ប្រទេសអាស៊ែបៃហ្សង់និងអាមេនី ៖ ទីក្រុងSTEPANAKERTរដ្ឋធានីនៃតំបន់បំបែកខ្លួនណាហ្គ័រនីការា៉បាក់ ស្ថិតក្រោមការត្រួតត្រារបស់ពួកបំបែកខ្លួនអាមេនី កាលពីយប់ថៃ្ងទី១០តុលា ជាគោលដៅនៃការបាញ់ផ្លោង ក៏ទោះបីមានបទឈប់បាញ់គ្នា ដែលសម្រេចបានក្នុងការចរចានៅទីក្រុងមូស្គូ ដែលអាមេនីនិងអាស៊ែបៃហ្សង់ បានចោទដាក់គ្នាទៅវិញទៅមកថារំលោភបំពានបទឈប់បាញ់នោះ។…
ប្រទេសអាស៊ែបៃហ្សង់និងអាមេនី ៖ ទីក្រុងSTEPANAKERTរដ្ឋធានីនៃតំបន់បំបែកខ្លួនណាហ្គ័រនីការា៉បាក់ ស្ថិតក្រោមការត្រួតត្រារបស់ពួកបំបែកខ្លួនអាមេនី កាលពីយប់ថៃ្ងទី១០តុលា ជាគោលដៅនៃការបាញ់ផ្លោង ក៏ទោះបីមានបទឈប់បាញ់គ្នា ដែលសម្រេចបានក្នុងការចរចានៅទីក្រុងមូស្គូ ដែលអាមេនីនិងអាស៊ែបៃហ្សង់ បានចោទដាក់គ្នាទៅវិញទៅមកថារំលោភបំពានបទឈប់បាញ់នោះ។
ស្នូរផ្ទុះដ៏ខ្លាំង៧លើកត្រូវបានស្ដាប់ឮនាវេលាម៉ោង២៣និង៣០នាទីម៉ោងក្នុងស្រុក ដែលធ្វើឲ្យដីញ័ររង្គើរក្នុងទីក្រុងនោះទាំងមូល។ ភ្លាមៗក្រោយការផ្ទុះនោះ ស្នូរស៊ីរ៉ែនប្រកាសអាសន្ន បានលាន់ឮជាច្រើននាទី ដើម្បីឲ្យប្រជាជនរត់រកជម្រកក្រោមដី។ បន្ទាប់ពីនេះទីក្រុងនោះក្លាយជាស្ងាត់ជ្រងំវិញ ក្នុងភាពងងឹតសូន្យសុងព្រះគ្មានភ្លើងអគ្គិសនីទាំងស្រុង។
ការបាញ់ផ្លោងគ្រាប់កាំភ្លើងធំដាក់ទីក្រុងនោះ កើតមាន ក៏ទោះបីមានបទឈប់បាញ់គ្នា រវាងអាមេនីនិងអាស៊ែបៃហ្សង់ ដែលតាមទ្រឹស្ដីចូលជាធរមានពីពាក់កណ្ដាលថ្ងៃទី១០តុលាទៅ បន្ទាប់ពីការប្រយុទ្ធគ្នាខ្លាំងក្លា២សប្ដាហ៍ នៅតំបន់បំបែកខ្លួនណាហ្គ័រនីការ៉ាបាក់។
ពួកអ្នកដែលប្រទូស្តរ៉ាយគ្នា បានចោទប្រកាន់គ្នាទៅវិញទៅមកថារំលោភបំពានបទឈប់បាញ់នោះ នៅតាមខ្សែបន្ទាត់រណសិរ្ស តែសភាពការណ៍នៅតែ ស្ងប់ស្ងាត់ខុសពីធម្មតានាថ្ងៃនោះ៕ដកស្រង់ចេញពីវេបសាយ ៖ yahoo
ចែករំលែកព័តមាននេះ