ប្រទេសកូរ៉េខាងជើង ៖ ពលរដ្ឋកូរ៉េខាងជើងច្រើនពាន់នាក់ កាលពីថ្ងៃទី១២តុលាបានប្រមូលផ្ដុំគ្នា នៅទីលានគីមអ៊ីលស៊ុងក្រុងព្យុងយ៉ាង ដើម្បីសម្ដែងការគាំទ្ររបស់ពួកគេចំពោះរដ្ឋាភិបាល ដែលផ្ទុយពីក្នុងព្យុហយាត្រាយោធា កាលពី២ថ្ងៃមុននេះដែលប្រព្រឹត្តទៅ ដោយអ្នកចូលរួមទាំងអស់មិនបានពាក់ម៉ាសឡើយ។
ការប្រមូលផ្ដុំមនុស្សដ៏ច្រើននោះ ត្រូវបានរៀបចំដោយអាជ្ញាធរកំណត់ពីការចាប់ផ្ដើមយុទ្ធនាការ៨០ថ្ងៃមួយ ជាការខិតខំប្រឹងប្រែងដ៏ធំ សំដៅជម្រុញសេដ្ឋកិច្ចរបស់ប្រទេស ដែលកំពុងជួបការលំបាក មុនពេលរៀបចំធ្វើសមាជពិសេសមួយរបស់បក្សកាន់អំំណាចគឹបក្សពលករកូរ៉េនាខែមករាខាងមុខនេះ។
ការប្រមូលផ្ដុំមនុស្សធំបែបនោះតែងកើតមាននៅកូរ៉េខាងជើង ខណៈជិតដល់ព្រឹត្តិការណ៍ធំណាមួយ។ កងទាហាន ពលករនិងនិស្សិត បានប្រមូលផ្ដុំគ្នានាថ្ងៃទី១២តុលានោះ ដោយគ្រប់គ្នាសុទ្ធតែពាក់ម៉ាស និងដោយលើកពាក្យស្លោកនានាដូចជាពាក្យថា យើងដើរតាមជំហានរបស់មេដឹកនាំរបស់យើង សមមិត្តគីមជុងអ៊ុន៕ ដកស្រង់ចេញពីវេបសាយ ៖ yahoo
ចែករំលែកព័តមាននេះ