ខេត្តកណ្តាល ៖ សេចក្តីរាយការណ៍បឋមឱ្យដឹងថា ភ្លៀង១មេធំបានធ្លាក់អស់ជាច្រើនម៉ោង ចាប់ពីតាំងពីល្ងាចថ្ងៃទី១៣ តុលា មកនោះ គឺបានធ្វើអោយផ្លូវមួយចំនួននៅជុំវិញក្រុងតាខ្មៅលិចធ្ងន់ធ្ងរខ្លាំង ប៉ុន្តែទោះបីជាយ៉ាងណា ពលរដ្ឋនៅតែអាចធ្វើដំណើរបានជាធម្មតាទេ…
ខេត្តកណ្តាល ៖ សេចក្តីរាយការណ៍បឋមឱ្យដឹងថា ភ្លៀង១មេធំបានធ្លាក់អស់ជាច្រើនម៉ោង ចាប់ពីតាំងពីល្ងាចថ្ងៃទី១៣ តុលា មកនោះ គឺបានធ្វើអោយផ្លូវមួយចំនួននៅជុំវិញក្រុងតាខ្មៅលិចធ្ងន់ធ្ងរខ្លាំង ប៉ុន្តែទោះបីជាយ៉ាងណា ពលរដ្ឋនៅតែអាចធ្វើដំណើរបានជាធម្មតាទេ នេះបើអាជ្ញាធរបានអះអាងប្រាប់នៅព្រឹកថ្ងៃទី១៤ តុលា នេះ ។
លោកវរសេនីយ៍ត្រី យី វណ្ណដា អធិការនគរបាលក្រុងតាខ្មៅបានប្រាប់ថា ផ្លូវសំខាន់ៗនៅក្រុងតាខ្មៅមួយចំនួនកំពុងជោរជន់លិច និងផ្លូវលំតាមបណ្តារសង្កាត់នៅជុំវិញក្រុងតាខ្មៅក៏ជន់លិចដូចគ្នា ។ ផ្ទះប្រជាពលរដ្ឋមួយចំនួនត្រូវទឹកជន់លិចរហូតដល់ត្រឹមជង្គង់ក៏មាន ប៉ុន្តែបងប្អូននៅអាចធ្វើដំណើរបានជាធម្មតានោះទេ ។
ប្រភពបន្តថា អាជ្ញាធរមានការមមារញឹកខ្លាំងក្នុងការជួយសង្គ្រោះ និងគិតគូរពីបញ្ហានេះនិងការកកស្ទះចរាចរណ៍ផងដែរ ។ ផ្លូវដែលត្រូវបានទឹកភ្លៀងធ្លាក់មកអោយជន់លិចនោះ ទី១-ផ្លូវ២១ ចាប់ពីផ្សាឡាក់គី រហូតដល់មុខសាលាវេស្លេន ។ ទី២-ផ្លូវ៧មករា និងផ្លូវទី៣-ក្រោយសាលាសេរីភាព ដែលស្ថិតនៅសង្កាត់តាខ្មៅ ក្រុងតាខ្មៅ ខេត្តកណ្តាល។
ចែករំលែកព័តមាននេះ