ខេត្តកណ្តាល៖ ស្របពេលដែលខេត្តកណ្តាលកំពុងរងគ្រោះដោយទឹកជំនន់ ហើយក្នុងនោះមានផ្ទះសម្បែងបងប្អូនប្រជាពលរដ្ឋយើងមួយចំនួន នៅស្រុកកណ្តាលស្ទឹង ស្រុកអង្គស្នួលនិង ក្រុងតាខ្មៅ ត្រូវបានលិចលង់ និងផ្លូជាតិមួយចំនួនត្រូវបានផ្អាកចរាចរណ៍ជាបណ្តោះអាសន្នសិន ខណៈអាជ្ញាធរខេត្តបាននិងកំពុងរិះរកគ្រប់វិធានការ ដើម្បីរំដោះការជនលិច…
ខេត្តកណ្តាល៖ ស្របពេលដែលខេត្តកណ្តាលកំពុងរងគ្រោះដោយទឹកជំនន់ ហើយក្នុងនោះមានផ្ទះសម្បែងបងប្អូនប្រជាពលរដ្ឋយើងមួយចំនួន នៅស្រុកកណ្តាលស្ទឹង ស្រុកអង្គស្នួលនិង ក្រុងតាខ្មៅ ត្រូវបានលិចលង់ និងផ្លូជាតិមួយចំនួនត្រូវបានផ្អាកចរាចរណ៍ជាបណ្តោះអាសន្នសិន ខណៈអាជ្ញាធរខេត្តបាននិងកំពុងរិះរកគ្រប់វិធានការ ដើម្បីរំដោះការជនលិច ដោយសារជំនន់ទឹកភ្លៀង កុំឲ្យអូសបន្លាយយូរ និងប៉ះពាល់ដល់សុខភាព និងសុវត្ថិភាពរបស់ប្រជាពលរដ្ឋ ។
ការសង្គ្រោះ ក្នុងនោះក៏ឃើញមានស្ថាប័នក្រុមហ៊ុនមួយដេប៉ូខេត្តកណ្តាល ក៏បានផ្តល់ជំនួយអង្ករ២តោន មកដល់ខេត្តសម្រាប់ជួយជាជំនួយដល់ប្រជាពលរដ្ឋរងគ្រោះដោយសារទឹកជំនន់នេះផងដែរ សកម្មភាពភាពនេះ បានឆ្លុះបង្ហាញអោយឃើញថា ខ្មែរគឺចេះជួយខ្មែរគ្នាឯងនៅពេលជួបទុក្ខ ហើយសង្ឃឹមថា នឹងមានបណ្តាក្រុមហ៊ុនឯកជនផ្សេងៗ ចូលរួមជាមួយរាជរដ្ឋាភិបាល ក្នុងការរួមចំណែកជួយដល់សង្គម ។
ជាក់ស្តែង នៅព្រឹកថ្ងៃទី១៧ តុលា ឆ្នាំ២០២០ នៅសាលាខេត្តកណ្តាល លោក ហ៊ុយ សុផារិទ្ធ តំណាងដេប៉ូចែកចាយ បានផ្តល់អង្ករ២តោន ទឹកបរិសុទ្ធ២០កេស មី៤កេសធំ ទឹកស៊ីអុីវ២០យួរ ទឹកត្រី២០យួរ ប្រគល់ជូនដល់រដ្ឋបាលខេត្តកណ្តាល សំរាប់ជួយសង្គ្រោះប្រជាពលរដ្ឋដែលរងគ្រោះដោយជំនន់ទឹកភ្លៀងក្នុងភូមិសាស្ត្រខេត្តកណ្តាល។
ក្នុងឱកាសទទួលជំនួយជាអង្ករ ២តោននោះដែរ លោក គង់ សោភណ្ឌ អភិបាលខេត្ត បានសម្តែងនៅទឹកចិត្តកោតសរសើរ ដែលបានចូលរួមសហការជាមួយអាជ្ញាធរលើការងារសង្គមផ្តល់ជំនួយជាអង្ករនេះ មករដ្ឋបាលខេត្តចាត់ចែងជួយដល់ប្រជាពលរដ្ឋដែលជួបការខ្វះខាតក្នុងគ្រោះទឹកជំនន់នេះ ។
ចែករំលែកព័តមាននេះ