រាជធានីភ្នំពេញ៖ ប្រិយមិត្តមួយចំនួនប្រហែលជាបានដឹងហើយថា តារាសម្តែងប្រុសសង្ហាសាច់ដុំកង់ៗ លោក អេដ វីន បានបង្ហាត់ភ្លើងស្នេហ៍ជាមួយនឹងគូស្នេហ៍ ដែលធ្លាប់ជាអតីតភរិយាម្ចាស់ផលិតកម្ម LD កាន់តែបង្ហាញពីភាពផ្អែមល្ហែម…
រាជធានីភ្នំពេញ៖ ប្រិយមិត្តមួយចំនួនប្រហែលជាបានដឹងហើយថា តារាសម្តែងប្រុសសង្ហាសាច់ដុំកង់ៗ លោក អេដ វីន បានបង្ហាត់ភ្លើងស្នេហ៍ជាមួយនឹងគូស្នេហ៍ ដែលធ្លាប់ជាអតីតភរិយាម្ចាស់ផលិតកម្ម LD កាន់តែបង្ហាញពីភាពផ្អែមល្ហែម និងបង្ហើបប្រាប់មហាជន មានគម្រោងសន្សំលុយរៀបការជាមួយគ្នា។
ដោយឡែក តារាប្រុសលោក លោក អេដ វីន ហាក់មិនខ្វល់អំពីប្រវិត្តរបស់គូស្នេហ៍ បើទោះបីជា នាងជាមេម៉ាយកូន ២ ក៏ដោយ ក៏តារាប្រុសរូបនាង តែងតែបង្ហោះរូបថត
ស្វីតៗ យ៉ាងស្អិតរមួតជាមួយគ្នា ដ្បិតតែថ្ងៃរៀបការនៅមិនទាន់មានដំណឹង ថាពេលណានោះទេ។
យ៉ាងណាមិញ ប្រុសស្អាត អេដ វីន បានបង្ហោះរូបជាមួយគូស្នេហ៍សារជាថ្មី ជាមួយនឹងការសរសេររៀបរាប់ពីទំនាក់ទំនងស្នេហ៍របស់អ្នកទាំង២ ដែលស្រលាញ់គ្នាស្មោះត្រង់ បែបចាស់ទុំ មិនចាំបាច់មានផ្ទះ លុយ ឬឡានទំនើបថា « ស្រឡាញ់គ្នាចាំបាច់ទាល់តែមាន ផ្ទះ ឡាន មាសប្រាក់ ធ្វើអីឱ្យតែមានចិត្តស្មោះត្រង់ យល់ចិត្តគ្នា ទុកគ្នាចិត្តគ្នា មិនក្បត់គ្នាទៅវិញទៅមកទៅបានហើយ នៅមួយគ្នាយកទៅណាអស់រៀនស្រឡាញ់គ្នាបែបចាស់ចិត្តចាស់គំនិតតិចទៅណ៎អូនៗណ៎ ចាំដល់ពេលណាទៀត Panhchaka June»។
បន្ទាប់ពីសរសេរសាររៀបរាប់ពីរឿងស្នេហារបស់ខ្លួនរួច ក៏មានហ្វេនៗជាច្រើន លួចច្រណែន និងតារាប្រុសរូបនេះ នៅតែបន្តរក្សាចំណងស្នេហ៍មួយនេះ បើទោះបីជាមានការរិះគន់ ពីទំនាក់ទំនងស្នេហាជាមួយស្ត្រីមេម៉ាយក៏ដោយ ក៏អ្នកទាំង២ នៅតែមានគម្រោងសន្សំលុយរៀបការតាមប្រពៃណីដដែល ៕
ចែករំលែកព័តមាននេះ