រាជធានីភ្នំពេញ៖ តារាសម្តែងស្រី ទេព កញ្ញា ដែលទើបតែទទួរលបានប្រជាប្រិយភាព តាមរយៈការសម្តែងរឿងជាច្រើនកន្លងមកនេះ បានធ្វើអោយមហាជនរន្ធត់ចិត្ត និងអាណិតយ៉ាងខ្លាំង ក្រោយរូបនាងជួបទុក្ខផ្ទួនៗ បាត់បង់មនុស្សជាទីស្រលាញ់…
រាជធានីភ្នំពេញ៖ តារាសម្តែងស្រី ទេព កញ្ញា ដែលទើបតែទទួរលបានប្រជាប្រិយភាព តាមរយៈការសម្តែងរឿងជាច្រើនកន្លងមកនេះ បានធ្វើអោយមហាជនរន្ធត់ចិត្ត និងអាណិតយ៉ាងខ្លាំង ក្រោយរូបនាងជួបទុក្ខផ្ទួនៗ បាត់បង់មនុស្សជាទីស្រលាញ់ នៅក្នុង១ ឆ្នាំ ជាបន្តបន្ទាប់។
ដោយឡែក កាលពី ខែសីហា កន្លងទៅនេះ តារាសម្តែងស្រីរូបនេះ ទើបតែបានរបាត់បង់ជីតា ជាទីស្រលាញ់របស់នាង ស្រាប់តែកាលពីពេលថ្មីៗនេះទៀតតារាស្រី ទេព កញ្ញា ស្រាប់នាងបានបាត់បង់ លោកតា របស់នាងម្នាក់ទៀត ក្រោយពីលោកតានាងបានចូលសម្រាកនៅក្នុងមន្ទីរពេទ្យ ប៉ុន្តែមិនទាន់បានប៉ុន្មានផង លោកតារបស់នាង ក៏បានទទួលមរណភាព។
ដោយការទទួលបានដំណឹងដ៏ក្រៀមក្រំមួយនេះ បានធ្វើអោយរូបនាង ក៏ដូចជាក្រុមគ្រួសារមានការសោកស្តាយ និង ក្តុកក្តួលជាខ្លាំង ដោយបានបាត់បង់មនុស្សជាទីស្រលាញ់ម្នាក់ទៀតនៅក្នុងឆ្នាំតែមួយបែបនេះ ទើបតារាសម្តែងស្រី ទេព កញ្ញា បានលើកឡើងតាមរយៈបណ្តាញសង្គមហ្វេសប៊ុក យ៉ាងគួរអោយសោកស្តាយថា « កុងរបស់ខ្ញុំបានទទួលមរណៈភាពហើយ ក្នុងឆ្នាំនេះ ខ្ញុំបានបាត់បង់ជីតាដល់ទៅ ២ នាក់ សូមឲ្យវិញ្ញាណក្ខន្ធរបស់កុងទៅកាន់សុខគតិភព» ។
យ៉ាងណាមិញ ក៏មានមហាជន និងអ្នកគាំទ្ររបស់នាងជាច្រើនបានលើកទឹកចិត្តចំពោះនាងតាមរយៈការខមមិន នៅក្នុងការបាត់បង់នេះ និងបានត្រឹមតែចូលរួមរំលែកទុក្ខពីចំងាយ ពីព្រោះតែ ពិធីបុណ្យជីតា របស់ ទេព កញ្ញា មិនបានរៀបចំនៅក្នុងទីក្រុង ទើបមិនមានអ្នកសិល្បៈបានចូលរួម ៕
ចែករំលែកព័តមាននេះ