ខេត្តបន្ទាយមានជ័យ ៖ ពន្ធនាគារខេត្តបន្ទាយមានជ័យ បានរងនូវការលិចទឹកជំនន់ទឹកភ្លៀង និងទឹកហូរជ្រាបចូលក្នុងបន្ទប់ពិរុទ្ធជន និងទណ្ឌិត កាលពីយប់ថ្ងៃទី១២ ឈានចូលថ្ងៃទី១៣ ខែតុលា ឆ្នាំ២០២០ម្ល៉េះ…
ខេត្តបន្ទាយមានជ័យ ៖ ពន្ធនាគារខេត្តបន្ទាយមានជ័យ បានរងនូវការលិចទឹកជំនន់ទឹកភ្លៀង និងទឹកហូរជ្រាបចូលក្នុងបន្ទប់ពិរុទ្ធជន និងទណ្ឌិត កាលពីយប់ថ្ងៃទី១២ ឈានចូលថ្ងៃទី១៣ ខែតុលា ឆ្នាំ២០២០ម្ល៉េះ ។ លុះព្រឹកថ្ងៃទី១៣ ខែតុលា នេះដែរ ក៏មានវត្តមានលោកប៉ាល់ សំអឿន, លោកជំទាវ នូម សោភ័ណ, លោកអ៊ី ឡុង អ្នកតំណាងរាស្ត្រមណ្ឌលបន្ទាយមានជ័យ និងព្រះរាជអាជ្ញអមសាលាដំបូងខេត្ត បានអញ្ជើញចុះពិនិត្យក្នុងពន្ធនាគារផង ។
ចំណែកឯអ្នកទោសចំនួន១.៦០០នាក់នឹងត្រូវជម្លៀសចេញពីពន្ធនាគារខេត្តបន្ទាយមានជ័យ ប៉ុន្តែជាជំហានដំបូង អ្នកទោស៨០០នាក់ត្រូវជម្លៀលទៅដាក់នៅពន្ធនាគាខេត្តសៀមរាប នៅរសៀលថ្ងៃទី១៣ ខែតុលានេះផងដែរ។
បើតាមលោកប្រធានពន្ធនាគារខេត្តបានប្រាប់ថា ទឹកជំនន់រយៈពេលតែ១យប់ត្រូវបានលិចពន្ធនាគាខេត្តបន្ទាយមានជ័យ ដែលមានអ្នកទោសកំពុងជាប់ឃុំចំនួន១,៦០០នាក់ ក្នុងនោះស្រី១០០នាក់ ហើយនេះជាលើកទី៣ហើយដែលត្រូវបានជន់លិចក្នុងពន្ធនាគារខេត្តបន្ទាយមានជ័យ ។ កាលពីឆ្នាំ២០១០លិចម្តង និងកាលពីថ្ងៃទី១៣ ខែតុលា ឆ្នាំ២០១៣ លិចម្តងទៀត នឹងត្រូវជម្លៀសទៅដាក់ខេត្តបាត់ដំបង និងខេត្តឧត្តរមានជ័យ។
លោកបញ្ជាក់ថា នៅថ្ងៃទី១៣ ខែតុលានេះក៏លិចម្តងទៀត ដែលមានអ្នកជាប់ឃុំចំនួន១,៦០០នាក់ ហើយជំហានដំបូងជម្លៀសចំនួន៨០០នាក់ ដោយត្រៀមរថយន្ត២០គ្រឿងដឹកអ្នកទោសទៅដាក់នៅពន្ធនាគារខេត្តសៀមរាបនៅរសៀលថ្ងៃទី១៣ តុលានេះ ហើយដាក់កម្លាំងការពារដោយមានកម្លាំងអនុរក្សពន្ធនាគារខេត្ត និងកម្លាំងកងរាជអាវុធហត្ថខេត្ត កម្លាំងស្នងការដ្ឋាននគរបាលខេត្ត និងរថយន្តស៊ឺរ៉ែនការពារសុវត្ថិភាពអ្នកទោសរហូតដល់ទីកន្លែង និងថ្ងៃស្អែកនេះ នឹងត្រៀមបញ្ជូនអ្នកទោសទៅខេត្តកំពង់ធំ ចំនួន២០០នាក់ទៀត។
លោក អ៊ុង ស៊ីផាន បានបញ្ជាក់ថា ក្នុងថ្ងៃទី១៣ តុលានេះដែរ ក៏បានដោះលែងអ្នកទោសចំនួន៤នាក់ ក្នុងនោះស្រីម្នាក់ដែលផុតកំណត់ទោស រីឯទឹកជំនន់កំពុងបន្តឡើងរហូតនៅក្នុងបរិវេណពន្ធនាគារខេត្តបន្ទាយមានជ័យជិតកន្លះម៉ែត្រ និងនៅជុំវិញពន្ធនាគារបរិវេណខាងក្រៅកម្ពស់ទឹកជិត១ម៉ែត្រទៀតផង នេះជាការព្រួយបារម្ភ នឹងត្រូវជម្លៀសអ្នកទោសចេញពន្ធនាគារខេត្ត៕
ចែករំលែកព័តមាននេះ