យ៉ាន់កង់រថយន្តខូចកុំព្យាយាមជួសជុលគួរផ្លាស់ប្តូរភ្លាម
រថយន្តភាគច្រើនគឺអាស្រ័យលើការសប់បំប៉ោងខ្យល់កង់ ដើម្បីបំលាស់ទីដោយត្រឹមត្រូវនិងសុវត្ថិភាព ម្យ៉ាងកង់រថយន្តក៏វាអាស្រ័យទៅលើការរៀបចំឱ្យវាបានសមរម្យត្រឹមត្រូវដែរ
រថយន្តភាគច្រើនគឺអាស្រ័យលើការសប់បំប៉ោងខ្យល់កង់ ដើម្បីបំលាស់ទីដោយត្រឹមត្រូវនិងសុវត្ថិភាព ម្យ៉ាងកង់រថយន្តក៏វាអាស្រ័យទៅលើការរៀបចំឱ្យវាបានសមរម្យត្រឹមត្រូវដែរ ក្នុងនោះភារកិច្ចរបស់យ៉ាន់កង់ គឺដើម្បីរក្សានូវសម្ពាធខ្យល់បានល្អ ។
ការធ្វើឱ្យញ័រសម្បកកង់ ឬបាត់បង់សម្ពាធខ្យល់នឹងនាំឱ្យមានបញ្ហាដល់សម្បកឬក៏យ៉ាន់កង់ជាមិនខាន ។ យោងតាមក្រសួងថាមពលសហរដ្ឋអាមេរិកការសប់បំប៉ោងខ្យល់កង់រថយន្តបានត្រឹមត្រូវអាចសន្សំសំចៃប្រេងឥន្ធនៈបាន៣,៣%ឯណោះ ។
ខាងក្រោមនេះគឺជាហេតុផលដែលតម្រូវឱ្យមានការផ្លាស់ប្តូរយ៉ាន់កង់រថយន្ត៖
ក/ភាពត្រឹមត្រូវ
សម្បកនិងយ៉ាន់កង់ ទាមទារភាពត្រឹមត្រូវដែលរក្សាបាននូវការបំប៉ោងខ្យល់ជានិច្ច ។ ហេតុដូច្នេះហើយទើបបណ្តាក្រុមហ៊ុន ឬរោងចក្រផលិតសម្បកទាំងទ្បាយបានរាយនាមពីទំហំយ៉ាន់កង់នីមួយៗសម្រាប់ប្រើជាមួយសម្បកកម្រិតណាទើបត្រឹមត្រូវ ។ អ្នកចាំបាច់ត្រូវតែប្តូរយ៉ាន់ ឬសម្បកណាមួយចេញ ប្រសិនជាទំហំខ្នាតមិនត្រូវគ្នា ។
ខ/ការផលិត
ការបែកធ្លាយនៃសម្បកកង់ជាទូទៅមកពីបញ្ហាផ្សេងៗរបស់សម្បក ប៉ុុន្តែបើតាមការសន្និដ្ឋានពីលោក Mike Allen អ្នកជំនាញដ៏មានប្រជាប្រិយមួយរូប បានលើកទ្បើងថា យ៉ាន់កង់ក៏អាចបង្កបញ្ហាបានដែរ ។ យ៉ាន់កង់ផលិតពីលោហៈធាតុក៏អាចជាអ្នកនាំបញ្ហានៃការបែកធ្លាយក៏មានដែរ។ តាមសេចក្តីណែនាំរបស់លោក Allen គឺគួរតែប្តូរយ៉ាន់កង់ប្រភេទនោះចេញ ខណៈពេលវាខូចជាជាងជួសជុលប្រើបន្ត ។
គ/សេចក្តីអន្តរាយ
ការរកឃើញស្នាមប្រេះ ឬបែកធ្លាយនៅជ្រុងឬគែមយ៉ាន់បញ្ជាក់ឱ្យលោកអ្នកដឹងថាចាំបាច់ត្រូវផ្លាស់ប្តូរវាចេញ ។
ឃ/វិធានការបង្ការ
ពិនិត្យសម្បកកង់រថយន្តអ្នករកមើលបញ្ហានៃការបំប៉ោងខ្យល់ឱ្យបានម្តងក្នុងមួយខែ ដើម្បីផ្តល់នូវព័ត៌មានពីបរិមាណនៃការបាត់បង់សម្ពាធខ្យល់នៃកង់រថយន្ត ។ ការបាត់បង់សម្ពាធខ្យល់ភាគច្រើននៅរដូវត្រជាក់ ។ ចំណែកការបង្កើនសម្ពាធខ្យល់ញឹកញាប់តម្រូវឱ្យមានការពិនិត្យពិច័យលើសម្បកនិងយ៉ាន់កង់យ៉ាងហ្មត់ចត់ក្រែងកើតមានហានិភ័យពេលធ្វើដំណើរ ៕
ចែករំលែកព័តមាននេះ