រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋ រួមនឹងម្ចាស់ម៉ូតូឃាត់ខ្លួន បន្ទាប់ពីធ្វើសកម្មភាពលួចម៉ូតូមួយគ្រឿងរបស់ជាងកាត់សក់ម្នាក់ ដែលឈប់ចត មិនបានដកសោចេញ ។ ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោង៨និង៤០នាទីព្រឹកថ្ងៃទី៧ ខែតុលា…
រាជធានីភ្នំពេញ ៖ ជនសង្ស័យម្នាក់ត្រូវបានប្រជាពលរដ្ឋ រួមនឹងម្ចាស់ម៉ូតូឃាត់ខ្លួន បន្ទាប់ពីធ្វើសកម្មភាពលួចម៉ូតូមួយគ្រឿងរបស់ជាងកាត់សក់ម្នាក់ ដែលឈប់ចត មិនបានដកសោចេញ ។
ហេតុការណ៍ខាងលើនេះបង្កអោយមានការភ្ញាក់ផ្អើលកាលពីវេលាម៉ោង៨និង៤០នាទីព្រឹកថ្ងៃទី៧ ខែតុលា ឆ្នាំ២០២ នៅចំណុចមុខវត្តទួលសង្កែ ក្នុងភូមិទួលសង្កែ១ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
ជនសង្ស័យត្រូវចាប់ខ្លួនឈ្មោះពេជ្រ ប៊ុនថា ភេទប្រុស អាយុ៣៥ឆ្នាំ ស្នាក់នៅក្រុងតាខ្មៅ ខេត្តកណ្តាល ។ ចំណែកម្ចាស់ម៉ូតូឈ្មោះជួន ភារម្យ ភេទប្រុស អាយុ២៦ឆ្នាំ ជាជាងកាត់សក់ស្នាក់នៅផ្ទះលេខ២២៨E ក្រុម១ ភូមិទួលសង្កែ សង្កាត់ទួលសង្កែទី១ ខណ្ឌឫស្សីកែវ រាជធានីភ្នំពេញ។
តាមព័ត៌មានអោយដឹងថា នៅមុនពេលកើតហេតុ គេឃើញជាងកាត់សក់រូបនោះបានជិះម៉ូតូមួយគ្រឿងម៉ាកZoomer x ពណ៌ស ស៊េរីឆ្នាំ២០១៨ ពាក់ស្លាកលេខ ភ្នំពេញ 1HD- 3699 មកឈប់ចតនៅមុខហាងកាត់សក់របស់ខ្លួន ដែលស្ថិតនៅមុខវត្តទួលសង្កែដោយពុំបានដកសោឡើយ រួចក៍បានចូលទៅក្នុងហាងបាត់ទៅ ។ ភ្លាមនោះ គេឃើញជនសង្ស័យ ក៍បានចុះទៅលួច ហើយបណ្តើរចេញបានប្រមាណ៥ម៉ែត្រ ស្រាប់តែម្ចាស់ឃើញ ស្រែកចោរៗ ។
តាមសាក្សីបានអោយដឹងទៀតថា ភ្លាមៗ ត្រូវបានប្រជាពលរដ្ឋក្បែរខាងរួមទាំងម្ចាស់ម៉ូតូក៍បាននាំគ្នាចេញចាប់បានភ្លាមៗ រូចប្រគល់អោយនគរបាលប៉ុស្តិ៍ ទួលសង្កែទី១ ដើម្បីសាកសួរនិងកសាងសំនុំរឿងចាត់ការតាមច្បាប់ ៕ (កែសម្រួលដោយ ៖ ធីតា)
ចែករំលែកព័តមាននេះ