រាជធានីភ្នំពេញ ៖ ក្រុមហ៊ុន គ្រប់គ្រងថាមពល Eaton បានកំណត់យកក្រុមហ៊ុន T.O គ្រុប ជាដៃគូក្នុងការដោះស្រាយផ្នែកបច្ចេកវិទ្យាព័ត៌មានទូទៅ ក៏ដូចជាអ្នកចែកចាយផ្ដាច់មុខនូវផលិតផល
រាជធានីភ្នំពេញ ៖ ក្រុមហ៊ុន គ្រប់គ្រងថាមពល Eaton បានកំណត់យកក្រុមហ៊ុន T.O គ្រុប ជាដៃគូក្នុងការដោះស្រាយផ្នែកបច្ចេកវិទ្យាព័ត៌មានទូទៅ ក៏ដូចជាអ្នកចែកចាយផ្ដាច់មុខនូវផលិតផលដែលមានគុណភាពខ្ពស់នៅកម្ពុជា ។ នៅព្រឹកថ្ងៃទី ៣០ មេសា ២០១៥ តំណាងក្រុមហ៊ុនទាំងពីរបានចុះហត្ថលេខាលើការសហការគ្នា នៅសណ្ឋាគារហ៊ីម៉ាវ៉ារី ដើម្បីបង្កើនការចែកចាយបច្ចេកវិទ្យាព័ត៌មានរបស់ក្រុមហ៊ុន Eaton ទៅដល់អតិថិជន ទូទាំងប្រទេសកម្ពុជាអោយកាន់តែមានប្រសិទ្ធភាព ។
លោក Pichai Suthijintatip នាយកប្រចាំតំបន់អាស៊ីមជ្ឈិមបូព៌ា របស់ក្រុមហ៊ុន Eaton បានមានប្រសាសន៍ថា ភាពជាដៃគូរបស់ក្រុមហ៊ុន Eaton និងក្រុមហ៊ុនT.O គ្រុប កម្ពុជា គឺជាជំហ៊ានដំបូងរបស់យើង ដើម្បីឆ្ពោះទៅរកការគាំទ្រយ៉ាងពេញលេញដល់កំណើនវិស័យបច្ចេកវិទ្យាព័ត៌មាននៅក្នុងប្រទេសកម្ពុជា ។ ទន្ទឹមនឹងភាពរីកចម្រើនផ្នែកសេដ្ឋកិច្ច ក្នុងប្រទេសកម្ពុជា អតិថិជនគ្រប់ផ្នែកអាជីវកម្មនានាកំពុងត្រូវការនូវដំណោះស្រាយលើការរក្សាទុកថាមពលថ្មី លឿន និងគួរជាទីទុកចិត្ត ។ ដូច្នេះហើយ តាមរយៈការពង្រីកបណ្ដាញចែកចាយយ៉ាងទូលំទូលាយជាមួយT.O គ្រុប ឥលូវនេះយើងអាចចែកចាយទៅកាន់អតិថិជន និងអ្នកប្រើប្រាស់របស់យើងបានកាន់តែលឿន ។
លោកហេង ចំរើន អគ្គនាយកក្រុមហ៊ុន T.O គ្រុប កម្ពុជា បានមានប្រសាសន៍ដែរថា អតិថិជនរបស់យើងមានអាជីវកម្មនៅក្នុងវិស័យជាច្រើន រួមទាំងវិស័យធនាគារនិងសេវាហិរញ្ញវត្ថុ ការដឹកជញ្ជូន វិស័យកាត់ដេរនិងផលិតកម្ម វិស័យទូរគមនាគមន៍ និងក្រុមហ៊ុនផ្ដល់សេវាអ៊ីនធើណេត គម្រោងមូលនិធិរបស់រាជរដ្ឋាភិបាល អង្គការក្រៅរដ្ឋាភិបាល សណ្ឋាគារនិងភោជនីយដ្ឋាន និងហាងចែកចាយបន្ត ។ ទន្ទឹមនឹងភាពរីកចម្រើនជាបន្តបន្ទាប់នៃអាជីវកម្ម របស់អតិថិជនយើង ភាពជាដៃគូជាមួយក្រុមហ៊ុន Eaton បានធានាដល់ការឆ្លើយតបយ៉ាងមានប្រសិទ្ធភាពដល់តម្រូវការរបស់អតិថិជននូវដំណោះស្រាយលើការរក្សាទុកថាមពលដ៏គួរអោយ ទុកចិត្តបំផុត ។
ជាមួយនឹងកំណើនយ៉ាងលឿននៃទីផ្សារក្នុងប្រទេសកម្ពុជា ការពឹងផ្អែកលើកម្មវិធីសម្រាប់អាជីវកម្ម សំខាន់ៗក៏បានកើនឡើងយ៉ាងលឿនផងដែរ ។ ហើយប្រសិនបើកម្មវិធីនោះមិនមានដំណើរការត្រឹមតែពីរ បីវិនាទីក្រុមហ៊ុននឹងបាត់បង់ចំណូល ក៏ដូចជាទំនុកចិត្តពីអតិថិជន និងដៃគូរបស់ខ្លួន ។ ជាមួយនឹងការកើនឡើងនៃបរិមាណទិន្នន័យ តម្រូវការដើម្បីធ្វើអោយអាជីវកម្មសំខាន់ៗ រក្សាដំណើរការជានិច្ច ក៏បានកើនឡើងផងដែរ ។ ឧបករណ៍រក្សាទុកថាមពល UPS របស់ Eaton ជាដំណោះស្រាយជួយដល់អាជីវកម្មលោកអ្នក ក្នុងការរក្សាទុកថាមពដែលទុកចិត្តបំផុត ដើម្បីរក្សាដំណើរការកម្មវិធីអោយនៅដំណើរការនិងធានាដល់ដំណើរការអាជីវកម្ម និងផលិតភាពយ៉ាងមានប្រសិទ្ធភាព ៕
ចែករំលែកព័តមាននេះ