ខេត្តព្រះសីហនុ ៖ រថយន្តមួយគ្រឿងម៉ាកស្ការិច ពណ៌ស ពាក់ស្លាកលេខភ្នំពេញ២A៥៥១៦ បើកបរដោយបុរសជនជាតិចិនម្នាក់ក្នុងស្ថានភាពស្រវឹងជោក បានបើកបោះពួយបុកខឿនពុះចែកទ្រូងផ្លូវត្រង់ចំណុចផ្លូវកែងអតីតតុលាការចាស់
ខេត្តព្រះសីហនុ ៖ រថយន្តមួយគ្រឿងម៉ាកស្ការិច ពណ៌ស ពាក់ស្លាកលេខភ្នំពេញ២A៥៥១៦ បើកបរដោយបុរសជនជាតិចិនម្នាក់ក្នុងស្ថានភាពស្រវឹងជោក បានបើកបោះពួយបុកខឿនពុះចែកទ្រូងផ្លូវត្រង់ចំណុចផ្លូវកែងអតីតតុលាការចាស់ ស្ថិតក្នុងភូមិ៤ សង្កាត់លេខ៤ ក្រុងព្រះសីហនុ កាលពីវេលាម៉ោង២ និង១៥នាទីទៀបភ្លឺ ឈានចូលថ្ងៃទី២៣ មេសា ២០១៥ ។
យោងតាមការឱ្យដឹងពីសមត្ថកិច្ចចរាចរណ៍ផ្លូវគោកខេត្តព្រះសីហនុ បានឱ្យដឹងថា រថយន្តដែលបង្កគ្រោះថ្នាក់នេះបើកបរដោយបុរសជនជាតិចិនឈ្មោះwaing bai hai អាយុ២៥ឆ្នាំ ស្នាក់នៅសង្កាត់លេខ៤ ក្រុងព្រះសីហនុ រួមដំណើរជាមួយបុរសជនជាតិចិនម្នាក់ទៀតមិនស្គាល់ឈ្មោះ។
ក្រោយកើតហេតុសមត្ថកិច្ចបាននាំយកបុរសជនជាតិចិនទៅការិយាល័យចរាចរណ៍ផ្លូវគោកដើម្បីវាស់សារធាតុស្រវឹង ហើយបានរកឃើញមានសារជាតិស្រវឹងរហូតដល់0.51មីល្លិលីត្រខ្យល់ ទើបសមត្ថកិច្ចឃាត់ខ្លួនទុកនៅការិយាល័យរង់ចាំដោះស្រាយតាមផ្លូវច្បាប់ បើទោះបីមិនបណ្តាលឱ្យគ្រោះថ្នាក់ដល់មនុស្សណាម្នាក់ក៏ដោយ។
ជុំវិញករណីនេះសាក្សីដែលបានឃើញហេតុការណ៍បានអះអាងថា នៅមុនកើតហេតុគេបានឃើញរថយន្តមួយគ្រឿងនេះបើកបរលើដងផ្លូវឯករាជ្យ ជាច្រើនសារក្នុងល្បឿនដូចហោះ លុះដល់ម៉ោងកើតហេតុដោយសាររថយន្តបើកលឿនពេកហើយកន្លែងកើតហេតុជាចំណុចផ្លូវកោងផងធ្វើឱ្យរថយន្តបត់មិនទាន់ក៏ជ្រុលទៅបុកខឿនពុះចែកផ្លូវតែម្តង ។
ដោយឡែកយោងតាមការអះអាងពីស្ត្រីបរើការនៅខារ៉ាអូខេ ឃីងផារ៉ូបានឱ្យដឹងថា បុរសជនជាតិចិនដែលបើករថយន្តបុកខឿនចែកផ្លូវនេះសុទ្ធតែស្រវឹងជោកជាំខ្លាំងណាស់ ព្រោះពួកគេបានផឹកស្រា ហ្គោល អស់ចំនួន១១ដប ក្នុងចំណោមមនុស្ស៧ទៅ៨នាក់ ហើយបានគិតលុយចាកចេញពីហាងមុនកើតហេតុប្រមាណជាងកន្លះម៉ោងប៉ុណ្ណោះ ៕
ព័ត៌មានលម្អិតនឹងផ្សាយជូននៅលើទំព័រកាសែតកោះសន្តិភាព
ចែករំលែកព័តមាននេះ