ពលករថៃទាមទារប្រាក់ឈ្នួលយ៉ាងតិច360បាតក្នុង1ថ្ងៃ
បាងកក ៖ សហព័ន្ធទំនាក់ទំនងពលករនៃសហគ្រាសរដ្ឋ (SERC) បានអំពាវនាវរដ្ឋាភិបាលបង្កើនប្រាក់ឈ្នួលអប្បបរមាចំនួន៣៦០បាត (១០,៨៧ដុល្លារ) ក្នុងមួយថ្ងៃ ។
បាងកក ៖ សហព័ន្ធទំនាក់ទំនងពលករនៃសហគ្រាសរដ្ឋ (SERC) បានអំពាវនាវរដ្ឋាភិបាលបង្កើនប្រាក់ឈ្នួលអប្បបរមាចំនួន៣៦០បាត (១០,៨៧ដុល្លារ) ក្នុងមួយថ្ងៃ ។
ពាក់ព័ន្ធនឹងការទាមទារនេះ SERC បានអះអាងថា បច្ចុប្បន្នបៀវត្សអប្បបរមារបស់ពលករ គឺប្រមាណជា៣០០បាត (៩ដុល្លារ) ក្នុងមួយថ្ងៃ គឺមិនគ្រប់គ្រាន់សម្រាប់ទ្រទ្រង់លើការចាយវាយដែលបានកើនឡើងក្នុងស្ថានភាពជីវភាពប្រចាំថ្ងៃឡើយ ។ គួរបញ្ជាក់ថា បណ្តាពលករជាច្រើនបានប្រមូលផ្តុំគ្នានៅមុខរដ្ឋសភាក្នុងឱកាសនៃទិវាពលកម្មអន្តរជាតិផងដែរ មុននឹងបន្តនីតិវិធីផ្សេងៗ ។
ទោះជាយ៉ាងណា មន្ត្រីជាន់ខ្ពស់របស់សហព័ន្ធ SERC បញ្ជាក់ថា ការទាមទារផ្សេងៗទៀតត្រូវបានធ្វើឡើងស្របតាមច្បាប់ការងារដែលប្រយុទ្ធប្រឆាំងនឹងការជួញដូរមនុស្ស និងការកែទម្រង់សិទ្ធិការងារ និងកម្មវិធីនៃការកែទម្រង់ហេដ្ឋារចនាសម្ព័ន្ធសហគ្រាសរបស់រដ្ឋ ៕
ចែករំលែកព័តមាននេះ