ខេត្តបន្ទាយមានជ័យ ៖ បុរសម្នាក់ដែលស្ត្រីជាប្រពន្ធបាននិយាយថា ជាមនុស្សញៀនស្រាអត់លែងបាន បើទោះបីផឹកទៅស្លាប់ក៏ផឹកដែរ ប្រពន្ធឃាត់មិនស្តាប់ក៏ស្លាប់មែន ដែលហេតុការណ៍នេះបង្កការភ្ញាក់ផ្អើលកាលពីព្រឹកថ្ងៃទី១០ តុលា ស្ថិតនៅចំណុចភូមិដំបូកវិល ឃុំម៉ាឡៃ…
ខេត្តបន្ទាយមានជ័យ ៖ បុរសម្នាក់ដែលស្ត្រីជាប្រពន្ធបាននិយាយថា ជាមនុស្សញៀនស្រាអត់លែងបាន បើទោះបីផឹកទៅស្លាប់ក៏ផឹកដែរ ប្រពន្ធឃាត់មិនស្តាប់ក៏ស្លាប់មែន ដែលហេតុការណ៍នេះបង្កការភ្ញាក់ផ្អើលកាលពីព្រឹកថ្ងៃទី១០ តុលា ស្ថិតនៅចំណុចភូមិដំបូកវិល ឃុំម៉ាឡៃ ស្រុកម៉ាឡៃ ខេត្តបន្ទាយមានជ័យ ។
ជនរងគ្រោះឈ្មោះ លឹម សឿន ភេទប្រុស អាយុ៥៦ឆ្នាំ រស់នៅភូមិ-ឃុំខាងលើ ។ បើតាមការបំភ្លឺរបស់ឈ្មោះ កែម យឿន ត្រូវជាប្រពន្ធជនរងគ្រោះបានឲ្យសមត្តកិច្ចដឹងថា ប្តីគាត់ទំនងរអិលជើងធ្លាក់ចូលទឹកលង់ស្លាប់ ព្រោះគាត់ជាមនុស្សញៀនស្រាស្រវឹងខួបវង្វេងវង្វាន់លែងដឹងខុសត្រូវ ។ តែរយៈពេល២-៣ថ្ងៃនេះ គាត់(ប្រពន្ធ) បានផ្តាច់ឈប់ឲ្យផឹកហើយ ដោយសារមើលឃើញទឹកជំនាន់ឡើងខ្លាំង និងលិចភូមិឋានផងខ្លាចប្តីគាត់ស្រវឹងលង់ទឹកស្លាប់ស្លាប់មែន ។
មុនកើតហេតុវេលាម៉ោង២ និង៣០នាទីរសៀលថ្ងៃទី៩ តុលា គាត់ជាប្រពន្ធ និងប្តីបាននាំគ្នាជញ្ជូនឥវ៉ាន់ អង្ករ និងចៅ ឆ្លងកាត់ទឹកកំពស់ប្រហែល១ម៉ែត្រ ដែលមានចម្ងាយយប្រហែល៦០ម៉ែត្រ ដើម្បីទៅកាន់ទីទួល ខណៈជំនាន់ទឹកភ្លៀងបាននិងកំពុងលេចភូមិករ និងផ្ទះសម្បែង ។ លុះពេលជញ្ជូនឥវ៉ាន់រួច ប្តីគាត់បានទៅអង្គុយនៅលើគ្រែ ដែលមានទឹកនៅពីក្រោមផ្ទះកំពស់ប្រែហែល១ម៉ែត្រ ដោយមានអាការៈញ័រដៃញ័រជើងហើយរអ៊ូថា ឃ្លានស្រានិងចង់តែស្លាប់ បន្ទាប់មកស្រាប់តែបាត់មិនដឹងទៅណា គាត់ជាប្រពន្ធខំរកមើលដែរតែមិនឃើញ ។
រហូតដលម៉ោង៦ និង ៣០នាទីព្រឹកឈានចូលថ្ងៃទី១០ តុលា ទើបប្រទះឃើញសាកសពអណ្តែតនៅក្រោមគ្រែ ក្បែរកន្លែងគាត់អង្គុយកាលពីល្ងាចនោះ ។ ក្រោយពីឃើញសាកសពប្តីអណ្តែកទឹក គាត់បានជំរាបជូនទៅសមត្តកិច្ចដែជាអាជ្ញាធរដែនដីឲ្យយបានដឹងពីករណីខាងលើនេះ បន្ទាប់មកសមត្តកិច្ចក៏បានបង្កើតគណៈក ម្មការចូលរួមពិនិត្យសាកសព ដែលមានសមាសភាពដូចជា នាយផ្នែកវិភាគកន្លែងកើតហេតុ.មន្ត្រីសុខាភិបាលនៃមន្ទីរពេទ្យបង្អែកម៉ាឡៃសន្តិភាព.ប្រធា នក្រុមប្រឹក្សាឃុំម៉ាឡៃ.នាយប៉ុស្តិ៍នគរបាលម៉ាឡៃ ។
ជាលទ្ធផល សាកសពពុំមានស្នាកស្នាមអ្វីពាក់ព័ន្ធនឹងករណីឃាតកម្មទេ ជនរងគ្រោះពិតជាស្លាប់ដោ យសារស្រវឹងចុះពីលើគ្រែ ហើយរអិលជើងធ្លាក់ចូលក្នុងទឹកស្លាប់ ព្រោះថាពេលពិនិត្យឃើញសាកសពស្លាប់ ដោយមានអាការៈដៃតោងនិងបង្គោលនៅខាងក្រោមផ្ទះនោះប្រាកដមែន ។ សាកសពត្រូវបានប្រគល់ឲ្យក្រុមគ្រួសារធ្វើបុណ្យតាមប្រពៃណី ៕
ចែករំលែកព័តមាននេះ