រាជធានីភ្នំពេញ ៖ ជាការពិតណាស់ បទល្មើសព្រហ្មទណ្ឌតូចធំ ដែលកើតមា នឡើងនៅក្នុងប្រទេសកម្ពុជា ហើយជនសង្ស័យតែងតែលាក់មុខនិងគេចខ្លួន ប៉ុន្តែនៅទីបំផុតនៅតែមិនអាចគេចផុតពីកម្លាំងជំនាញនៃនាយកដ្ឋាននគរបាលព្រហ្មក្រសួងមហាផ្ទៃនោះទេ ។ ជាក់ស្តែង…
រាជធានីភ្នំពេញ ៖ ជាការពិតណាស់ បទល្មើសព្រហ្មទណ្ឌតូចធំ ដែលកើតមា នឡើងនៅក្នុងប្រទេសកម្ពុជា ហើយជនសង្ស័យតែងតែលាក់មុខនិងគេចខ្លួន ប៉ុន្តែនៅទីបំផុតនៅតែមិនអាចគេចផុតពីកម្លាំងជំនាញនៃនាយកដ្ឋាននគរបាលព្រហ្មក្រសួងមហាផ្ទៃនោះទេ ។
ជាក់ស្តែង ដូចករណីឃាតកម្មមួយដែលកើតឡើងកាលពីថ្ងៃទី៧ តុលា ឆ្នាំ២០២០ នៅចំណុចផ្ទះធ្វើនំខេកទី តាំងលេខ ៧៥២ ផ្លូវជាតិលេខ៥ ភូមិក្រោលគោ សង្កាត់គីឡូម៉ែត្រលេខ៦ ខណ្ឌប្ញស្សីកែវ រាជធានីភ្នំពេញ មានករណីឃាតម្មមួយបង្ក ដោយជនសង្សយ័ឈ្នោះ ផល បញ្ញា ភេទប្រុស អាយុ៣១ឆ្នាំ ជាកម្មករហាងនំខេក ស្នាក់នៅភូមិកោះរះ ឃុំកោះរះលើ ស្រុកល្វាឯម ខេត្តកណ្តាល ដែលអំពើឃាតកម្មនោះជនជាឃាតករបានយកញញួរវាយក្បាលជនរងគ្រោះឈ្មោះ ហន ចាន់រស្មី ភេទប្រុស អាយុ៣០ឆ្នាំ ជាកម្មករធ្វើនំខេកតែមួយញញួរបណ្តលឲ្យបាត់បង់ជីវិតនៅកន្លែងកើតហេតុ ហើយជនសង្ស័យបានគេចខ្លួនបាត់ ។
បន្ទាប់ពីមានហេតុការណ៍នោះកើតឡើង លោកឧត្តមសេនីឯក ង៉េង ជួ ប្រធាននាយកដ្ឋាននគរបាលព្រហ្មទណ្ឌ បានចាត់តាំងលោកឧត្តមសេនីយ៍ទោ ជាវ វិបុល អនុប្រធាននាយកដ្ឋាន ដឹកនាំកម្លាំងជំនាញចុះសហការជាមួយនគរបាលខណ្ឌឬស្សីកែវ ធ្វើការស្រាវជ្រាវ ជាបន្ទាន់ ។ រហូតដល់ថ្ងៃទី១០ ខែតុលា ឆ្នាំ២០២០ វេលាម៉ោង ០០នឹង៤៥នាទី កម្លាំងបានសហការជាមួយស្នងការខេត្តស្ទឹងត្រែង ក្រោមការសម្របសម្រួលពីលោកព្រះរាអាជ្ញាអមសាលាដំបូងខេត្ត កម្លាំងសហការបានឃាត់ខ្នួនជនសង្ស័យនៅចំណុចអូក្លុង គីឡូម៉ែត្រលេខ៩ ផ្លូវជាតិលេខ៧ ភូមិរាជានុកូល សង្កាត់ស្ទឹងត្រែង ក្រុងស្ទឹងត្រែង ខណ:ជនជាឃាតករបានគេចខ្លួនពីខេត្តស្ទឹងត្រែងទៅលាក់ខ្លួននៅផ្ទះបងស្រីនៅខេត្តក្រចេះ ។
ពេលចាប់ខ្លួនជនសង្ស័យឈ្មោះ ផល បញ្ញា បានឆ្លើយសារភាពថាខ្លួនពិតជាបានធ្វើសកម្មភាពយកញញួរវាយទៅលើក្បាលជនរងគ្រោះឈ្មោះ ហន ចាន់រស្មីចំនួន២ញញួរ (មួយញញួរវាយចំសៀតផ្កា នឹងមួយញញួរទៀតចំក្បាលផ្នែកខាងក្រោយ) បណ្តាលឲ្យស្លាប់ប្រាកដមែន មូលហេតុដោយសារខឹងជនរងគ្រោះជេរប្រមាថមកលើខ្លួន ។ ក្រោយពីឃាត់ខ្លួនជនសង្ស័យត្រូវបានកម្លាំងសហការនាំមកកាន់នាយកដ្ឋាននគរបាលព្រហ្មទណ្ឌ ដើម្បីកសាងសំណុំរឿងបញ្ជូនទៅសាលាដំបូងរាជធានីភ្នំពេញ តាមនីតិវិធី ៕
ចែករំលែកព័តមាននេះ