រាជធានីភ្នំពេញ ៖ ក្រុមហ៊ុនមេនូឡាយហ្វ៍បានប្រកាសលក់ជាផ្លូវការនូវផលិតផលថ្មី ដែលមានឈ្មោះថា គម្រោងធានារ៉ាប់រងអាយុអាយុជីវិតជាក្រុម ជាមួយមេនូឡាយហ្វ៍ សម្រាប់ម្ចាស់អាជីវកម្ម
រាជធានីភ្នំពេញ ៖ ក្រុមហ៊ុនមេនូឡាយហ្វ៍បានប្រកាសលក់ជាផ្លូវការនូវផលិតផលថ្មី ដែលមានឈ្មោះថា គម្រោងធានារ៉ាប់រងអាយុអាយុជីវិតជាក្រុម ជាមួយមេនូឡាយហ្វ៍ សម្រាប់ម្ចាស់អាជីវកម្ម រឺក្រុមហ៊ុន ដែលមានបំណងធានាជូនបុគ្គលិករបស់ខ្លួន ។ ពិធីប្រកាសនេះបានធ្វើឡើងកាលពីរសៀលថ្ងៃទី ២៩ មេសា ២០១៥ នៅសណ្ឋាគារ ឡឺរ៉ូយ៉ាល់ រាជធានីភ្នំពេញ ។
ផលិតផលធានារ៉ាប់រងអាយុជីវិតថ្មីនេះនឹង ផ្តល់ការការពារដល់និយោជិតរបស់ក្រុមហ៊ុន និងក្រុមគ្រួសារ របស់ពួកគេ។ នៅក្នុងទីផ្សារនៃព្រះរាជាណាចក្រកម្ពុជា ក្រុមហ៊ុន មេនូឡាយហ្វ៍ គឺជាក្រុមហ៊ុនពហុជាតិ ទីមួយហើយ ដែលផ្តល់ជូនអតិថិជននូវធានារ៉ាប់រងអាយុជីវិតជាក្រុមនេះ។
គម្រោងធានារ៉ាប់រងអាយុជីវិតជាក្រុមជាមួយ មេនូឡាយហ្វ៍ ផ្តល់អត្ថប្រយោជន៍ជូនដល់គ្រួសាររបស់និយោជិតណាម្នាក់ក្នុង ករណីនិយោជិតនោះជួបប្រទះនូវឧប្បទេវហេតុអាក្រក់ដោយចៃដន្យតួយ៉ាងដូចជាមរណៈភាព ឬពិការភាពទាំងស្រុង ដោយ សារជម្ងឺ និងគ្រោះថ្នាក់។ សម្រាប់ផលិតផលធានារ៉ាប់រងនេះ និយោជិតមានសិទ្ធជ្រើសរើសសមាជិកក្នុងគ្រួសាររបស់ខ្លួន ដើម្បីក្លាយជាអ្នកទទួលផលពីការធានារ៉ាប់រងអាយុជីវិត។
លោក Robert Elliott អគ្គនាយកប្រតិបត្តិ និងនាយកចាត់ការទូទៅរបស់ក្រុមហ៊ុន មេនូឡាយហ្វ៍ បានប្រសាសន៍នៅក្នុងសន្និសីទសារព័ត៌មានជាមួយអ្នកសារព័ត៌មានថា “សម្រាប់និយោជក ឬ ថៅកែក្រុមហ៊ុនទាំងអស់នៅក្នុងប្រទេសកម្ពុជាឧបសគ្គចំបងសម្រាប់ពួកគេខណៈពេលដែលអាជីវកម្ម របស់ពួកគេកំពុងរីកចម្រើនគឺលទ្ធភាពក្នុងការរក្សាបាននូវបុគ្គលិកដែលមានសមត្ថភាព ឲ្យនៅបន្តបម្រើការក្នុងក្រុមហ៊ុនរបស់ ខ្លួន។ ថៅកែក្រុមហ៊ុន ឬ ម្ចាស់សហគ្រាសទាំងនោះអាចបង្កើនភាពស្មោះស្ម័គ្ររបស់បុគ្គលិកខ្លួនដោយជ្រើសរើសផ្តល់ជូន ពួកគេនូវការការពារអាយុជីវិតពេញលេញមួយ តួយ៉ាងដូចជាផលិតផលធានារ៉ាប់រងអាយុជីវិតជាក្រុមជាមួយ មេនូឡាយហ្វ៍ ដែលអាចផ្តល់នូវការការពារអនាគតហិរញ្ញវត្ថុ ជាប្រយោជន៍សម្រាប់គ្រួសាររបស់បុគ្គលិកក្រុមហ៊ុនទាំងនោះ”។
គម្រោងធានារ៉ាប់រងអាយុជីវិតជាក្រុមជាមួយ មេនូឡាយហ្វ៍ ត្រូវបានបង្កើតឡើង ហើយត្រូវបានប្រកាសលក់ជាផ្លូវការនាពេល នេះគឺមានគោលបំណងជួយគាំទ្រដល់ភាពរីកចម្រើននៃអាជីវកម្មរបស់ អតិថិជនដែលជាម្ចាស់ ឬ និយោជកនៃក្រុមហ៊ុន ពហុជាតិធំៗ បណ្តាសាជីវកម្មក្នុងស្រុក ព្រមទាំងសហគ្រាសខ្នាតតូចនិងមធ្យមនៅក្នុងប្រទេសកម្ពុជា។ អតិថិជនទាំងអស់ របស់ក្រុមហ៊ុន មេនូឡាយហ្វ៍ នឹងទទួលបាននូវអត្ថប្រយោជន៍ពីការបញ្ចុះតម្លៃជាមួយហាងដៃគូរបស់ មេនូឡាយហ្វ៍ ចំនួនជាង ៦០ នៅក្នុងរាជធានីភ្នំពេញ និងនៅតាមបណ្តាខេត្តមួយចំនួន ៕
ចែករំលែកព័តមាននេះ