ណៃពិដោ ៖ ក្រសួងពាណិជ្ជកម្មបានឱ្យដឹងថា ចំណូលពីការនាំចេញសម្លៀកបំពាក់របស់ប្រទេសមីយ៉ាន់ម៉ាបានធ្លាក់ចុះ៨៩៦លានដុល្លារក្នុងឆ្នាំសារពើពន្ធ២០១៤-២០១៥ ដែលបញ្ចប់ទៅកាល
ណៃពិដោ ៖ ក្រសួងពាណិជ្ជកម្មបានឱ្យដឹងថា ចំណូលពីការនាំចេញសម្លៀកបំពាក់របស់ប្រទេសមីយ៉ាន់ម៉ាបានធ្លាក់ចុះ៨៩៦លានដុល្លារក្នុងឆ្នាំសារពើពន្ធ២០១៤-២០១៥ ដែលបញ្ចប់ទៅកាលពីដំណាច់ខែមីនា កន្លងមកនេះ គឺតិចជាងឆ្នាំមុន៣០% ។
ទិន្នន័យក្រសួងបង្ហាញថា ប្រទេសមីយ៉ាន់ម៉ា នាំចេញសម្លៀកបំពាក់បានក្នុងទំហំទឹកប្រាក់១,៣ពាន់លានដុល្លារក្នុងអំឡុងឆ្នាំ២០១៣-២០១៤ ។ លោក U Win Myint អគ្គនាយកនៃអគ្គនាយកដ្ឋានផ្សព្វផ្សាយពាណិជ្ជកម្មបានថ្លែងថា មានការតវ៉ាជាច្រើនដែលពាក់ព័ន្ធនឹងប្រាក់ឈ្នួលរបស់កម្មករោងចក្រកាត់ដេរ និងការធ្វើកូដកម្មការងារទៀតផង ។ ដូច្នេះ ដំណើរការនាំចេញក៏ដូចជាការបញ្ជាទិញត្រូវបានពន្យារពេលនៅដើមឆ្នាំនេះ ។ បច្ចុប្បន្នឧស្សាហកម្មកាត់ដេរដែលកំពុងផលិតសម្លៀកបំពាក់នៅក្នុងប្រទេស គឺប្រមាណជាក្នុងរង្វង់៣០០រោងចក្រក្នុងនោះរោងចក្រចំនួន២៨ជាការវិនិយោគ ឬបណ្តាក់ទុនរបស់បរទេស រួមមាន វិនិយោគិនមកពីប្រទេសចិន ជប៉ុន កូរ៉េខាងត្បូង និងបណ្តាប្រទេសអឺរ៉ុបមួយចំនួន ។ រោងចក្ររបស់ចិន៣ និងកូរ៉េខាងត្បូង២ មានកម្មករទាមទារប្រាក់ឈ្នួលខ្ពស់ជាងមុន ហើយបានធ្វើកូដកម្មកាលពីដើមឆ្នាំ ។
លោក U Khin Hlaing សមាជិកប្រតិបត្តិ របស់សមាគមរោងចក្រកាត់ដេរមីយ៉ាន់ម៉ា បានប្រាប់សារព័ត៌មានក្នុងស្រុកមួយថា ការបញ្ជាទិញត្រូវបង្កក ឬរីងស្ងួត ដោយសារទីផ្សារពលកម្មមិនអាចទទួលបាន ។ យើងក៏ខ្វះកម្មករជំនាញ ហើយយើងមិនអាចផ្គត់ផ្គង់ដល់អ្នកបញ្ជាទិញបានទាន់ពេលវេលាទៅទៀត ៕
ចែករំលែកព័តមាននេះ