ខេត្តកោះកុង ៖ លោករស់ រ៉េន រដ្ឋលេខាធិការ តំណាងឱ្យលោកថោង ខុន រដ្ឋមន្ត្រីក្រសួងទេសចរណ៍ បានអញ្ជើញចូលរួមជាអធិបតីក្នុងពិធីមិទ្ទិញអបអរសាទរ ទិវាទេសចរណ៍ពិភពលោកលើកទី៣១ កាលពីថ្ងៃទី២៨ កញ្ញា ឆ្នាំ២០១០ នៅសហគមន៍ពាមក្រសោម ខេត្តកោះកុង ដែលមានសមាជិក សមាជិកា សហគមន៍ចូលរួមចំនួន៤៧៩នាក់ ។ លោកជុត ទិត ប្រធានក្រុមប្រឹក្សាឃុំ និងជាប្រធានសហគមន៍ពាមក្រសោម បានឱ្យដឹងថា សហគមន៍គំរូ
ខេត្តកោះកុង ៖ លោករស់ រ៉េន រដ្ឋលេខាធិការ តំណាងឱ្យលោកថោង ខុន រដ្ឋមន្ត្រីក្រសួងទេសចរណ៍ បានអញ្ជើញចូលរួមជាអធិបតីក្នុងពិធីមិទ្ទិញអបអរសាទរ ទិវាទេសចរណ៍ពិភពលោកលើកទី៣១ កាលពីថ្ងៃទី២៨ កញ្ញា ឆ្នាំ២០១០ នៅសហគមន៍ពាមក្រសោម ខេត្តកោះកុង ដែលមានសមាជិក សមាជិកា សហគមន៍ចូលរួមចំនួន៤៧៩នាក់ ។ លោកជុត ទិត ប្រធានក្រុមប្រឹក្សាឃុំ និងជាប្រធានសហគមន៍ពាមក្រសោម បានឱ្យដឹងថា សហគមន៍គំរូរបស់លោកជាកន្លែងទាក់ទាញទេសចរ បានយ៉ាងច្រើន ជាក់ស្តែងនៅ៨ខែដើមឆ្នាំ២០១០នេះ មានភ្ញៀវទេសចរចំនួន៣១.៨៥២នាក់ ដែលធ្វើឱ្យសហគមន៍បានទទួលចំណូល សរុបចំនួន៩៩.៤៧១.០០០រៀល ធ្វើឱ្យសហគមន៍ពាមក្រសោមមានការអភិវឌ្ឍលឿនទៅមុខ និងមានការចូលរួមពីប្រជាសហគមន៍ទាំងមូលដោយកាត់បន្ថយភាពក្រីក្រក្នុងសហគមន៍ រួមចំណែកអភិវឌ្ឍន៍សេដ្ឋកិច្ចសង្គម ព្រមទាំងបានលើកស្ទួយការការពារប្រព័ន្ធអេកូឡូហ្ស៊ី ថែរក្សាជីវចំរុះព្រៃភ្នំ ទឹកជ្រោះ សមុទ្រ កោះ ស្ទឹង ព្រែក ព្រៃកោងកាង ផ្កាថ្ម ស្មៅសមុទ្រ សត្វព្រៃ មច្ឆជាតិ ដែលជាទីពឹង អាស្រ័យរបស់មនុស្សជាតិផងដែរ ។
លោករស់ រ៉េន បានអានសារលិខិតរបស់ សម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសអបអរសាទរទិវាទេសចរណ៍ពិភពលោកលើកទី៣១ ក្រោមប្រធានបទ «ទេសចរណ៍ និង ជីវចំរុះ» ដែលជានិច្ចកាលសម្តេចអគ្គមហាសេនាបតីតេជោ ហ៊ុន សែន នាយករដ្ឋមន្ត្រីនៃព្រះរាជាណាចក្រកម្ពុជា បានចាត់ទុកវិស័យទេសចរណ៍កម្ពុជា ជាវិស័យអាទិភាពមួយក្នុងយុទ្ធសាស្ត្រចតុកោណដំណាក់កាលទី២ ក្នុងអាណត្តិទី៤នេះ ។ ដោយចាត់ទុកវិស័យទេសចរណ៍ជាមាសបៃតង មានតួនាទីដ៏សំខាន់ក្នុងការធ្វើឱ្យប្រសើររឡើងនូវកំរិតជីវភាពរស់នៅរបស់ប្រជាពលរដ្ឋ ជាពិសេសសហគមន៍មូលដ្ឋាននៅតាមគោលដៅទេសចរណ៍ ។ ការអភិវឌ្ឍវិស័យទេសចរណ៍ប្រកបដោយនិរន្តរភាព និងការទទួលខុសត្រូវខ្ពស់ ដែលមានការគិតគូរដល់ការការពារជីវចំរុះនិងបរិស្ថាន មានសារសំខាន់ក្នុងការធានាឱ្យបានអភិវឌ្ឍន៍រយៈពេលយូរអង្វែង ។
យើងត្រូវបន្តការចូលរួមយ៉ាងសកម្មប្រកបដោយស្មារតីទទួលខុសត្រូវ ក្នុងការថែរក្សាសម្បត្តិវប្បធម៌ ការពារបរិស្ថាន ជំរុញបង្កើន គុណភាពផលិតផល និងសេវាកម្មទេសចរណ៍រក្សាសន្តិសុខ សុវត្ថិភាពទេសចរណ៍ រក្សាភាពញញឹមរួសរាយរាក់ទាក់ជាប្រពៃណីរបស់ប្រជា ពលរដ្ឋយើង ធ្វើបដិសណ្ឋារកិច្ចភ្ញៀវយ៉ាងកក់ ក្តៅក្នុងស្មារតីសហប្រតិបត្តិការល្អ ពិសេសចូលរួមឱ្យបានកាន់តែខ្លាំងក្លា ដល់ចលនាប្រឡងប្រណាំង «ទីក្រុងស្អាត រមណីយដ្ឋានស្អាត សេវាល្អ» ដើម្បីធ្វើឱ្យកម្ពុជាស័ក្តិសមជាព្រះរាជាណាចក្រអច្ឆរិយៈ និងក្លាយជាគោលដៅទេសចរណ៍ ដ៏ទាក់ទាញមួយក្នុងតំបន់ និងសាកលលោកប្រកបដោយលក្ខណៈអន្តរជាតិ ហើយផ្តល់រូបភាពកក់ក្តៅបំផុតដល់ទេសចរ ។ លោកតំណាងឱ្យសាលាខេត្ត លោកតំណាងឱ្យមន្ទីរបរិស្ថាន និងលោកប៊ុន បៀវ ប្រធានមន្ទីរទេសចរណ៍ខេត្តកោះកុង ធ្វើចំណាប់អារម្មណ៍ប្តេជ្ញាជំរុញសហគមន៍ពាមក្រសោម ខេត្តកោះកុង ដោយអនុវត្តតាមគោលនយោបាយរបស់រាជរដ្ឋាភិបាលជំរុញការងារសហគមន៍ឱ្យបានកាន់តែខ្លាំងក្លា «ទេសចរណ៍ដើម្បីយើងទាំងអស់គ្នាយើងទាំងអស់គ្នាដើម្បីទេសចរណ៍» ក្នុងបំណងការពារជីវចំរុះក្នុងតំបន់ពាមក្រសោម ខេត្តកោះកុងដ៏ប្រណីតយើងនេះ ៕
ចែករំលែកព័តមាននេះ