The World This Week
សេដ្ឋកិច្ចតំបន់អាស៊ី
ប៉េកាំង ៖ តាមរបាយការណ៍មួយចេញផ្សាយកាលពីថ្ងៃពុធបង្ហាញថា បរិមាណអតិថិជនដែលមានទុនសកម្មអាចវិនិយោគបានចន្លោះពី១០០.០០០ដុល្លារ
សេដ្ឋកិច្ចតំបន់អាស៊ី
ប៉េកាំង ៖ តាមរបាយការណ៍មួយចេញផ្សាយកាលពីថ្ងៃពុធបង្ហាញថា បរិមាណអតិថិជនដែលមានទុនសកម្មអាចវិនិយោគបានចន្លោះពី១០០.០០០ដុល្លារ
សេដ្ឋកិច្ចតំបន់អាស៊ី
ប៉េកាំង ៖ តាមរបាយការណ៍មួយចេញផ្សាយកាលពីថ្ងៃពុធបង្ហាញថា បរិមាណអតិថិជនដែលមានទុនសកម្មអាចវិនិយោគបានចន្លោះពី១០០.០០០ដុល្លារ និង១លានដុល្លារអាចនឹងកើនឡើង១០,១%ធៀបនឹងឆ្នាំទៅ ហើយស្មើនឹង១៥,៣លានដុល្លារនៅដំណាច់ឆ្នាំនេះ ។
បាងកក ៖ រដ្ឋមន្ត្រីពាណិជ្ជកម្មថៃបានបង្ហើបឱ្យដឹងថា បច្ចុប្បន្នក្រសួងនឹងកោះហៅអ្នកតំណាងមកពីរោងចក្រស្លឬចម្រាញ់ដូងប្រេង និងអ្នកដាំដុះមកពិភាក្សាដើម្បីស្វែងរកដំណោះស្រាយក្នុងការបញ្ចុះតម្លៃប្រេង ។ ក្នុងនោះទីភ្នាក់ងារសាធារណៈនឹងបង្កើនបរិមាណទិញពីអ្នកដាំដុះក្នុងតម្លៃចន្លោះពី៣,៣៨បាត(០,១០ដុល្លារ)ទៅ៤បាត(០,១២ដុល្លារ) ក្នុងមួយគីឡូក្រាម ។
ហូជីមិញ ៖ តាមការឱ្យដឹងពីសហព័ន្ធអ្នកផលិតនិងវិនិយោជិតនៃឧស្សាហកម្មសាច់បញ្ជាក់ថា បរិមាណនៃសាច់ជ្រូក គោ និងបសុសត្វអឺរ៉ុបដែលបាននាំចូលប្រទេសវៀតណាមកើនឡើងដូចកាំជ្រូចប្រមាណជា៦.០០០តោនកាលពីឆ្នាំទៅ ធៀបនឹងបរិមាណ៨០០តោនក្នុងឆ្នាំ២០១២ ។ គួរបញ្ជាក់ថា វៀតណាម កូរ៉េខាងត្បូង និងសហរដ្ឋអាមេរិក គឺជាអ្នកនាំចូលផលិតផលសាច់ធំជាងគេបំផុតពីសហគមន៍អឺរ៉ុប ។
ណៃពិដោ ៖ ក្រសួងពាណិជ្ជកម្មមីយ៉ាន់ម៉ានិយាយថា រដ្ឋាភិបាលដាក់ទិសដៅនាំចេញគ្រាប់សណ្ដែកខៀវឱ្យបាន១០ម៉ឺនតោនទៅទីផ្សារអឺរ៉ុបក្នុងអំឡុងឆ្នាំសារពើពន្ធ២០១៥-២០១៦ ។
សេដ្ឋកិច្ចតំបន់អឺរ៉ុប
ក្រុងឡុង ៖ តាមការស្ទង់មតិរបស់សម្ព័ន្ធឧស្សាហកម្មអង់គ្លេសបង្ហាញថា កំណើននៃការលក់រាយរបស់អង់គ្លេសមានការស្ងប់ស្ងាត់បន្តិចដោយពុំបានរំពឹងទុកក្នុងខែមេសា ប៉ុន្តែភាពសុទិដ្ឋិនិយមរបស់បណ្ដាហាងនានាអំពីការលក់នៅខែខាងមុខបានកើនឡើងយ៉ាងខ្លាំង ។
ស្ដុកខុល ៖ សមាគមឧស្សាហកម្មទេសចរណ៍បានវាយតម្លៃថា បរិមាណនៃភ្ញៀវទេសចរនៅស៊ុយអែតកំពុងកើនឡើងយ៉ាងលឿន ក្នុងនោះអ្នកទេសចរបរទេសត្រូវបានគេរំពឹងថា នឹងចំណាយសរុប១៣,៣លានដុល្លារសម្រាប់ឆ្នាំ២០១៥ នេះ ។
ម៉ាឌ្រីដ ៖ ទិន្នន័យផ្លូវការមួយបង្ហាញថា ភាពអត់ការងារធ្វើកម្រិតខ្ពស់របស់អេស្ប៉ាញបានកើនឡើងបន្តិចម្ដងៗក្នុងត្រីមាសដំបូងនេះ គឺកើន២៣,៧៨%ធៀបនឹងកំណើន២៣,៧%កាលពីត្រីមាសមុន ។
ប៊ែន ៖ ក្រុមហ៊ុនផលិតអាហារវេចខ្ចប់ធំបំផុតលើពិភពលោកNestle របស់ស្វ៊ីសបានឱ្យដឹងថា កំណើននៃការលក់របស់ខ្លួនប្រសើរជាងការរំពឹងទុកនៅក្នុងត្រីមាសដំបូងនេះ ទោះជាអត្រាប្ដូរប្រាក់រំខាន់ដល់ការលក់ក៏ដោយ។
សេដ្ឋកិច្ចមជ្ឈិមបូព៌ា
តេហេរ៉ង់ ៖ ក្រុមប្រឹក្សាជាន់ខ្ពស់នៃតំបន់សេដ្ឋកិច្ចពិសេស និងឧស្សាហកម្ម ពាណិជ្ជកម្មសេរីរបស់អឺរ៉ង់គ្រោងនឹងបង្កើតតំបន់កាហ្សារឱ្យភ្ជាប់ជាមួយនឹងតំបន់សេរីដើម្បីពង្រីកសហប្រតិបត្តិការអន្តរជាតិ ។
ហ្ស៊េរុយសាឡិម ៖ តាមរបាយការណ៍ពីការិយាល័យស្ថិតិកណ្ដាលបង្ហាញថា គិតចាប់ពីថ្ងៃទទួលបានឯករាជ្យរបស់ខ្លួនឆ្នាំ១៩៤៨អត្រាប្រជាជនអីុស្រាអែលបានកើនឡើង២% ស្មើនឹង៨.៣៤៥.០០០នាក់ ខណៈឆ្នាំ១៩៤៨មានត្រឹម៨០៦.០០០នាក់ប៉ុណ្ណោះ ។
គែរ ៖ យោងតាមអគ្គទេសាភិបាលធនាគារកណ្ដាលអេហ្សុីបបានឱ្យដឹងថា បំណុលក្រៅប្រទេសសរុបរបស់ខ្លួនបានថយចុះមកនូវ៤០,២ពាន់លានដុល្លារនៅដំណាច់ខែកុម្ភៈកន្លងមកនេះ ធៀបនឹងបរិមាណ៥០ពាន់លានដុល្លារកាលពីឆ្នាំទៅ ។
អាប៊ុយដាប៊ី ៖ ក្នុងអំឡុងនៃការចូលរួមក្នុងព្រឹត្តិការណ៍មុខរបរនៅអារ៉ាប់រួមប្រចាំឆ្នាំ២០១៥ អាជ្ញាធរទឹក និងអគ្គិសនីបានប្រកាសពីការងារថ្មីចំនួន៣០០មុខតំណែងសម្រាប់ប្រជាជនអារ៉ាប់រួម ។
សេដ្ឋកិច្ចបច្ចេកវិទ្យា
Apple ៖ ក្រុមហ៊ុនApple របស់សហរដ្ឋអាមេរិកលក់ទូរស័ព្ទiPhone នៅប្រទេសចិនក្នុងអំឡុងត្រីមាសទី១ ឆ្នាំ២០១៥ នេះ បានច្រើនជាងក្នុងដែនដីកំណើតរបស់ខ្លួនជាលើកដំបូង ក្នុងនោះចំណូលក៏បានកើនឡើង៧១% ឬស្មើនឹង១៦,៨ពាន់លានផងដែរក្នុងទីផ្សារចិន ។
Samung ៖ ក្រុមហ៊ុនស្រាវជ្រាវមួយបានឱ្យដឹងកាលពីថ្ងៃពុធ ថា Sumsung បានយកកៅអីនាំមុខនៅក្នុងទីផ្សារទូរស័ព្ទស្មាតហ្វូនលើពិភពលោកមកវិញនៅក្នុងរយៈពេល៣ខែដំបូងឆ្នាំនេះ ខណៈពេលដែលកំណើននៃទីផ្សារលក់បានធ្វើឱ្យខ្លួនវ៉ាដាច់Apple ។ ក្នុងនោះSumsung លក់បាន៨២,៤លានគ្រឿង ខណៈApple លក់បាន៦១,២លានគ្រឿងប៉ុណ្ណោះ ។
HTC ៖ ក្រុមហ៊ុនHTC កាលពីថ្ងៃពុធបានប៉ាន់ប្រមាណពីចំណូលដែលរំពឹងទុករបស់ខ្លួនសម្រាប់ត្រីមាសទី២ ឆ្នាំនេះនឹងមានកម្រិតទាបជាងមុន បន្ទាប់ពីជួបការខកចិត្តនៃម៉ូដែលស៊េរីថ្មីដែលទើបបង្ហាញខ្លួន ខណៈក្រុមហ៊ុនកំពុងពុះពារប្រកួតប្រជែងជាមួយApple និងSumsung ។
Albaba ៖ ក្រុមហ៊ុនAlibaba បាននិយាយថា ខ្លួននឹងសម្រួលការជួលបុគ្គលិកសម្រាប់ឆ្នាំនេះ ស្របពេលដែលលោកប្រធានJack Ma គិតថាកម្លាំងពលកម្ម៣០.០០០នាក់គឺពិតជាមានសក្ដានុពលគ្រប់គ្រាន់ដើម្បីរក្សាប្រតិបត្តិការរបស់ក្រុមហ៊ុន ។
Xiaomi ៖ ថ្មីៗនេះក្រុមហ៊ុនយក្សXiaomi របស់ចិនបានបង្ហាញវត្តមានទូរស័ព្ទស្មាតហ្វូនស៊េរីថ្មីរបស់ខ្លួនម៉ូដែលMi4i នៅក្នុងរដ្ឋធានីញូដេលី ប្រទេសឥណ្ឌា ។
iOS ៖ ក្រុមហ៊ុនវិភាគកម្មវិធីទូរស័ព្ទចល័តApple Annie របស់សហរដ្ឋអាមេរិកបានឱ្យដឹងថា ការDownloads iOS ប្រចាំត្រីមាសបានកើនឡើង៣០%រវាងត្រីមាសទី១ឆ្នាំ២០១៤ និង២០១៥ មានន័យថា ប្រទេសចិនវ៉ាដាច់សហរដ្ឋអាមេរិកជាអ្នកDownload កម្មវិធីiOSច្រើនជាគេលើពិភពលោក ៕
ចែករំលែកព័តមាននេះ