រាជធានីភ្នំពេញ ៖ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានប្រគល់អំណោយជាអង្ករចំនួន២០០តោន មីចំនួន២.៨០៨កេស ទឹកសុទ្ធចំនួន១.៤០០កេស និងត្រីខចំនួន១០០កេស ដល់តំណាងរាស្ត្រ ដើម្បីយកចែកជូនប្រជាពលរដ្ឋដែលកំពុងរង គ្រោះដោយជំនន់ទឹកភ្លៀងមាន រាជធានីភ្នំពេញ ខេត្តកណ្តាល ខេត្តកំពង់ស្ពឺ ខេត្តពោធិសាត់ ខេត្តបាត់ដំបង ខេត្តបន្ទាយមានជ័យ និងខេត្តប៉ៃលិន ជាដើម។
ការប្រគល់អំណោយទាំងអស់ខាងលើនេះធ្វើឡើងនាព្រឹកថ្ងៃទី១៨ ខែតុលា ឆ្នាំ២០២០នៅគេហដ្ឋានរបស់សម្តេចហេង សំរិន ផ្ទាល់ ជាការចូលរួមចំណែករំលែកទុក្ខលំបាករបស់ប្រជាព លរដ្ឋពីសំណាក់សម្តេចប្រធានរដ្ឋសភា និងសម្តេចធម្មវិសុទ្ធវង្សា សៅ ទី ហេងសំរិន ព្រមទាំងទទួលបានពីសប្បុរសជនផ្សេងទៀត។
ក្នុងឱកាសនោះដែរសម្តេចហេង សំរិន បានសម្តែងការសោកស្តាយចំពោះ បងប្អូន ប្រជាពលរដ្ឋដែលបានបាត់បង់អាយុជីវិត ខូចខាតផ្ទះសម្បែង និងទ្រព្យសម្បត្តិ និងជាពិ សេសសម្តេចបានចូលរួមរំលែកទុក្ខដ៏ក្រៀមក្រំចំពោះក្រុមគ្រួសារជនរងគ្រោះ ដែលបាត់បង់ អាយុជីវិតដោយសារគ្រោះធម្មជាតិជំនន់ទឹកភ្លៀងនេះ។
សម្តេចប្រធានរដ្ឋសភា បានអរគុណ និងកោតសរសើរដល់តំណាងរាស្ត្រទាំងអស់ ដែលបានខិតខំយកចិត្តទុកដាក់ សហការជាមួយកងកម្លាំងប្រដាប់អាវុធ អាជ្ញាធរមាន សមត្ថកិច្ច និងមន្ត្រីជំនាញពាក់ព័ន្ធដើម្បីជួយសង្គ្រោះប្រជាពល រដ្ឋបានទាន់ពេលវេលា។
ក្នុងនាមរដ្ឋសភា និងក្នុងនាមសម្តេចផ្ទាល់ សម្តេចបានថ្លែងអំណរគុណយ៉ាងជ្រាល ជ្រៅចំពោះសប្បុរសជនទាំងអស់ ដែលបានឧបត្ថម្ភដល់រាជរដ្ឋាភិបាល ដើម្បីជួយសង្គ្រោះប្រ ជាពលរដ្ឋយើង ដែលកំពុងរងគ្រោះដោយទឹកជំនន់។
សម្តេចបានលើកឡើងថា «កាយវិការដ៏ប្រពៃទាំងនោះបានបង្ហាញពីវប្បធម៌ចែករំលែក សាមគ្គីភាព និងការរួបរួមគ្នារបស់ប្រជាពលរដ្ឋកម្ពុជាយើង ដែលជានិច្ចកាលតែងតែជួ យគ្នាទៅវិញទៅមកនៅគ្រប់កាលៈទេសៈ ជាពិសេសក្នុងពេលយើងជួបគ្រោះអាសន្ន ដូចជាការប្រយុទ្ធប្រឆាំងជំងឺកូវីដ-១៩ ជាដើម»។
សូមជម្រាបថា ចាប់ពីពេលដែលខេត្តក្រុងមួយចំនូនរបស់កម្ពុជា ទទួលរងគ្រោះដោយ ជំនន់ទឹកភ្លៀងនាពេលប៉ុន្មានថ្ងៃមកនេះ សមាជិកសមាជិការដ្ឋសភា បានចុះជួយអន្តរាគមន៍ សង្គ្រោះពលរដ្ឋចេញពីតំបន់រងគ្រោះទៅកាន់ទៅទីទួលសុវត្ថិភាព ព្រមទាំងធ្វើ សកម្មភាពមនុស្ស ធម៌ ចែកនូវអំណោយសង្គ្រោះបន្ទាន់ដល់ពលរដ្ឋ នៅតាមមណ្ឌលខេត្តក្រុងដែលជួបគ្រោះធម្មជាតិនេះ បន្តបន្ទាប់ផងដែរ។
ដោយតាមការព្យាករណ៌ ប៉ុន្មានថ្ងៃខាងមុខ នេះរហូតដល់ថ្ងៃទី២១ ខែតុលា ប្រទេសកម្ពុជា អាចប្រឈមនឹងព្យុះនាំមកនូវទឹកភ្លៀង ដែលនឹងបន្តឱ្យមានការជន់ លិចបន្ថែមទៀតនៅតាមតំបន់ផ្សេងៗទៀតនោះ នៅក្នុងពិធីប្រគល់អំណោយដល់ តំណាងរាស្ត្ររាស្ត្រនៅឯគេហដ្ឋាន របស់សម្តេចក្នុងរាជធានីភ្នំពេញនេះ សម្តេចប្រធានរដ្ឋសភា បានអំពាវនាវដល់ប្រជាពលរដ្ឋមានការប្រុងប្រយ័ត្ន យកចិត្តទុកដាក់ខ្ពស់ថែមទៀត ជាពិសេសត្រូវថែទាំ និងយកចិត្តទុកដាក់លើកុមារ និងក្មេងតូចៗ ដើម្បីជៀសផុតពីគ្រោះថ្នាក់ដល់អាយុជីវិត។
ជាពិសេស ត្រូវយកចិត្តទុកដាក់ខ្ពស់ថែមទៀត លើកុមារ និងក្មេងតូចៗ ដើម្បីជៀសផុត ពីការបាត់បង់អាយុជីវិត។
ជាមួយគ្នានេះ សម្តេចប្រធានរដ្ឋសភា បានលើកទឹកចិត្ត ដល់ តំណាងរាស្ត្រទាំងអស់បន្ដយកចិត្តទុកដាក់ តាមដាន ដំណើរវិវត្តន៍នៃចរន្ដទឹក សហការជាមួយ អាជ្ញាធរមានសមត្ថកិច្ច សំដៅធ្វើយ៉ាងណារំដោះប្រជាពលរដ្ឋចេញពីតំបន់ ដែលរងគ្រោះ។
ជាមួយគ្នានោះដែរ សម្តេចអគ្គមហាពញាចក្រី ហេង សំរិន ប្រធានរដ្ឋសភា បានលើកទឹកចិត្តផងដែរ ដល់កងកម្លាំងមានសមត្ថកិច្ចទាំងអស់ ទាំងទាហាន នគរបាល កងរាជអាវុធហត្ថ ប្រជាការពារ និងអាជ្ញាធរមូលដ្ឋាន ត្រូវបន្តយកចិត្ដទុក ដាក់ការពារទ្រ ព្យសម្បត្តិរបស់ប្រជាពលរដ្ឋនៅតាមផ្ទះ ដែលត្រូវជម្លៀសមកទីទួលសុវត្ថិភាព។ ចំណែកក្រុមគ្រូពេទ្យ ត្រូវបន្តតាមដាន និងពិនិត្យព្យាបាលប្រជាពលរដ្ឋ ដែលមានប ញ្ហាសុខភាពនៅពេលនេះឲ្យបានល្អ៕ (កែសម្រួលដោយ ៖ ធីតា)
ចែករំលែកព័តមាននេះ