រាជធានីភ្នំពេញ ៖ ក្រោមពាក្យស្លោករបស់សមត្ថកិច្ចមន្ទីរប្រឆាំងគ្រឿងញៀន (បង្ក្រាបដូចភ្លៀងរលឹម) ដោយប្រើជំនាញ.ញុះញង់ ស្រាវជ្រាវ និងបង្ក្រាបជាក់ស្តែងនៅថ្ងៃទី៦ ខែតុលា ឆ្នាំ២០២០នេះ ដោយកម្លាំងសមត្ថកិច្ចនគរបាលជំនាញការិយាល័យទី៧…
រាជធានីភ្នំពេញ ៖ ក្រោមពាក្យស្លោករបស់សមត្ថកិច្ចមន្ទីរប្រឆាំងគ្រឿងញៀន (បង្ក្រាបដូចភ្លៀងរលឹម) ដោយប្រើជំនាញ.ញុះញង់ ស្រាវជ្រាវ និងបង្ក្រាបជាក់ស្តែងនៅថ្ងៃទី៦ ខែតុលា ឆ្នាំ២០២០នេះ ដោយកម្លាំងសមត្ថកិច្ចនគរបាលជំនាញការិយាល័យទី៧ បានចុះបង្ក្រាបករណីរក្សាទុក និងជួញដូរគ្រឿងញៀនខុសច្បាប់២ករណីនៅក្នុងរាជធានីភ្នំពេញ ហើយឃាត់មនុស្សប្រុសស្រី៣នាក់ និងចាប់យកគ្រឿងញៀនជាង៣គីឡូក្រាមផងដែរ ។
ពាក់ព័ន្ធនឹងករណីខាងលើនេះ លោកឧត្តមសេនីយ៍ឯក ឡឹក វណ្ណៈ នាយកមន្ទីរប្រឆាំងគ្រឿងញៀនបានឲ្យដឹងថា នៅថ្ងៃទី៦ ខែតុលា វេលាម៉ោង២និង០៥នាទីរសៀល កម្លាំងជំនាញ (ក៧) នៃមន្ទីរប្រឆាំងបទល្មើសគ្រឿងញៀន ដឹកនាំដោយលោកឧត្តមសេនីយ៍ទោ សឿង ណុល នាយករង ក្រោមការសម្របសម្រួលពីលោក សឿន មុនីរ័ត្ន ព្រះរាជអាជ្ញារងអមសាលាដំបូងរាជធានីភ្នំពេញ បានបើកការស៊ើបអង្កេត ស្រាវជ្រាវ ដោយប្រើវិធានការណ៍ញុះញង់ ដើម្បីបង្រា្កបបទល្មើសរក្សាទុក និងជួញដូរគ្រឿងញៀនពីរគោលដៅផ្សេងគ្នា ។
គោលដៅទី១- នៅចំណុចក្បែរក្លោងវត្តតាំងក្រសាំង ស្ថិតក្នុងសង្កាត់កាកាប២ ខណ្ឌពោធិ៍សែនជ័យ និងគោលដៅទី២- នៅចំណុចផ្ទះជួលគ្មានលេខ ផ្លូវបេតុងភូមិគោកឃ្លាង សង្កាត់គោកឃ្លៀង ខណ្ឌសែនសុខ ។
ជាលទ្ធផលក្នុងការបង្ក្រាបបទល្មើសគ្រឿងញៀនខាងលើ កម្លាំងសមត្ថកិច្ចបានឃាត់ខ្លួនជនសង្ស័យចំនួន៣នាក់ ៖ ១-ឈ្មោះ សឹង សម្បត្តិ ភេទប្រុស អាយុ៣៥ឆ្នាំ ជាជនជាតិខ្មែរ ២-ឈ្មោះ ប្រាក់ ឌីម៉ង់ ភេទប្រុស អាយុ៣៥ឆ្នាំ ជនជាតិខ្មែរ និង៣-ឈ្មោះ ពៅ សាវិន ភេទស្រី អាយុ៣៧ឆ្នាំ ជនជាតិខ្មែរ ។ ចំណែកវត្ថុតាងដែលចាប់យកបានមាន ៖ម្សៅសថ្លា ដែលសង្ស័យថា ជាថ្នាំញៀនប្រភេទម៉េតំហ្វេតាមីន (ICE) ទម្ងន់ ៣១៦៥.១៩ ក្រាម (ជាង៣ គីឡូក្រាម), ជញ្ជីងថ្លឹងថ្នាំញៀន០២គ្រឿង និងឧបករណ៍វេចខ្ចប់ថ្នាំញៀនមួយចំនួនទៀត ។
ក្រោយពេលឃាត់ខ្លួនជនសង្ស័យ និងវត្ថុតាង ត្រូវបានសមត្ថកិច្ចកសាងសំណុំរឿងបញ្ជូនទៅកាន់សាលាដំបូងរាជធានីភ្នំពេញតាមនីតិវិធី ៕
ចែករំលែកព័តមាននេះ