រាជធានីភ្នំពេញ ៖ ក្រសួងការងារនិងបណ្តុះបណ្តាលវិជ្ជាជីវៈ នឹងរៀបចំអបអរសាទរខួបអនុស្សាវរីយ៍លើកទី១២៩ទិវាពលកម្មអន្តរជាតិ ០១ ឧសភា ក្រោមប្រធានបទ ” សាមគ្គីភាព ផលិតភាពនិងការងារ ” និងរៀបចំកម្មវិធីវប្បធ៌មការប្រឡងជ្រើសរើសកម្មការិនីសម្រស់ឯកផងដែរ ។
នេះបើយោងតាមសេចក្តីប្រកាសព័ត៌មានរបស់ក្រសួងការងារ និងបណ្តុះបណ្តាលវិជ្ជាជីវៈចុះថ្ងៃទី២២ មេសា ២០១៥ ។
សេចក្តីប្រកាសដដែលក៍បានបញ្ជាក់ដែរថា ការរៀបចំកម្មវិធីខាងលើនឹងប្រព្រឹត្តទៅនៅថ្ងៃទី០១ ឧសភា ២០១៥ នៅទីស្តីការក្រសួងការងារដោយមានការចូលរួមទូលំទូលាយពីគ្រប់តំណាងភាគីពាក់ព័ន្ឋក្នុងវិស័យការងាររួមមាន៖ តំណាងក្រសួង-ស្ថាប័នរដ្ឋពាក់ព័ន្ឋ អង្គការវិជ្ជាជីវៈ កម្មករនិយោជិត និយោជក អង្គការអន្តរជាតិខាងការងារ (ILO) និងអង្គការសង្គមស៊ីវិល ។
នៅក្នុងកម្មវិធីអបអរសាទរខួបអនុស្សាវរីយ៍លើកទី១២៩ទិវាពលកម្មអន្តរជាតិ ០១ ឧសភាខាងមុខនេះ ក្រសួងការងារក៍នឹងរៀបចំវេទិកាការងារ សំដៅពិភាក្សា និងស្វែងរកដំណោះស្រាយរួមលើបញ្ហាកង្វល់ ឬ សំណូមពរជាអាទិភាពរបស់កម្មករនិយោជិត និងនិយោជកផងដែរ ៕
ចែករំលែកព័តមាននេះ