មេបញ្ជាការកងពលតូចលេខ70ត្រួតពិនិត្យការសាកល្បងបា.ញ់គ្រាប់ពិតរបស់យោធិន
- ភ្នំពេញ
ខេត្តកំពង់ស្ពឺ ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជាមេបញ្ជាការកងពលតូចលេខ៧០ កាលពីថ្ងៃទី១២ ខែតុលា ឆ្នាំ២០២០…
ខេត្តកំពង់ស្ពឺ ៖ លោកឧត្តមសេនីយ៍ឯក ម៉ៅ សុផាន់ មេបញ្ជាការរងកងទ័ពជើងគោក និងជា
មេបញ្ជាការកងពលតូចលេខ៧០ កាលពីថ្ងៃទី១២ ខែតុលា ឆ្នាំ២០២០ បានអញ្ជើញទៅសំ
ណេះសំណាល វាយតម្លៃការងារ និងត្រួតពិនិត្យការសាកល្បងបាញ់គ្រាប់ពិតរបស់យោធិន ដែលកំពុងហ្វឹកហ្វឺនបណ្តុះបណ្តាលយោធាចារ្យជំនាន់ទី២ បំពេញក្របខណ្ឌឲ្យសាលានាយទាហានចំណុះកងទ័ពជើងគោក នៅមូលដ្ឋានកងយោធពលខេមរភូមិន្ទតេជោសែន ភ្នំធំម្រះព្រៅ កងពលតូចលេខ៧០ ខេត្តកំពង់ស្ពឺ ។
លោកឧត្តមសេនីយ៍ឯកមានប្រសាសន៍ថា ការងារហ្វឹកហ្វឺនបានដើរតួនាទីជាយុទ្ធសាស្ត្រយ៉ាងសំខាន់សម្រាប់ការពារជាតិ តាមរយៈការផ្តល់ចំណេះដឹង និងពុទ្ធិដល់កងទ័ព ជាពិសេសយោធិនវ័យក្មេងដែលជាអ្នកបន្តវេនជំនាន់ក្រោយ ។
លោកបានបន្ថែមថា ផែនការហ្វឹកហ្វឺនបានបន្តជំរុញឲ្យយោធិនមានសមត្ថភាព និងគុណភាពហ្វឹនហ្វឺន បង្កើនសមត្ថភាពដល់កងទ័ពឲ្យបានយល់ដឹងកាន់តែច្បាស់ និងស្ទាត់ជំនាញ ក្នុងការបញ្ជាបាញ់គ្រាប់ពិតឲ្យបានល្អ និងចំគោលដៅមានសមត្ថភាពខ្ពស់ក្នុងការប្រើប្រាស់សម្ភារ គ្រឿងបំពាក់ត្រូវតាមលក្ខណៈបច្ចេកទេស ឆ្លើយតបទៅនឹងតម្រូវការចាំបាច់តាមភារកិច្ចដែលបានចាត់តាំង របស់កងយោធពលខេមរភូមិន្ទ ប្រកប ដោយការទទួលខុសត្រូវជានិច្ច ៕
ចែករំលែកព័តមាននេះ