រាជធានីភ្នំពេញ៖ សម្តេចតេជោ ហ៊ុន សែន នាយករដ្ឋមន្ត្រីកម្ពុជាបានប្រកាសនៅវេលាម៉ោងប្រមាណ ៦ ល្ងាចនេះថាសម្តេចនឹងអញ្ជើញទៅទីតាំងទឹកជំនន់ខណ្ឌដង្កោ ទីកន្លែងដែលកំពុងរងគ្រោះធ្ងន់ធ្ងរជាងគេដោយជំនន់ទឹកភ្លៀងនៅរាជធានីភ្នំពេញ ។
 

សម្តេចបានជូនដំណឹងយ៉ាងដូច្នេះថា  «បន្តិចទៀតខ្ញុំនឹងមានវត្តមាន ។ នៅតំបន់រងគ្រោះដោយជំនន់ទឹកភ្លៀងនៅខ័ណ្ឌដង្កោរ​ រាជធានីភ្នំពេញ» ។

នៅមុននេះផងដែរសម្តេចក៏បានប្រកាសឲ្យដឹងផងដែរ សម្តេចតេជោ ហ៊ុន សែន៖ គិតត្រឹមម៉ោង៤:៥០នាទីរសៀលថ្ងៃទី១៥ ខែតុលា ឆ្នាំ២០២០នេះ ថវិកាទទួលបាន​ $6,037,700ដុល្លារ និង204លានរៀល ពីសប្បុរសជនសម្រាប់ជួយប្រជាជនក្នុងគ្រោះជំនន់ទឹកភ្លៀង ដែលកំពុងកើតមាននៅក្នុងប្រទេសយើង។ «ស្រឡាញ់គ្នាក្នុងគ្រាក្រ ស្គាល់មិត្តល្អក្នុងគ្រាលំបាក»៕