វិស័យឯកជនថៃនឹងផ្តល់ឥណទាន4ពាន់លានបាតដល់ប្រទេសជិតខាង
បាងកក ៖ សារព័ត៌មានថៃផ្សាយថា ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចបណ្តាប្រទេសជិតខាង (NEDA) បាននិងកំពុងត្រៀមផ្តល់ឥណទានលើគម្រោងហេដ្ឋារចនាសម្ព័ន្ធមួយ
បាងកក ៖ សារព័ត៌មានថៃផ្សាយថា ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចបណ្តាប្រទេសជិតខាង (NEDA) បាននិងកំពុងត្រៀមផ្តល់ឥណទានលើគម្រោងហេដ្ឋារចនាសម្ព័ន្ធមួយ
បាងកក ៖ សារព័ត៌មានថៃផ្សាយថា ទីភ្នាក់ងារសហប្រតិបត្តិការអភិវឌ្ឍន៍សេដ្ឋកិច្ចបណ្តាប្រទេសជិតខាង (NEDA) បាននិងកំពុងត្រៀមផ្តល់ឥណទានលើគម្រោងហេដ្ឋារចនាសម្ព័ន្ធមួយចំនួននៅក្នុងប្រទេសជិតខាងចំនួន៣ ។
អគ្គនាយកទីភ្នាក់ងារ NEDA លោក Newin Sinsiri បានថ្លែងថា គម្រោងនេះបច្ចុប្បន្នកំពុងស្ថិតក្នុងការចរចាឥណទានពីសំណាក់ប្រទេសឡាវ, មីយ៉ាន់ម៉ា និងវៀតណាម ។ លោក Newin ជឿជាក់ថា តាមរយៈការផ្តល់នូវជំនួយផ្នែកហិរញ្ញវត្ថុដល់បណ្តាប្រជាជាតិទាំងនេះ ថៃដើរតួសំខាន់មួយក្នុងការអភិវឌ្ឍសេដ្ឋកិច្ចនៅក្នុងតំបន់ភាគខាងជើងអាស៊ីអាគ្នេយ៍ ក៏ដូចជាការបោះទីតាំងព្រះរាជាណាចក្ររបស់ខ្លួននៅជុំវិញមជ្ឈមណ្ឌលសេដ្ឋកិច្ចទាំងអស់ក្នុងតំបន់អាស៊ាន ។ ចំពោះគម្រោងដែលស្ថិតក្រោមការចរចាគ្នានោះរួមមាន គម្រោងវិនិយោគទំហំទឹកប្រាក់១,១ពាន់លានបាត (៣៣,៦៨លានដុល្លារ) លើបណ្តាញថាមពល និងស្ថានីយថាមពលក្នុងប្រទេសឡាវ និងគម្រោង១,៧ពាន់លានបាត (៥២,០៥លានដុល្លារ) ក្នុងការកែសម្រួលថ្មីនូវបណ្តាញថាមពលក្នុងក្រុងរ៉ង់ហ្គូនរបស់មីយ៉ាន់ម៉ា ។ ក្នុងនោះគម្រោងថាមពលនៅឡាវប្រហែលជាអាចត្រូវបានពន្យារពេលនៅឱកាសក្រោយដើម្បីធ្វើការតភ្ជាប់បណ្តាញថាមពលនៅក្នុងប្រទេសថៃ ។
ចំណែកឯគម្រោងថាមពលនៅមីយ៉ាន់ម៉ាបច្ចុប្បន្នកំពុងតែទន្ទឹងរង់ចាំការអនុម័តពីរដ្ឋាភិបាល ហើយគេរំពឹងថា នឹងប្រកាសនៅចុងឆ្នាំ២០១៥ នេះ ។
ទោះជាយ៉ាងណា លោកអគ្គនាយក NEDA ក៏បានបញ្ជាក់ថា គម្រោងដទៃទៀតដែលកំពុងចរចានោះ គឺការសាងសង់ផ្លូវទឹកនៅក្នុងក្រុងហូជីមិញ ប្រទេសវៀតណាម ក្នុងទំហំទឹកប្រាក់១,១ពាន់លានបាត (៣៣,៦៨លានដុល្លារ) ៕
ចែករំលែកព័តមាននេះ