ឈ្វេងយល់ពីរបៀបពិនិត្យប្រេងម៉ាស៊ីនរថយន្តប្រណីតBMW
ការពិនិត្យពិច័យប្រេងម៉ាស៊ីនរថយន្ត BMW ដោយដងវាស់ស្ទង់កម្រិតប្រេងនឹងធានាបានថា រថយន្តអ្នកនឹងពុំប្រតិបត្តិការរត់លើដងផ្លូវដោយខ្វះឬប្រេងម៉ាស៊ីនមិនគ្រប់ទ្បើយ ។
ការពិនិត្យពិច័យប្រេងម៉ាស៊ីនរថយន្ត BMW ដោយដងវាស់ស្ទង់កម្រិតប្រេងនឹងធានាបានថា រថយន្តអ្នកនឹងពុំប្រតិបត្តិការរត់លើដងផ្លូវដោយខ្វះឬប្រេងម៉ាស៊ីនមិនគ្រប់ទ្បើយ ។ ចំណែកនៅពេលបន្ថែមប្រេងវា គឺជាកិច្ចការល្អបំផុតក្នុងការប្រើប្រាស់ប្រេងម៉ាស៊ីនជំនួយ ។ ខាងក្រោមនេះ គឺជាវិធីពិនិត្យប្រេងម៉ាស៊ីនរថយន្តប្រណីត BMW 745i ៖
-ទុកឱ្យរថយន្តបញ្ឆេះម៉ាស៊ីនចោលប៉ុន្មាននាទីសិន ។ ប្រេងនឹងកាន់តែងាយស្រួលពិនិត្យពិច័យនៅពេលវាទ្បើងកម្តៅក្តៅល្មម ។ បើកគម្របម៉ាស៊ីនដើម្បីដំណើរការតាមនីតិវិធីនៃការពិនិត្យទៅលើប្លុកតួម៉ាស៊ីន ។
-រកមើលទីតាំងដងវាស់ស្ទង់ប្រេងដែលស្ថិតនៅប្លុកមុខកៅអីអ្នកបើកបរ(ត្រង់សំណុំម៉ាស៊ីន)គម្របនោះគឺវាមានចំពួយពណ៌ក្រហម ។
-មួលដកដងវាស់ស្ទង់នោះចេញមកក្រៅបំពង់ស្តុកប្រេង ហើយជូតសម្អាតវាជាមួយក្រណាត់ស្អាត ។ បន្ទាប់មក ស៊កវាចូលទៅក្នុងទីតាំងដើមវិញ ។
-តមកទៀតដកដងវាស់ស្ទង់ប្រេងម៉ាស៊ីននោះចេញមកក្រៅម្តងទៀត ហើយពិនិត្យនិងសង្កេតមើលថា តើកម្រិតប្រេងវាដិតជាប់នៅត្រង់គំនូសក្រិតណាលើដងវាស់ស្ទង់នោះ ។ គួរបញ្ជាក់ថា នៅលើឧបករណ៍សម្រាប់វាស់កម្រិតប្រេងមានស្នាមក្រិតចំនួន២ ។ ទី១ស្ថិតនៅផ្នែកខាងលើ និងមួយទៀតនៅផ្នែកខាងក្រោម ។ លោកអ្នកអាចចាក់បន្ថែមប្រសិនជាកម្រិតប្រេងពុំបានដិតជាប់នៅផ្នែកខាងលើនៃស្នាមក្រិតលើដងវាស់ស្ទង់នោះ ។
-មួលគម្របប្រេងម៉ាស៊ីនដែលស្ថិតនៅផ្នែកខាងលើនៃម៉ាស៊ីនដើម្បីចាក់ប្រេងបន្ថែម ។ ប្រើប្រាស់ជីទ្បៅដើម្បីការពារកុំឱ្យកំពប់ហៀរខ្ជះខ្ជាយ ។
-ចាក់ឬសិតប្រេងដែលត្រូវបន្ថែមនោះពាក់កណ្តាល១ភាគ៤ បន្ទាប់មកពិនិត្យកម្រិតនៃដំណាក់កាលនីមួយៗ (មិនទាន់ថែមប៉ុណ្ណា ថែមហើយប៉ុណ្ណា)ឱ្យដឹង ។ ឈប់បន្ថែមប្រេងនៅពេលវាស់ស្ទង់ឃើញថា វាដិតជាប់លើដងវាស់ស្ទង់ត្រង់ស្នាមក្រិតខាងលើ ៕
ចែករំលែកព័តមាននេះ