រាជធានីភ្នំពេញ ៖ កំពូលតារាចម្រៀងប្រុសលោក ព្រាប សុវត្ថិ បានធ្វើអោយមហាជន និងអ្នកគាំទ្រ ជាពិសេសបងប្អូនរងគ្រោះដោយទឹកជំនន់ មានការរំភើបចិត្តយ៉ាងខ្លាំង ក្រោយពីតារាចម្រៀងប្រុសរូបនេះ…
រាជធានីភ្នំពេញ ៖ កំពូលតារាចម្រៀងប្រុសលោក ព្រាប សុវត្ថិ បានធ្វើអោយមហាជន និងអ្នកគាំទ្រ ជាពិសេសបងប្អូនរងគ្រោះដោយទឹកជំនន់ មានការរំភើបចិត្តយ៉ាងខ្លាំង ក្រោយពីតារាចម្រៀងប្រុសរូបនេះ ចូលរូមបរិច្ចាគជាអង្ករចំនួន ២ តោនជួយដល់ប្រជាពលរដ្ឋរងគ្រោះ ។
កាបរិច្ចាគមួយនេះនឹងផ្តល់ជូនប្រជាពលរដ្ឋ ដែលកំពុងតែជួបទុក្ខ ដោយគ្រោះធម្មជាតិមួយនេះ និងបានបាត់បង់សម្ភារៈមានតម្លៃជាច្រើន ដែលសិត្ថខេត្តបាត់ដំបង និងខេត្តពោធិ៍សាត់ នេះបើតាមការបង្ហោះនៅលើទំព័រហ្វេសប៊ុករបស់លោកហេង ឡុង ប្រធានសមាគមសិល្បករកម្ពុជា ។
ដោយនៅក្នុង លោក ហេង ឡុង ក៏បានបានសរសេររៀបរាប់តាមរយៈបណ្តាញសង្គមហ្វេសប៊ុក កាលពីថ្ងៃទី១២ ខែតុលា ឆ្នាំ២០២០កន្លងទៅនេះថា ៖ «សូមគោរពអរគុណដល់គ្រួសារតារាចំរៀង ព្រាប សុវត្ថិ បានឧបត្ថម្ភអង្ករ ២ តោន ជូនដល់បងប្អូនប្រជាពលរដ្ឋរងគ្រោះដោយសារទឹកជំនន់ នៅខេត្តពោធិ៍សាត់ និងខេត្តបាត់ដំបង សូមជូនពរដល់ក្រុមគ្រួសារបង ឲ្យជួបតែសេចក្តីសុខ និងរីកចម្រើនដើម្បីបន្តចូលរួមជាមួយសង្គមយើងទៀត» ។
យ៉ាងណាមិញ ការចូលរួមបរិច្ចាគពីថវិកាផ្ទាល់ខ្លួនបន្តិចបន្តួចបែបនេះបានធ្វើអោយមហាជនមានការសប្បាយចិត្តយ៉ាងខ្លាំង ដោយនៅក្នុងក៏មានអ្នកសិល្បៈផ្សេងទៀត បានចូលរួមបួងសួងអោយប្រជាពលរដ្ឋរួចផុតពីគ្រោះធម្មជាតិ ដែលកំពុងតែកើតមានឡើងនេះផងដែរ ៕
ចែករំលែកព័តមាននេះ