រាជធានីភ្នំពេញ ៖ សាលក្រមសាលាដំបូងរាជាធានីភ្នំពេញ បានប្រកាសធ្វើឡើងចំពោះមុខជនជាប់ចោទអតីតអគ្គកុងស៊ុលប្រចាំនៅទីក្រុងគួនមិញ នៃប្រទេសចិន នាព្រឹកថ្ងៃទី៨ ខែតុលា ឆ្នាំ២០២០ ដោយបានសម្រេចផ្ដន្ទាទោសលោក គ្រុយ…
រាជធានីភ្នំពេញ ៖ សាលក្រមសាលាដំបូងរាជាធានីភ្នំពេញ បានប្រកាសធ្វើឡើងចំពោះមុខជនជាប់ចោទអតីតអគ្គកុងស៊ុលប្រចាំនៅទីក្រុងគួនមិញ នៃប្រទេសចិន នាព្រឹកថ្ងៃទី៨ ខែតុលា ឆ្នាំ២០២០ ដោយបានសម្រេចផ្ដន្ទាទោសលោក គ្រុយ លឹមហេង ដាក់ពន្ធនាគារកំណត់៧ឆ្នាំ និងពិន័យជាប្រាក់ចំនួន១០ លានរៀលចូលថវិការរដ្ឋ ក្រោមការចោទប្រកាន់ចំនួន៤បទល្មើស ពាក់ព័ន្ធបទល្មើស« វីតិក្រម » ។ សាលក្រមបានទុកសិទ្ធិឲ្យជនជាប់ចោទប្តឹងឧទ្ធរណ៍តាមកំណត់ច្បាប់ បើមិនសុខចិត្តការសម្រេចខាងលើនេះ ។
ជនជាប់ចោទឈ្មោះ គ្រុយ លឹមហេង ភេទប្រុស អាយុ៤៥ឆ្នាំ អតីតអគ្គកុងស៊ុលព្រះរាជាណាចក្រកម្ពុជា ប្រចាំទីក្រុងគុនមិញ ខេត្តយូណាន នៃសាធារណរដ្ឋប្រជាមានិតចិន ។
ជនជាប់ចោទត្រូវបានកម្លាំងសមត្តកិច្ចអង្គ ភាពប្រឆាំងអំពើពុករលួយ (ACU) ចាប់ខ្លួនកាលពីថ្ងៃទី២៩ ខែធ្នូ ឆ្នាំ ២០ ១៩ ពាក់ពន្ធ័អំពើពុករលួយប្រព្រឹត្តិឡើងនៅក្នុងអំឡុងឆ្នាំ២០១៦.២០១៨ ដែលនឹងចាប់បញ្ជូនទៅតុលាការ ហើយតំណាងអយ្យការចោទពីបទ.បំផ្លាញដោយ ចេតនា បទ គៃបំបាត់ដោយទុច្ចរិត បទរំលោភអំណាច និង វិតិក្រម ប្រព្រឹត្តកាលពីអំឡុងឆ្នាំ២០១៦ ដល់ខែមិថុនា ឆ្នាំ២០១៨ និង ករណីមិនប្រកាសទ្រព្យសម្បត្តិនិងបំណុល ប្រព្រឹត្តនៅព្រះរាជាណាចក្រកម្ពុជា ចាប់ពីឆ្នាំ២០១៥ដល់ ឆ្នាំ២០១៩ ។ និងករណីពិសេសមួយទៀតគឺ ពាក់ពន្ធ័ការបាត់សន្លឹកទិដ្ឋាការចំនួន១៦០០សន្លឹក រួមការក្លែងបន្លំសន្លឹកទិដ្ឋាការស្អិតចំនួន៥០០សន្លឹក។
តាមប្រភពព័ត៌មានក្រៅផ្លូវការមួយបង្ហើបប្រាប់ថា លោក គ្រុយ លឹមហេង អាយុ៤៥ឆ្នាំ ជាប់សង្ស័យពីបទ បំផ្លាញដោយចេតនា និង គៃបំបាត់ដោយទុច្ចរិត រំលោភអំណាច និង វិតិក្រម ប្រព្រឹត្តកាលពីអំឡុងឆ្នាំ២០១៦ ដល់ខែមិថុនា ឆ្នាំ២០១៨ និង ករណីមិនប្រកាសទ្រព្យសម្បត្តិនិងបំណុល ប្រព្រឹត្តនៅព្រះរាជាណាចក្រកម្ពុជា ចាប់ពីឆ្នាំ២០១៥ ដល់ឆ្នាំ២០១៩ ។
បានកត់សំគល់ឃើញថា ជនជាប់ចោទដែលមានតួនាទីអតីតជាអគ្គកុងស៊ុលម្នាក់ ត្រូវបានអនុរក្សពន្ធនាគារព្រៃសដឹកតាមរថយន្តឡង់គ្រីស្ស័ររបស់ពន្ធនាគារ ដាច់ដោយឡែកពីជនជាប់ចោទផ្សេងទៀត ដើម្បីយកមកកាត់ទោស រួចហើយបានដឹកទៅកាន់ពន្ធនាគារវិញ មើលទៅហាក់ដូចជាមានភាពស្រងូតស្រងាត់ម្នាក់ឯង ៕ (កែសម្រួលដោយ ៖ ធីតា)
ចែករំលែកព័តមាននេះ