ខេត្តកំពត ៖ លោកឧកញ៉ាសូ ងួន សុំបោសសំអាតអ្នកចូលមកសង់ខ្ទមរំលោភយកដីសម្បទានរបស់ក្រុមហ៊ុនជាង6ពាន់ហិកតា ។ ក្រុមហ៊ុនសូ ងួន ជាក្រុមហ៊ុនមានដីសម្បទានមានច្រើនជាងគេបំផុត ស្ថិតនៅក្នុងភូមិព្រៃពាយ ឃុំត្រពាំងភ្លាំង ស្រុកឈូក ខេត្ត កំពត ។ ដោយសារតែមានមេខ្យល់សុទ្ធតែមានអំណាចទើបបំផុសអោយពលរដ្ឋមកពីភូមិស្រុកផ្សេងៗរាប់រយគ្រួសារបានចូលទៅក្នុងដីសម្បទានរបស់ក្រុមហ៊ុនសូ ងួន ដែលក្រសួងកសិកម្មបានអនុញ្ញាតឱ្យក្រុមហ៊ុនមួយនេះ មកអភិវឌ្ឍន៍ផ្នែកកសិកម្ម និងដំណាំដាំដុះផ្សេងៗទៀត។
ដោយសារតែមានអ្នកចូលទៅសង់ខ្ទមច្រើននៅលើដីរបស់ក្រុមហ៊ុនភ្លូកទឹកភ្លូកដីទើបក្រុមហ៊ុនដាក់ប៉ារ៉ាស់និងពង្រាយកងសន្តិសុខរបស់ខ្លននៅតាមដងផ្លូវចូលទៅក្នុងដីក្រុមហ៊ុន។ ពលរដ្ឋម្នាក់ឈ្មោះសុខ បូរី ភេទប្រុស អាយុ១៧ឆាំ្ន បានបើកគោយន្តមកពីភូមិព្រៃពាយនិយាយថា ខ្លួនគាត់បានជិះគោយន្តមកពីផ្ទះបងប្អូននៅឯស្រុកឈូក។ ប៉ុន្តែពេលជិះគោយន្តត្រឡប់មកវិញ ត្រូវបានកងសន្តិសុខក្រុមហ៊ុនសូ ងួន មិនអនុញ្ញាតអោយចូលបានឡើយ។
ចំណែកពលរដ្ឋម្នាក់ទៀតមកពីខេត្តកំពង់ធំ ហើយត្រូវបានជិះម៉ូតូមកលេងម្ដាយ ដែលមានផ្ទះនៅចំណុចថ្លាន់100 ក្នុងភូមិសាស្ត្រព្រៃពាយកងសន្តិសុខ ក៏មិនអនុញ្ញាតអោយចូលទៅតំបន់ប្រទាំងប្រទើសនោះផងដែរ ដោយប្រធានកងសន្តិសុខយាមចាំនៅកន្លែងដាក់ប៉ារ៉ាស់នោះថា បើអោយគាត់ចូលទៅភ្លាមៗ ខ្លាចមានក្រុមម្ខាងទៀតនៅចាំបាញ់កាំភ្លើងច្នៃបាញ់សត្វនិងចំពាមកៅស៊ូ។
ប៉ុន្តែទោះជាបែបណា កងសន្តិសុខរបស់ក្រុមហ៊ុនសូ ងួន បានប៉ះទង្គិចគ្នាមួយប្រាវដែរ ហើយជាមួយនិងពលរដ្ឋម្ខាងទៀត ដែលមានការគាំទ្រអោយលោកឧកញ៉ាម្ខាងទៀត ដែលរស់នៅក្រុងភ្នំពេញដូចគ្នា លោកឧកញ៉ាសូ ងួន បានចេញមុខប្រាប់អ្នកយកព័ត៌មាន ដោយមិនបានព្រាងទុកថា ពេលនេះគាត់បានអោយកងសន្តិសុខដាក់យាម និងត្រួតពិនិត្យយ៉ាងតឹងប្រាកដមែន ដោយសាតែក្រុមម្ខាងបានប្រើអោយពលរដ្ឋមកសង់ខ្ទមរាប់រយគ្រួសារនៅលើដីសម្បទានរបស់លោក ដែលរាជរដ្ឋាភិបាលបានប្រគល់អោយក្រុមហ៊ុនធ្វើការអភិវឌ្យផ្នែកខាងកសិកម្ម។ ឧកញ៉ា សូ ងួនបាននិយាយដោយត្រង់ៗថាខាងក្រុមហ៊ុនបានអត់ធ្មត់យូពេកហើយ។ហើយម្យ៉ាងទៀតក្រុមហ៊ុនរបស់លោកក៍មិនដែលប្រើអំពើហឹង្សាទៅលើពលរដ្ឋណាម្នាក់អោយទទួលរងរបួសនោះឡើយ។
ឧកញ៉ា សូ ងួនបាននិយាយប្រាប់ថា ពេលនេះកងសន្តិសុខរបស់ក្រុមហ៊ុនសុំធ្វើការបោសសម្អាតសំពង់តូចនៅលើដីរបស់ក្រុមហ៊ុន ហើយក៏លោកមិនបញ្ជាអោយកងសន្តិសុខទៅវាយដំពលរដ្ឋដែលមនុស្សផ្សេងបានប្រើអោយមករំលោភយកដីរបស់ក្រុមហ៊ុនដែរ។ ឧកញ៉ាសូ ងួននិយាយថា ការរុះរើខ្ទមតូចនៅលើដីក្រុមហ៊ុននោះ គឺមានតែប្រក់សង្កសី5ទៅ6សន្លឹកតែប៉ុណ្ណោះ។
លោកឧកញ៉ាសួ ងួន និយាយថា «ខ្ញុំបានជួលដីពីរាជរដ្ឋាភិបាលចំនួន6ពាន់ហិកតា ចុះបើគេមកសង់ផ្ទះនៅរាប់រយគ្រួសារ អីចឹងខ្ញុំត្រូវធ្វើយ៉ាងម៉េច។ លោកឧកញ៉ាសូ ងួន ក៏កំពុងចង់ជួបជាមួយលោកឧញ៉ាប៉ែន នួន ដើម្បីដោះស្រាយរឿងជម្លោះរឿងព្រំដីដែលលោកឧកញ៉ាប៉ែន នួន បានសង់កន្លែងស្នាក់ការនៅលើដីរបស់ក្រុមហ៊ុន។
លោកឧកញ៉ាប៉ែន នួន ក៏បានសន្យាជាមួយលោកឧកញ៉ាសូ ងួន មកជួបចរចាគ្នានៅកន្លែងដីមានជម្លោះ ព្រោះលោកឧកញ៉ាទាំងពីរ សុទ្ធតែមានឥទ្ធិពលដូចគ្នា។ លោកឧកញ៉ាសូ ងួន បានកំពុងប្រឹងប្រែងស្វែងរកជននៅពីក្រោយប្រជាពលរដ្ឋ ដែលចូលមកទន្ទ្រានដីរបស់លោកថា តើនណានៅពីក្រោយ ?
ចែករំលែកព័តមាននេះ