រាជធានីភ្នំពេញ ៖ កាលពីថ្ងៃទី ១២ ខែតុលា ឆ្នាំ២០២០កន្លងទៅនេះ សារៈមន្ទីរភូមិវប្បធម៌កម្ពុជា ខេត្តសៀមរាបបានប្រកាសក្ស័យធន អំពីក្រុមហ៊ុន ដែលមិនអាចមានលទ្ធភាព…
រាជធានីភ្នំពេញ ៖ កាលពីថ្ងៃទី ១២ ខែតុលា ឆ្នាំ២០២០កន្លងទៅនេះ សារៈមន្ទីរភូមិវប្បធម៌កម្ពុជា ខេត្តសៀមរាបបានប្រកាសក្ស័យធន អំពីក្រុមហ៊ុន ដែលមិនអាចមានលទ្ធភាព ដើម្បីបន្តការបើកអាជីវកម្មមួយនេះបាន និងត្រូវបិទទ្វារឈប់ដំណើរការទាំងស្រុង ចាប់ពីថ្ងៃទី៧ ខែវិច្ឆិកា ឆ្នាំ២០២០ ខាងមុខនេះ ។
បន្ទាប់ពីលឺដំណឹងមួយនេះ បានធ្វើអោយប្រជាជនខ្មែរ មានការសោកស្តាយ និងរន្ធត់ចិត្តយ៉ាងខ្លាំងដោយលែងបានទៅទស្សនាកម្សាន្តនៅទីនោះតទៅទៀត ក្នុងរយៈពេល១៧ឆ្នាំ កន្លងមកនេះ ដោយនៅក្នុងនោះក៏មានតារាចម្រៀងប្រុសលោក ណុប បាយ៉ារិទ្ធ ដែលជាប្រជាពលរដ្ឋម្នាក់ បានសម្តែងការសោកស្តាយ និងការបាត់បង់ភូមិវប្បធម៌យ៉ាងអាឡោះអាល័យ ។
ដោយនៅក្នុងតារាចម្រៀងប្រុសរូបនេះ បានបង្ហោះសាររៀបរាប់យ៉ាងក្ដុកក្ដួលអួលដើម-កតាមរយៈបណ្តាញសង្គមហ្វេសប៊ុកថា « លាហើយ «ភូមិវប្បធម៌» ១៧ឆ្នាំ ដែលអ្នកបានបំពេញតួនាទី និងបេសកម្មរបស់ខ្លួនយ៉ាងសកម្មក្នុងការផ្សព្វផ្សាយពីវប្បធម៌សិល្បៈខ្មែរទៅកាន់កូនខ្មែរជំនាន់ក្រោយ និង ភ្ញៀវទេសចរទូទាំងពិភពលោក អ្នកគឺជាចំណែកមួយក្នុងការសាបព្រោះបណ្តុះថ្នាលសិល្បៈដល់យុវជន យុវនារីខ្មែរជាច្រើនដែលជាបុគ្គលិកផ្នែកសម្តែង របាំ សៀករហ័ស្សកម្មឱ្យមានចំណេះជំនាញផ្នែកសិល្បៈ ហើយបានយកចំណេះជំនាញនេះមកធ្វើជាការងារប្រចាំថ្ងៃសម្រាប់ចិញ្ចឹមជីវិត ដោយសារតែស្ថានភាពជំងឺផ្លូវដង្ហើមដែលឆ្លងជាសកល «កូវីដ ១៩» បានធ្វើឱ្យអ្នកជួបនៅផលលំបាក រហូតសម្រេចចិត្តលាប្រជាជនខ្មែរ និង ភ្ញៀវទេសចរទូទាំងពិភពលោកដោយក្តីអាល័យ ។
យ៉ាងណាមិញ តារាចម្រៀងប្រុសលោក ណុប បាយ៉ារិទ្ធ ក៏បានលើកចិត្តយ៉ាងខ្លាំងទៅបងប្អូន និងបុគ្គលិកគ្រប់ផ្នែកទាំងអស់នៅក្នុងភូមវប្បធម៌ អោយរឹងមាំ និងបន្តស្វែងរកការងារថ្មី ដើម្បីជីវិតផងដែរ។
ចែករំលែកព័តមាននេះ