ខេត្តបន្ទាយមានជ័យ ៖ ស្រុក-ក្រុងចំនួន៩នៅក្នុងខេត្តបន្ទាយមានជ័យបានរងគ្រោះដោយសារជំនន់ទឹកភ្លៀង ដែលបានធ្វើឱ្យប៉ះពាល់ដល់ផ្ទះប្រជាពលរដ្ឋចំនួន៧,០៣៤ខ្នង និងត្រូវជម្លៀសប្រជាពលរដ្ឋទៅរកទីទួលសុវត្ថិភាពមានចំនួន៨៤៧គ្រួសារ បើគិតត្រឹមថ្ងៃទី១៤ ខែតុលា ឆ្នាំ២០២០នេះ ។ យោងតាមរបាយការណ៍គណៈកម្មាធិការគ្រប់គ្រងគ្រោះមហន្តរាយបានឱ្យដឹងថា…
ខេត្តបន្ទាយមានជ័យ ៖ ស្រុក-ក្រុងចំនួន៩នៅក្នុងខេត្តបន្ទាយមានជ័យបានរងគ្រោះដោយសារជំនន់ទឹកភ្លៀង ដែលបានធ្វើឱ្យប៉ះពាល់ដល់ផ្ទះប្រជាពលរដ្ឋចំនួន៧,០៣៤ខ្នង និងត្រូវជម្លៀសប្រជាពលរដ្ឋទៅរកទីទួលសុវត្ថិភាពមានចំនួន៨៤៧គ្រួសារ បើគិតត្រឹមថ្ងៃទី១៤ ខែតុលា ឆ្នាំ២០២០នេះ ។
យោងតាមរបាយការណ៍គណៈកម្មាធិការគ្រប់គ្រងគ្រោះមហន្តរាយបានឱ្យដឹងថា មាន៩ស្រុក-ក្រុង ស្មើ៣៥ឃុំ-សង្កាត់ដែលកំពុងតែរងគ្រោះដោយសារតែទឹកជំនន់ បណ្តាលឱ្យពលរដ្ឋលង់ទឹកស្លាប់៥នាក់ និងប៉ះពាល់លំនៅដ្ឋានសរុបចំនួន៧,០៣៤ខ្នងផ្ទះ មនុស្សមានចំនួន២៩,៨២១នាក់ ក្នុងនោះ ស្រី១៣,៩៤៧នាក់ និងពលរដ្ឋត្រូវជម្លៀសទៅរកទីទួលសុវត្ថិភាពមានចំនួន៨៤៧គ្រួសារ ស្មើនឹងចំនួន៣,១៧៣នាក់ ក្នុងស្រី១,៦៣៧នាក់។
ចំណែកឯដំណាំកសិកម្មដែលរងផលប៉ះពាល់ដោយលិចស្រែស្រូវចំនួន១១,៣១៧ហិកតា លិចដំឡូងមីមានផ្ទៃដី១,៨៩៤ហិកតា និងដំណាំរួមផ្សំ៣៧៩ហិកតា លិចសាលារៀនមានចំនួន៣៩សាល ត្រូវបានផ្អាកការសិក្សាជាបណ្តោះអាសន្ន លិចមណ្ឌលសុខភាព៦កន្លែង លិចវត្តចំនួន២៥វត្ត លិចសាលាឃុំ២កន្លែង ទឹកហូរកាត់ផ្លូវ និងច្រោះដាច់មានចំនួន២៧៣កន្លែង ស្មើនឹងប្រវែង១៥៥.៤៦៥ម៉ែត្រ។
ក្នុងចំណោម៩ស្រុក-ក្រុងដែលរងគ្រោះ ដោយទឹកជំនន់ប៉ះពាល់ធ្ងន់ធ្ងរមាន ៖
១-ស្រុកមង្គលបូរី ប៉ះពាល់លិចលំនៅដ្ឋាន៤,៧៥៩ខ្នងផ្ទញ មនុស្សមានចំនួន១៧,៤១៣នាក់ ក្នុងស្រីចំនួន៩,១៨០នាក់ និងត្រូវជន្លៀសទៅទីទួលសុវត្ថិភាព២៣៨គ្រួសារ ស្មើនឹង៧៨១នាក់ ក្នុងនោះស្រី៣៦៧នាក់ ហើយបណ្តាលឱ្យបាត់បង់ជីវិតម្នាក់។
២-ស្រុកម៉ាឡៃ ប៉ះពាល់លិចលំនៅដ្ឋាន១,៨៥២ខ្នងផ្ទះ មនុស្សមានចំនួន៦,៣២៩នាក់ ស្រីចំនួន៣,២១៦នាក់ និងជន្លៀសទៅទីទួលសុវត្ថិភាព២០០គ្រួសារ ស្មើនឹង៩៣៦នាក់ ក្នុងនោះស្រី៥១៦នាក់ បណ្តាលឱ្យបាត់បង់ជីវិតម្នាក់។
៣-ក្រុងសិរីសោភ័ណ ប៉ះពាល់លិចលំនៅដ្ឋាន៤៨០ខ្នងផ្ទះ មនុស្សមានចំនួន១,៧៧១នាក់ ស្រីចំនួន៨៩៥នាក់ និងជន្លៀសដាក់ទីទួលសុវត្ថិភាព៣៦៨គ្រួសារ ស្មើនឹង១,២៨៧នាក់ ក្នុងនោះស្រី៦៧៤នាក់ ។
៤-ស្រុកអូរជ្រៅ ប៉ះពាល់លិចលំនៅដ្ឋាន២៨១ខ្នងផ្ទះ មនុស្សមានចំនួន១,១០៩នាក់ ស្រីចំនួន៨៩៥នាក់ និងជន្លៀសដាក់ទីទួលសុវត្ថិភាព៤១គ្រួសារ ស្មើនឹង១៦៩នាក់ ក្នុងនោះស្រី៨០នាក់ បណ្តាលឱ្យបាត់បង់ជីវិតម្នាក់។
៥- ស្រុកថ្មពួក ប៉ះពាល់លិចលំនៅដ្ឋាន៤៦ខ្នងផ្ទះ មនុស្សមានចំនួន១៩៩នាក់ ក្នុងនោះស្រីចំនួន១០៤នាក់៕
ចែករំលែកព័តមាននេះ