ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា ជនសង្ស័យជាភេទទី៣ម្នាក់ក្នុងចំណោមបក្ខពួក២នាក់ ត្រូវក្រុមអាជីវករលក់ដូរផ្សារលើ ក្រុងព្រះសីហនុ ចាប់ខ្លួនបាន រួចប្រគល់ឲ្យសមត្ថកិច្ច ដើម្បីចាត់ការតាមច្បាប់ ពាក់ព័ន្ធករណីឆក់ខ្សែ.ក…
ខេត្តព្រះសីហនុ ៖ បើតាមសេចក្តីរាយការណ៍បានឱ្យដឹងថា ជនសង្ស័យជាភេទទី៣ម្នាក់ក្នុងចំណោមបក្ខពួក២នាក់ ត្រូវក្រុមអាជីវករលក់ដូរផ្សារលើ ក្រុងព្រះសីហនុ ចាប់ខ្លួនបាន រួចប្រគល់ឲ្យសមត្ថកិច្ច ដើម្បីចាត់ការតាមច្បាប់ ពាក់ព័ន្ធករណីឆក់ខ្សែ.ក ។ ហេតុការណ៍នេះបានកើតឡើងកាលពីម៉ោង១០ព្រឹក ថ្ងៃទី១៣ ខែតុលា ឆ្នាំ២០២០ នៅចំណុចតូបលក់គ្រឿងអល័ង្ការផ្សារលើ ស្ថិតក្នុងសង្កាត់លេខ៤ ក្រុង-ខេត្តព្រះសីហនុ។
សេចក្តីរាយការណ៍បន្តថា ជនសង្ស័យខាងលើឈ្មោះ សុខ លី ហៅស អាយុ១៩ឆ្នាំ ជាភេទទី៣ មុខរបរ និងអាស័យដ្ឋានស្នាក់នៅមិនពិតប្រាដ ។ ចំណែកម្ចាស់តូបមានឈ្មោះ គ្រិន យ៉ាន ភេទស្រី អាយុ៦៤ឆ្នាំ ។
តាមសម្ដីជនរងគ្រោះបានរៀបរាប់ប្រាប់ថា មុនកើតហេតុ មានជនសង្ស័យ២នាក់ បានចូលទៅទិញខ្សែ.ករបស់គាត់១ខ្សែ ខណៈពេលដែលគាត់ជាម្ចាស់តូបកំពុងតែសរសេរវិក្កយបត្រ ស្រាប់តែជនសង្ស័យ២នាក់នោះបានឆក់យកខ្សែ.ករបស់គាត់ រួចរត់គេចខ្លួនតែម្តង។
ជនរងគ្រោះបន្តថា ភ្លាមៗនោះគាត់ជាម្ចាស់តូបបានស្រែកថា «ចោរៗ» ទើបធ្វើឱ្យក្រុមអាជីវករលក់ក្នុងផ្សារ និងប្រជាពលរដ្ឋ បានជួយដេញតាមចាប់ខ្លួនជនសង្ស័យបានម្នាក់ ចំណែកបក្ខពួកម្នាក់ទៀតបានរត់គេចបាត់ ។
ក្រោយពេលចាប់ខ្លួនជនសង្ស័យបាន ក៏ប្រគល់ឲ្យសមត្ថកិច្ច រីឯវត្ថុតាងចាប់យកខ្សែ.កប្លាទីន១ខ្សែទំងន់៨,៥ជី ជារបស់ជនរងគ្រោះ ក៏បានប្រគល់ជូនម្ចាស់តូបវិញ ។ ចំណែកជនសង្ស័យជាំភេទទី៣រូបនេះ ត្រូវបានសមត្ថកិច្ចកសាងសំណុំរឿង ដើម្បីបញ្ជូនទៅតុលាការ ចាត់ការតាមផ្លូវច្បាប់ ៕
ចែករំលែកព័តមាននេះ