ចំពោះបញ្ហានេះមានហេតុផលជាច្រើនដែលម៉ាស៊ីនត្រជាក់របស់រថយន្តមិនដំណើរការ ឬក៏ខូចតែម្តង ។ តាមធម្មតាឧបករណ៍បំភាយធាតុត្រជាក់ គឺជាផ្នែកធំមួយដែលជាអ្នកបង្កបញ្ហាបែបនេះ ។
ចំពោះបញ្ហានេះមានហេតុផលជាច្រើនដែលម៉ាស៊ីនត្រជាក់របស់រថយន្តមិនដំណើរការ ឬក៏ខូចតែម្តង ។ តាមធម្មតាឧបករណ៍បំភាយធាតុត្រជាក់ គឺជាផ្នែកធំមួយដែលជាអ្នកបង្កបញ្ហាបែបនេះ ។ ស្របពេលដែលវាពុំងាយស្រួលទ្បើយក្នុងការដឹងថា ម៉ាស៊ីនត្រជាក់មានបញ្ហាកើតទ្បើង ដូចនេះសូមណែនាំរបៀបធ្វើតេស្ត ដើម្បីឱ្យដឹងថា ឧបករណ៍បញ្ចេញធាតុត្រជាក់របស់រថយន្តខូចឬយ៉ាងណា៖
១-បើកម៉ាស៊ីនត្រជាក់របស់រថយន្តឱ្យចេញខ្យល់ពេញលេញ ខណៈពេលម៉ាស៊ីនរថយន្តកំពុងដំណើរការ ។ ចាប់អារម្មណ៍ចំពោះប្រភេទខ្យល់ដែលបក់ចេញមកនោះ ។ ប្រសិនជាពុំមានខ្យល់បក់ផាត់ចេញមកប៉ះដៃរបស់អ្នកទេ វាជាឱកាសល្អមួយដែលឧបករណ៍បញ្ចេញធាតុត្រជាក់របស់ម៉ាស៊ីនត្រជាក់រថយន្តមានបញ្ហា ។ តែបើពុំមានខ្យល់ទាំងស្រុងនោះមានន័យថា ឧបករណ៍បំពេញការងារផ្តល់ធាតុត្រជាក់កំពុងតែមិនដំណើរការជាមិនខាន ។
២-យកដៃរបស់អ្នកដាក់លើរន្ធម៉ាស៊ីនត្រជាក់ ខណៈពេលខ្យល់បញ្ចេញមកពេញលេញ ។ បន្ទាប់ពីធ្វើការផ្តោតអារម្មណ៍លើខ្យល់ចេញមកនោះហើយ ចូរបន្ថយរន្ធខ្យល់ត្រជាក់ ឬក៏មូលសារេសន្ទះនៃរន្ធខ្យល់ឱ្យបាំងខ្យល់បន្តិច គឺលៃយ៉ាងណាឱ្យល្បឿនខ្យល់បុកចេញមកប៉ះអ្នកត្រឹមពាក់កណ្តាលទៅបានហើយ ។ ប្រសិនជាពុំមានការប្រែប្រួលនៅក្នុងល្បឿនបក់របស់កង្ហារម៉ាស៊ីនត្រជាក់ទេ នោះករណីនេះមានន័យថា ឧបករណ៍បញ្ចេញធាតុត្រជាក់របស់រថយន្ត គឺជួបបញ្ហាធំហើយ ។
៣-បិទម៉ាស៊ីនរថយន្តហើយបើកគម្របម៉ាស៊ីន ដើម្បីពិនិត្យពិច័យវាបន្តិច ។ បើជាអ្នកស្គាល់ពីទីតាំង ឬក៏មានរូបភាពនៃប្រព័ន្ធម៉ាស៊ីនត្រជាក់របស់រថយន្តជាក់លាក់ក្នុងដៃកាន់តែប្រសើរ ។
៤-ពិនិត្យមើលបណ្តាមុខតំណដើម្បីឱ្យច្បាស់ថា វាមិនរបូតឬធូររលុង ។ ប្រសិនជាវាធូររលុងឬរបូត ចូរសារេវាឱ្យបានត្រឹមត្រូវ ហើយដេរបញ្ឆេះរថយន្តសាជាថ្មី ។ ពិនិត្យរន្ធខ្យល់ម៉ាស៊ីនត្រជាក់ ដើម្បីឱ្យឃើញថា វាជួបបញ្ហាដូចមុនទៀតឬយ៉ាងណា ។
៥-ពិនិត្យទៅលើបំពង់ទុយោម៉ាស៊ីនត្រជាក់ (ជាតិប្លាស្ទិក) ។ រកមើលក្រែងវាមានដាច់រលត់ ឬក៏សឹករហូតនាំឱ្យបំពង់ទុយោនោះពុំអាចបំពេញកិច្ចការរបស់ខ្លួនបាន ៕
ចែករំលែកព័តមាននេះ