ខេត្តកណ្តាល ៖ គ្រូដោះអំពើម្នាក់ហៅ «គ្រូប៉ោក» ត្រូវបាននគរបាលស្រុកលើកដែកចាប់វាយខ្នោះ ខណៈដែលម្តាយនារីរងគ្រោះដាក់ពាក្យបណ្តឹងចោទថា គ្រូដោះអំពើរូបនេះបានប្រើល្បិចពេលដោះអំពើកូនស្រីរបស់គាត់ ដោយធ្វើសកម្មភាពរំលោភសេពសន្ថវៈរហូតបានសម្រេច ។ ហេតុការណ៍នេះ បានកើតឡើងនៅថ្ងៃទី១១ ខែតុលា ឆ្នាំ២០២០ វេលាចម៉ោង៨ព្រឹក រហូតដល់ម៉ោង១២ថ្ងៃត្រង់ នៅផ្ទះជនសង្ស័យភូមិព្រែកតូច ឃុំព្រែកដាច់ ស្រុកលើកដែក ខេត្តកណ្តាល និងធ្វើការឃាត់ខ្លួននៅថ្ងៃទី១៣ ខែតុលា ឆ្នាំ២០២០ ។
ជនរងគ្រោះជាយុវតីអាយុ១៥ឆ្នាំ ជាសិស្ស ស្នាក់នៅស្រុកកៀនស្វាយ ខេត្តកណ្តាល ។ ជនសង្ស័យជាគ្រូដោះអំពើឈ្មោះ យឿន យឿ ភេទប្រុស អាយុ៣៥ឆ្នាំ មានទីលំនៅភូមិព្រែកតូច ឃុំព្រែកដាច់ ស្រុកលើកដែក ខេត្តកណ្តាល ។ មន្ត្រីនគរបាលស្រុកលើកដែកបានឱ្យដឹងថា នៅវេលាកើតហេតុខាងលើ ស្ត្រីជាម្តាយបាននាំកូនមកដោះអំពើនៅផ្ទះជនសង្ស័យ ។
បន្ទាប់មក ជនសង្ស័យបានប្រាប់ស្ត្រីជាម្តាយឱ្យនាំកូនស្រីដែលជាជនរងគ្រោះមកដោះអំពើដោយផ្ទាល់ ដើម្បីឱ្យខ្លួនជាគ្រូប៉ោកប្រសិទ្ធី ។ ពេលនោះស្ត្រីជាម្តាយ ក៏នាំក្មេងស្រីជាកូនមកផ្ទះជនសង្ស័យដែលជាគ្រូដោះអំពើ ។ ពេលមកដល់ជនសង្ស័យក៏នាំក្មេងស្រី និងម្តាយឡើងលើផ្ទះហើយឱ្យក្មេងស្រីរងគ្រោះដោះអាវចេញឱ្យស្លៀកសារុង ហើយឱ្យម្តាយនៅឱ្យឆ្ងាយប្រហែល៤ទៅ៥ម៉ែត្រ ដោយឱ្យម្តាយអង្គុយតាំងសមាធិនិងឱ្យបែរមុខចេញកុំងាកឱ្យសោះ ។
ពេលនោះ ជនសង្ស័យដែលជាគ្រូដោះអំពើធ្វើសកម្មភាពស្ទាបអង្អែលកេរ្តិ៍ភេទនិងច្របាច់សុដន់ក្មេងស្រីម៉ាសេរីហើយរំលោភទៅលើនាងយ៉ាងត្រេកត្រអាលរហូតបានសម្រេចតែម្ដង និងគំរាមមិនឱ្យស្រែក បើមិនដូច្នោះទេ អំពើនឹងកាច់ឱ្យស្លាប់ទាំងគ្រួសារ ។ ក្រោយពីកើតហេតុរួចជនរងគ្រោះពុំបានប្រាប់ម្តាយខ្លួនឱ្យដឹងទេ ។
រហូតដល់ថ្ងៃ១៣ ខែតុលា ឆ្នាំ២០២០ ម៉ោង១១ព្រឹក ពេលស្ត្រីជាម្តាយចេញពីធ្វើការរោងចក្រ ជនរងគ្រោះជាកូនបានប្រាប់នូវរឿងរ៉ាវដែលគ្រូដោះអំពើបានចាប់រំលោភមកលើរូបរាងកាយ ហើយនាងពិបាកចិត្តខ្លាំងពេក ព្រោះខ្លាចមានកូន ទើបដាច់ចិត្តប្រាប់ហេតុការណ៍ខាងលើឱ្យម្តាយដឹង ។ ក្រោយពីម្តាយជនរងគ្រោះបានដឹងភ្លាមក៏បាននាំកូនស្រីមកដាក់ពាក្យបណ្តឹងនៅអធិការដ្ឋាននគរបាលស្រុកលើកដែក ។
ក្រោយពីសាកសួរជនរងគ្រោះរួចមកកម្លាំងនគរបាលជំនាញព្រហ្មទណ្ឌស្រុកបានសហការជាមួយកម្លាំងប៉ុស្តិ៍ព្រែកដាច់ចុះទៅឃាត់ខ្លួនជនសង្ស័យមកសាកសួរ នៅអធិការដ្ឋាននគរបាលស្រុកលើកដែកភ្លាមៗ និងកសាងសំណុំរឿងបញ្ជូនតាមនីតិវិធី ៕
ចែករំលែកព័តមាននេះ