រាជធានីភ្នំពេញ៖ តារាសម្តែង និងជាពិធីការិនីស្រីល្បីឈ្មោះមួយរូប អ្នកនាង សុខ សោម៉ាវត្តី បានធ្វើអោយមហាជន និងជាពិសេស អ្នកនៅក្នុងសិល្បៈ លួចច្រណែនទៅដល់រូបនាង នៅក្មេងសោះមានកូនស្រីធំពេញរូបនាងជិតប៉ុនខ្លួន បណ្តើររាល់ថ្ងៃបែបនេះ។
ដោយឡែកមួយរយៈចុងក្រោយនេះ មហាជន និងអ្នកគាំទ្ររបស់នាងតែងតែឃើញ អ្នកមេម៉ាយស្រីវ័យក្មេងរូបនេះ តែងតែបង្ហាញក្ដីស្រលាញ់ជាមួយកូនស្រីបណ្ដូលចិត្តរបស់នាងជានិច្ច បើទោះបីជា មមាញឹកនឹងការងារសិល្បៈយ៉ាងណាក៏ដោយ ក៏នៅតែឆ្លៀតពេលផ្តល់ភាពកក់ក្តៅទៅដល់កូនស្រីជាប្រចាំ។
ស្រាប់តែកាលពីពេលម្សិលមិញនេះ តារាស្រីរូបនេះបានបង្ហោះរូបភាពយ៉ាងស្រស់ស្អាតជាច្រើនសន្លឹក ជាមួយកូនស្រីជាទីស្រឡាញ់់ និងបាននិយាយបែបលេងសើចអំពីគម្រោងចង់បានកូនប្រុសមួយទៀតថា « ភ្លេចខ្លួនកូនចង់ប៉ុនម៉ែហើយ បានមួយនឹងជាបេះដូងថ្លើមប្រមាត់ តែបើបានប្រុសមួយទៀតមិនដឹងល្អម៉េចទេ »។
យ៉ាងណាមិញ ក្រោយពេលឃើញសារបែបនេះ មហាជន និងហ្វេនៗសង្ស័យថា អ្នកនាង និងគូស្នេហ៍កំលោះសង្ហាលោកលី វ៉ាហេទ អាចនឹងមានដំណឹងល្អឆាប់នេះ ពីព្រោះបើតាមគម្រោងសុខ សោម៉ាវត្តី ធ្លាប់បានបញ្ចាក់ថា មានបំណងនឹងចូលរោងការ នៅក្នុងឆ្នាំ ២០២១ ខាងមុខនេះ ៕
ចែករំលែកព័តមាននេះ