គៀវ ៖ ធនាគារពិភពលោកកាលពីថ្ងៃពុធ បានសម្រាលនូវចក្ខុវិស័យមួយភាគធំរបស់ខ្លួនចំពោះ ជម្លោះប្រដាប់អាវុធអ៊ុយក្រែនដោយបានព្យាករទុកថា សេដ្ឋកិច្ចប្រទេសនេះនឹងរួញខ្លី៧,៥%ក្នុងឆ្នាំ២០១៥ ។
ការផ្លាស់ប្តូរទស្សនៈបែបនេះ គឺស្របពេលដែលអង្គការផ្តល់ប្រាក់កម្ចីអភិវឌ្ឍន៍របស់អង្គការសហប្រជាជាតិមួយនេះបានទម្លាក់ការប៉ាន់ប្រមាណនៃចក្ខុវិស័យសេដ្ឋកិច្ចឆ្នាំ២០១៥របស់ខ្លួន ពីការវាយតម្លៃទុកនៃភាពរួមតូច២,៣% កាលពីពេលមុន ។ មួយវិញទៀត ការព្យាករថ្មីនេះ គឺហាក់មិនមានភាពវិជ្ជមានជាងការប៉ាន់ប្រមាណទុករបស់រដ្ឋាភិបាលសាមី និងអង្គការមូលនិធិរូបិយវត្ថុអន្តរជាតិ (IMF) ដែលធ្លាក់ចុះ៥,៥%ក្នុង GDP ។ ម្យ៉ាងការព្យាករទុកនេះក៏ប្រាប់ ឬផ្តល់សញ្ញាជាមុនពីភាពរួញខ្លីនៃទិន្នផលសេដ្ឋកិច្ចអ៊ុយក្រែននៅតែបន្តកើតមានខណៈកាលពីឆ្នាំ២០១៤ បានធ្លាក់ចុះ៦,៨% រួចមកហើយនោះ ។
ទោះជាយ៉ាងណា ធនាគារពិភពលោកបានថ្លែងថា IMF យល់ព្រមលើកិច្ចព្រមព្រៀងជួយសង្គ្រោះក្នុងទំហំទឹកប្រាក់១៧,៥ពាន់លានដុល្លារក្នុងអំឡុងពេលជាង៤ឆ្នាំ ។ លើសពីនេះខ្លួនក៏បានទស្សន៍ទាយទុកថា ប្រទេសនេះត្រូវតែបង្កើនទឹកប្រាក់សរុបឱ្យបាន៤០ពាន់លានដុល្លារដើម្បីចៀសវាងការដួលរលំផ្នែកហិរញ្ញវត្ថុ ៕
ចែករំលែកព័តមាននេះ