អាជ្ញាធរក្រុងតាខ្មៅចុះរៀបចំសណ្តាប់ធ្នាប់ ពលរដ្ឋសុំឱ្យមានតម្លាភាព
- កណ្តាល
ខេត្តកណ្តាល ៖ កម្លាំងនគរបាលសណ្តាប់ធ្នាប់និងចរាចរណ៍ក្រុងតាខ្មៅ ដឹកនាំដោយលោកវរសេនីយ៍ត្រី ភឿង វ៉ាត អធិការរង កាលពីព្រឹកថ្ងៃទី៨ ខែតុលា ឆ្នាំ២០២០…
ខេត្តកណ្តាល ៖ កម្លាំងនគរបាលសណ្តាប់ធ្នាប់និងចរាចរណ៍ក្រុងតាខ្មៅ ដឹកនាំដោយលោកវរសេនីយ៍ត្រី ភឿង វ៉ាត អធិការរង កាលពីព្រឹកថ្ងៃទី៨ ខែតុលា ឆ្នាំ២០២០ បានបន្តចុះអប់រំ និង
រៀបចំសណ្តាប់ធ្នាប់នៅរង្វង់មូលលោកតាខ្មៅ និងកំណាត់ផ្លូវជាតិលេខ២១ ចាប់ពីហាងសុភីដល់វិទ្យាល័យ ហ៊ុន សែន តាខ្មៅ ជាពិសេសចំណុចផ្សារកាច់ជ្រុងនិងសងខាងផ្លូវ ដោយតម្រូវឲ្យបងប្អូនអាជីវករលក់ដូរលើចិញ្ចើមផ្លូវថ្មើរជើងថយក្រោយត្រឹមគំនូសការ៉ូឡាបានកំណត់ និងរក្សាទុកផ្លូវថ្មើរជើងអមសងខាងផ្លូវម្ខាងជាង១ម៉ែត្រ ។
ក្នុងការចុះរៀបចំសណ្តាប់ធ្នាប់នេះ កម្លាំងសមត្ថកិច្ចបានបន្តចែកសេចក្តីណែនាំលេខ០០៦សណន ស្តីពីការដោះស្រាយចរាចរណ៍ និងរៀបចំសណ្តាប់ធ្នាប់សាធារណៈតាមដងផ្លូវក្នុងភូមិសាស្ត្រក្រុងតាខ្មៅ ព្រមទាំងធ្វើកិច្ចសន្យាតាមខ្នងផ្ទះ តូប ដែលលក់លើផ្លូវថ្មើរជើងខាងលើដើម្បីកុំឲ្យពួកគាត់បន្តលក់ទៀត ដែលធ្វើឱ្យមានការកកស្ទះចរាចរណ៍ បាត់បង់សណ្តាប់ធ្នាប់ ។
ជុំវិញបញ្ហានេះដែរ ប្រជាពលរដ្ឋក៏បានសុំឲ្យអាជ្ញាធរ និងសមត្ថកិច្ចសណ្តាប់ធ្នាប់និងចរាចរណ៍
ធ្វើឱ្យមានតម្លារភាពផង កុំធ្វើតែម្ខាងទុកម្ខាង ។ ជាពិសេស នៅលើផ្លូវជាតិលេខ២ ចាប់ពីរង្វង់មូលលោកតាខ្មៅ ចិញ្ចើមផ្លូវស្ទើរដាក់កន្លែងតាំងចត ម៉ូតូលក់ និងក្រុមរថយន្តតាក់ស៊ីយ៉ាងអនាធិបតេយ្យផងដែរ ។
លោកវរសេនីយ៍ត្រី យី វណ្ណដា អធិការនគរបាលក្រុងតាខ្មៅ បានឲ្យដឹងថា កម្លាំងនគរបាលក្រុងចុះរៀបចំសណ្តាប់ធ្នាប់និងធ្វើការណែនាំជារៀងរាល់ថ្ងៃ ។ ពេលខ្លះពួកគាត់ជាក្រុមអាជីវករ ស្តាប់តែមួយភ្លែត ពេលសមត្ថកិច្ចចេញវិញនៅដដែល ។
លោកអធិការបន្តថា ជុំវិញបញ្ហាខាងលើនេះ លោកនឹងសុំគោលការណ៍ពីលោកអភិបាលក្រុងតាខ្មៅ មានវិធានការផ្លូវច្បាប់ហើយ ៕
ចែករំលែកព័តមាននេះ