉ូ តារាប្រុសដែលមានមន្តស្នេហ៍នឹងប្រជ្រុញលើមុខនោះ បានដាស់តឿនទៅដល់អ្នកគាំទ្ររបស់លោក និងព្រមានទៅដល់ជនខិលខូចដែលមានគណនីហ្វេសប៊ុកមួយ ឈ្មោះថា« james » ដែលគណនីមួយនេះបានយកឈ្មោះ និងរូបរបស់លោក ប្រើប្រាស់ដើម្បីបន្លំបោកយកប្រាក់របស់មហាជន។
លោក ទេព រិន្ទដារ៉ូ លោកបានលើកឡើងថា « មានអ្នកបោកប្រាស់យកឈ្មោះខ្ញុំទៅប្រើទៀតហើយ បើឃើញ ឫុបានទទួលសារនេះកុំជឿអោយសោះ ខ្ញុំអត់ដឹងទេ..! សូមមេត្តាប្រយ័ត្នប្រយែងផង សូមអរគុណ» ។
យ៉ាងណាមិញ បន្ទាប់ពីទទួលដំណឹងមួយនេះពីលោក ទេព រិន្ទដារ៉ូ មានអ្នកគាំទ្ររបស់លោកជាច្រើននាក់បានចូលខមមិន និងបង្ហើបប្រាប់ ថាពិតជាបានទទួលសារមួយនេះពិតមែន ពីករណីហ្វេសប៊ុកមួយឈ្មោះ James ជាមួយនឹងការសរេសរពីការឈ្មោះរង្វាន់ដោយផ្ញើរសារដោយចៃដន្យថា « ខ្ញុំមកពីក្រុមទេពរិនដារ៉ូ។ បានប្រគល់ប្រាក់ចំនួន ៥០០០ ដុល្លារទៅឪ្យអ្នកតាមទេព រិនដារ៉ូហ្វេសប៊ុក ដែលយើងបានផ្ញើសារដោយចៃដន្យនៅលើហ្វេសប៊ុក តើអ្នកត្រៀមខ្លួនដើម្បីឈ្នះរង្វានហើយឫនៅ»។
គួរបញ្ជាក់ផងដែរថា មកទល់ពេលនេះ តារាសម្តែងជើងចាស់លោក ទេព រិនដារ៉ូ មិនទាន់មានវិធានការណ៍បែបណា ទៅកាន់ករណីហ្វេសប៊ុកមួយនេះនៅឡើយនោះទេ ក្រៅពីប្រកាសពីដំណឹងទៅដល់អ្នកគាំទ្ររបស់លោក «កុំឲ្យចាញ់បោក» តែប៉ុណ្ណោះ៕
ចែករំលែកព័តមាននេះ